1月的轉會窗已經到左最後一星期，歐洲球壇都開始有動作，今個轉會窗會去到2月3日截止，暫時只係擁有2000人大軍的車路士當然要優先擴充人腳，所以先總結一下車路士到目前為止的轉會傳聞名單：
➡️ 加拿祖 (Garnacho) 由轉會開始傾到今日，車路士仍然未放棄簽入加拿祖的可能性，最先表達出興趣的拿玻里因為唔夠錢的關係已經退出左談判，車路士係唯一一間仲傾緊的球會，但係最新的消息話曼聯將加拿祖的標價由70m加到95m，唔知到底係為左嚇走買家定係真心覺得加拿祖值咁多，車路士內部都討論緊各種可能性。
➡️ 泰利 (Mathys Tel) 自從琴日泰利話自己要離隊之後，就有好多間球會對佢展現出興趣。但係泰利的目標係去一個可以穩定出場的地方，所以對於加盟車路士的興趣不大。但車路士仍然無放棄簽入泰利的可能性，隨隊記者話如果車路士願意讓步的話仍然會有機會。同一時間爭緊的球會仲有曼聯同熱刺，而熱刺果邊就已經同意左50m的轉會費。
➡️ 高比(Gregor Kobel) 經歷左山齊士連續3場派膠的慘痛經驗，車路士突然傳出想收購多蒙特門將高比。不過聽落可能性就唔多大，一方面高比今年已經27歲，唔屬於車路士新收購政策的年紀。其次係多蒙特唔多願意係今個冬窗就放走高比。
⬅️ 迪西施 (Axel Disasi) 維拉已經同迪西施傾好左個人條款，但遲遲未有落實交易，傳聞話車路士同維拉之間就外借定係買斷仲處於談判階段，維拉方面因為Ming的受傷，想係英超搵到一個替補的中堅，傳聞就話最終會以借用+買斷的方式轉會。
⬅️ 菲力斯 (Joao Felix) 本來滿心歡喜加盟車路士，但係爭正選又贏唔到彭馬，正選出場都無乜表現的菲力斯，最近就同維拉領隊艾馬利傳出緋聞，艾馬利表示自己好耐之前就欣賞菲力斯，仲係傾迪西施的過程中詢問收購菲力斯的可能性。菲力斯本人就話會跟從車路士的決定，但係不見得維拉會願意出高價買走菲力斯，恐怕都係吹水多過事實。
⬅️ 安宮古 (Christopher Nkunku) 傷完出黎，係夏天又場場正選，諗住今鋪可以係車路士發光發熱的安宮古，點都無估到自己會跌左落去B隊，係英超上陣時間不足，傳聞就話佢心生去意。但傳聞話車路士就無打算放人，除非係安宮古自己提出要離隊；歐洲球壇暫時亦只有拜仁對安宮古最有興趣，話晒之前安宮古係德甲入咁多波，曼聯都只係觀望而未有實際行動。
⬅️ 卡沙迪亞 (Cesare Casadei) 現時只有拉素仲係談判桌上，但係車路士仍然未同拉素達成協議，分歧點包括左卡沙迪亞的人工問題，仲有就係車路士希望可以係協議上加上好大舊的二次轉會分成，不過呢單轉會達成的機會仍然係大。
⬅️ 卓古美卡 (Carney Chukwuemeka) 早係夏天就將佢放左去離隊名單的車路士，仍然好努力係冬窗想將佢放售。不過因為佢的傷病記錄，潛在買家就唔多啦，暫時只有愛華頓同韋斯咸有興趣，對愛華頓黎講卓古美卡只係次要目標，佢地更加想要史堡的中場迪亞拉 (Habib Diarra)。韋斯咸果邊的興趣亦只限於借用，仲講緊係諗住壓線處理，卓古美卡方面就以離隊有波踢為優先考慮。
⬅️ 威利 (Caleb Wiley) 外借左去史堡的左閘球員威利，車路士睇黎就打算將佢重召歸隊再借去屈福特，咁做其中一個原因係空返一個海外借用名額，另一個原因係車路士賣去史堡的球員莫雷拉表現出色，最近已經成功搶到正選位置，直接壓縮左威利的上場時間。不過威利係較早之前因為膊頭受傷而退出火線，暫時仲未有復出日期，屈福特真係咁好人願意收留佢……？
隨著轉會窗即將關閉，球隊內部決策亦變得更加關鍵。今次冬窗，車路士無意大舉買人，更多係傾向調整陣容平衡，外借球員亦可能有短期內的調動。不過，轉會窗就係有無限的可能，壓哨收購，甚至放走令人意想不到的球員呢D先係轉會窗的醍醐味丫嘛。
========================================
Facebook Page已經開咗啦！如果鍾意我的文章可以入黎按個讚！⭕️ 車迷狗up天地 ❌
https://www.facebook.com/profile.php?id=61566593983419
➡️ 加拿祖 (Garnacho) 由轉會開始傾到今日，車路士仍然未放棄簽入加拿祖的可能性，最先表達出興趣的拿玻里因為唔夠錢的關係已經退出左談判，車路士係唯一一間仲傾緊的球會，但係最新的消息話曼聯將加拿祖的標價由70m加到95m，唔知到底係為左嚇走買家定係真心覺得加拿祖值咁多，車路士內部都討論緊各種可能性。
➡️ 泰利 (Mathys Tel) 自從琴日泰利話自己要離隊之後，就有好多間球會對佢展現出興趣。但係泰利的目標係去一個可以穩定出場的地方，所以對於加盟車路士的興趣不大。但車路士仍然無放棄簽入泰利的可能性，隨隊記者話如果車路士願意讓步的話仍然會有機會。同一時間爭緊的球會仲有曼聯同熱刺，而熱刺果邊就已經同意左50m的轉會費。
➡️ 高比(Gregor Kobel) 經歷左山齊士連續3場派膠的慘痛經驗，車路士突然傳出想收購多蒙特門將高比。不過聽落可能性就唔多大，一方面高比今年已經27歲，唔屬於車路士新收購政策的年紀。其次係多蒙特唔多願意係今個冬窗就放走高比。
⬅️ 迪西施 (Axel Disasi) 維拉已經同迪西施傾好左個人條款，但遲遲未有落實交易，傳聞話車路士同維拉之間就外借定係買斷仲處於談判階段，維拉方面因為Ming的受傷，想係英超搵到一個替補的中堅，傳聞就話最終會以借用+買斷的方式轉會。
⬅️ 菲力斯 (Joao Felix) 本來滿心歡喜加盟車路士，但係爭正選又贏唔到彭馬，正選出場都無乜表現的菲力斯，最近就同維拉領隊艾馬利傳出緋聞，艾馬利表示自己好耐之前就欣賞菲力斯，仲係傾迪西施的過程中詢問收購菲力斯的可能性。菲力斯本人就話會跟從車路士的決定，但係不見得維拉會願意出高價買走菲力斯，恐怕都係吹水多過事實。
⬅️ 安宮古 (Christopher Nkunku) 傷完出黎，係夏天又場場正選，諗住今鋪可以係車路士發光發熱的安宮古，點都無估到自己會跌左落去B隊，係英超上陣時間不足，傳聞就話佢心生去意。但傳聞話車路士就無打算放人，除非係安宮古自己提出要離隊；歐洲球壇暫時亦只有拜仁對安宮古最有興趣，話晒之前安宮古係德甲入咁多波，曼聯都只係觀望而未有實際行動。
⬅️ 卡沙迪亞 (Cesare Casadei) 現時只有拉素仲係談判桌上，但係車路士仍然未同拉素達成協議，分歧點包括左卡沙迪亞的人工問題，仲有就係車路士希望可以係協議上加上好大舊的二次轉會分成，不過呢單轉會達成的機會仍然係大。
⬅️ 卓古美卡 (Carney Chukwuemeka) 早係夏天就將佢放左去離隊名單的車路士，仍然好努力係冬窗想將佢放售。不過因為佢的傷病記錄，潛在買家就唔多啦，暫時只有愛華頓同韋斯咸有興趣，對愛華頓黎講卓古美卡只係次要目標，佢地更加想要史堡的中場迪亞拉 (Habib Diarra)。韋斯咸果邊的興趣亦只限於借用，仲講緊係諗住壓線處理，卓古美卡方面就以離隊有波踢為優先考慮。
⬅️ 威利 (Caleb Wiley) 外借左去史堡的左閘球員威利，車路士睇黎就打算將佢重召歸隊再借去屈福特，咁做其中一個原因係空返一個海外借用名額，另一個原因係車路士賣去史堡的球員莫雷拉表現出色，最近已經成功搶到正選位置，直接壓縮左威利的上場時間。不過威利係較早之前因為膊頭受傷而退出火線，暫時仲未有復出日期，屈福特真係咁好人願意收留佢……？
隨著轉會窗即將關閉，球隊內部決策亦變得更加關鍵。今次冬窗，車路士無意大舉買人，更多係傾向調整陣容平衡，外借球員亦可能有短期內的調動。不過，轉會窗就係有無限的可能，壓哨收購，甚至放走令人意想不到的球員呢D先係轉會窗的醍醐味丫嘛。
========================================
Facebook Page已經開咗啦！如果鍾意我的文章可以入黎按個讚！⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊