[月夜賽後短評] - 2024/25 歐霸排位賽第八場 - FCSB 對 曼聯

Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

⏹️全場小分析
2024/25 歐霸排位賽第八場
FCSB 對 曼聯
全場完，FCSB 0:2 曼聯
歐霸盃排位賽面對FCSB，只要今仗贏波即可晉級，而難度對於曼聯球員亦唔算好高，贏波兼保留體力對水晶宮先係關鍵，正選陣容方面，艾歷臣、哥利亞及馬拉西亞三位後備球員正選上陣，留意返正選係無翼鋒球員，攻力可能會有影響。

上半場開段馬拉亞西先係邊線鏟跌對手領黃，9分鐘左右FCSB有一次黃金機會，先開出罰球後有人於門前接應一踢僅僅柱邊出界，為對手半場最具威脅嘅攻門。14分鐘明諾跑前接應馬天尼斯吊傳，左路禁區內tick高cup過對手，再試圖右腳窩利抽射，可惜被門將接實，其後又有般奴左路傳中，艾歷臣K角位勁射被門將擋出，17分鐘再有明諾接應賀隆落底cut back，十二碼點撞射炒高出界，浪費一次黃金領先嘅機會，曼聯連番轟炸，尤其以左路突破越位傳中攻門成功製造威脅，可惜只差埋門一腳。之後兩隊開始放慢，直至半場完結前都未有太多攻勢出現。
下半場曼聯主攻，46分鐘後備入替嘅加拿祖乘對手一次回傳失誤，帶波一推再於禁區內起腳，可惜擦柱彈出。55分鐘有賀隆左路禁區接應馬天尼斯直傳，轉身起腳被門將接實，58分鐘到般奴一記勁射中楣彈出。以為久攻不下，豈料59分鐘推前一格嘅明諾右路傳中，尾柱有達洛治無人看管下撞射入網成1比0。中段62分鐘對手僅有嘅一次攻門，來自禁區外遠射省中楣彈地，有隊友跑前頭鎚攻門竟然出界。曼聯係67分鐘再下一城至2比0，達洛治左路邊線橫傳被攔下，但對手控甩腳，達洛治上前奪回球權後交俾明諾，斜傳俾左路嘅加拿祖推前cut back，明諾接應撞射地波入網，協助曼聯取得第二球入球，尾段曼聯有作輪換，舒克斯、迪亞奴相繼入替，最終曼聯以兩球淨勝對手晉級歐霸盃。

✍️𝑊𝑟𝑖𝑡𝑒𝑟: #月夜
_
#RoyceSports #MUFC #UEL #曼聯 #歐霸 #FCSB


============
RS一系列鎖匙扣已登場，除左有曼聯歷來最偉大領隊費Sir外，仲有伊巴同迪神添，想要?黎呢度啦: http://bit.ly/RSkeychain
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/