突發！車路士終於結束大半年嘅波衫裸奔時代，落實咗全新嘅心口贊助啦！
車路士官方噚日（2月20日）正式對外宣佈，同總部位於瑞典嘅全球領先「工業 AI」軟體供應商 IFS，達成咗一項多年度嘅全球戰略合作協議。由即日起，IFS 正式躍升為球會嘅首席合作夥伴，而佢哋嘅標誌，將會喺今個週末對陣般尼嘅英超主場賽事中，正式印上車仔男女足一線隊嘅波衫心口，合約期到 2028 年。
講起上嚟，真係想抽吓自己水。上個月我先至出咗篇舊文《打算蝕頭賺尾的商業算盤》，同大家分析點解車仔高層死都唔肯平價簽贊助，當時仲心諗個心口分分鐘要吉到季尾，估唔到篇文出咗街無耐，車仔老闆們就真係傾掂咗單大嘢，用行動證明佢哋個算盤真係打得極之精明。
呢場由高層精心策劃嘅忍耐遊戲終於有回報。但到底呢間叫 IFS 嘅公司係何方神聖？點解佢哋肯揼本做車仔嘅大水喉？今次我哋就用最淺白嘅語言，同大家八卦下呢單合作背後嘅商業版圖，睇下呢間 AI 巨頭到底係咩來頭。
拆解呢份遲來的波衫合約
講親商業合作，最實際當然係講錢、講年期、講內容。無呢啲細節，官方公關稿寫到天花龍鳳都係廢話。今次車路士同 IFS 呢單 Deal，到底賣咗啲咩底牌出去？
根據官方宣佈，IFS 唔單止係幫手頂住今季個賽季剩低嗰幾個月，而係一簽就簽咗一項 Multi-year 嘅全球戰略合作協議。由今個週末對般尼開始，IFS 嘅標誌就會印晒喺車路士男足同女足一線隊嘅波衫心口上面，合約期到 2028 年為止。而且佢哋個名銜係首席合作夥伴（Principal Partner），意味住雙方除咗波衫印字，喺球會嘅科技基建上仲會有極深水嘅合作。
而大家最關心嘅當然係舊錢有幾大。雖然官方按慣例無公開確實數字，但綜合各路媒體同我手上嘅資料，今次 IFS 份合約，價位大約落喺每年 £45m 至 £55m 之間。
對比返之前嘅空窗期，呢筆錢絕對係一場及時雨，舒緩咗球會未來應付英超 PSR嘅壓力。但客觀啲睇，呢個數目始終同 BlueCo 原本夢想中嘅天價有一定出入，並唔算係一場喺報價上嘅絕對勝利。
問題就嚟啦：既然老闆們咁硬頸、之前死都唔做爛市，點解最後會選擇喺呢個價位妥協落筆簽紙？今次呢間令車仔高層肯點頭嘅 IFS 係何方神聖？
唔係雜牌水貨，起底百億歐洲軟體巨獸 IFS
平時球迷見到波衫心口印住啲未聽過嘅名，第一時間一定會皺眉頭：係咪又係啲不知名嘅加密貨幣？定係東南亞外圍波網嘅空殼公司？
大家可以放一萬個心。IFS 絕對係堅料中嘅堅料。
IFS 全名係 Industrial and Financial Systems，總部喺瑞典。佢哋嘅歷史底蘊分分鐘比好多矽谷科技新貴仲要深。早喺 1983 年，五個大學生為咗服務佢哋人生第一張大單：一座核電廠………嘅技術支援，佢哋誇張到直接喺核電廠出面搭營瞓覺。呢種深植於實體工業、硬核到爆嘅基因一直 Keep 到依家。時至今日，佢哋已經係一間背後有歐洲頂級私募股權撐腰、企業估值突破 150 億歐元嘅超級大企業，2024 年嘅全年總營收仲超過咗 12.2 億歐元，絕對係處於高增長期嘅優質企業，£55m 嘅贊助費對佢哋嚟講都只係散紙嚟。
既然咁有錢，咁佢哋其實係賣咩？官方話佢哋係工業 AI 領頭羊，但實際上同我哋認識嘅 ChatGPT 或者Google有好大分別。睇返IFS嘅介紹，係靠機器學習同大數據去預知未來。
舉個例，一架飛機引擎入面有無數個感測器，IFS 嘅 AI 模型會每秒吞吐呢啲海量數據，精準預測零件幾時會壞，喺故障發生前就自動叫你維修；又或者靠 AI 演算法，幫核電廠計出最高效、最安全嘅發電排程；甚至用 AI 預測模型，去動態調配全球極度複雜嘅物流供應鏈。簡單講，實體工業世界背後嗰個超級人工智能大腦，就係 IFS。
講到呢度，最有趣嘅商業問題就出現啦：既然 IFS 係做 B2B 嘅大生意，又唔係賣波鞋賣啤酒，根本無打算叫普通球迷去買佢啲產品，點解要揼幾千萬鎊出嚟，印個名落車仔心口？
呢個正正就係資本家嘅高級玩法。對 IFS 嚟講，英超同車路士嘅波衫心口，係一張覆蓋全球嘅超級卡片；而史丹福橋球場入面嘅 VIP 包廂，就係全世界最頂尖嘅交際場。佢哋醉翁之意不在普通球迷，而係想借住車路士呢個全球品牌，請各國大企業嘅 CEO 同高層飛嚟倫敦睇波。
當班大老闆喺包廂飲住香檳、睇緊彭馬入波嘅同時，分分鐘就順手簽落一張過千萬歐元嘅工業軟體訂單。用幾千萬鎊贊助費，換取清湖呢種私募股權嘅公司人脈，呢條數對 IFS 嚟講絕對係除笨有精。
由 F1 賽車到史丹福橋，車仔點樣用呢套「AI 大腦」？
聽到呢度，大家可能會R晒頭：一間做重工業、計飛機引擎嘅 AI 公司，同落場踢波到底有咩關係？
其實 IFS 絕對唔係第一次涉足頂級體育賽事。就喺啱啱過去嘅 1 月，IFS 正式宣佈成為準備強勢進軍 F1 嘅佳得力車隊 (Cadillac F1)官方科技合作夥伴。喺 F1 呢個以毫秒計算、極度依賴實時數據分析同資源調配嘅極限賽車世界，IFS 嘅 AI 系統就負責做車隊背後個精算大腦，由零件供應鏈、質量控制到賽道上嘅即時決策，全部一手包辦。
既然 F1 賽車都用得，車路士當然唔會放過呢個強大嘅科技資源。大家唔好忘記，車仔老細艾巴利同 BlueCo 團隊，本身就係極度沉迷數據分析同科技升級嘅矽谷狂熱份子。今次搵 IFS 做首席合作夥伴，車仔絕對唔止係為咗收幾千萬贊助費咁簡單，而係想將 IFS 工業 AI搬入史丹福橋同葛咸訓練基地，為球會做全面嘅數碼化轉型。
包括咗營運與供應鏈嘅終極升級，甚至係傷病風險管理，不過暫時大家可以放心，IFS同車仔都應該未有意思要用AI取代教頭咁痴線。
所以，表面上車路士係賣咗個心口位，但實際上，佢哋係為球會未來十年嘅發展，裝咗一個極度強大嘅外掛大腦。
總結：歡迎嚟到算死草嘅現代足球新時代
對於我呢啲普通車迷嚟講，今個週末對般尼，見到件波衫心口終於有返啲字，最大嘅感覺肯定係安樂晒。大半年流流長，望住件好似操練衫咁嘅空白戰衣，落場踢波真係有少少尷尬。依家印返個正正常常嘅IFS logo，算係安慰。
但對於艾巴利同清湖資本呢班高層嚟講，呢件印咗字嘅波衫，意義遠超於「靚唔靚」，而係佢哋私募股權管理哲學嘅最佳成績表。
各位車迷，歡迎嚟到現代足球嘅新時代。喺呢度，波衫贊助商唔再淨係賣啤酒、賣電器或者外圍波，而係玩工業 AI、玩大數據、玩 B2B 資本局。無論你鍾唔鍾意美國老細呢種算死草嘅作風，你都要佩服佢哋喺商業談判桌上嗰份猶如冰山一樣嘅定力。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
車路士官方噚日（2月20日）正式對外宣佈，同總部位於瑞典嘅全球領先「工業 AI」軟體供應商 IFS，達成咗一項多年度嘅全球戰略合作協議。由即日起，IFS 正式躍升為球會嘅首席合作夥伴，而佢哋嘅標誌，將會喺今個週末對陣般尼嘅英超主場賽事中，正式印上車仔男女足一線隊嘅波衫心口，合約期到 2028 年。
講起上嚟，真係想抽吓自己水。上個月我先至出咗篇舊文《打算蝕頭賺尾的商業算盤》，同大家分析點解車仔高層死都唔肯平價簽贊助，當時仲心諗個心口分分鐘要吉到季尾，估唔到篇文出咗街無耐，車仔老闆們就真係傾掂咗單大嘢，用行動證明佢哋個算盤真係打得極之精明。
呢場由高層精心策劃嘅忍耐遊戲終於有回報。但到底呢間叫 IFS 嘅公司係何方神聖？點解佢哋肯揼本做車仔嘅大水喉？今次我哋就用最淺白嘅語言，同大家八卦下呢單合作背後嘅商業版圖，睇下呢間 AI 巨頭到底係咩來頭。
拆解呢份遲來的波衫合約
講親商業合作，最實際當然係講錢、講年期、講內容。無呢啲細節，官方公關稿寫到天花龍鳳都係廢話。今次車路士同 IFS 呢單 Deal，到底賣咗啲咩底牌出去？
根據官方宣佈，IFS 唔單止係幫手頂住今季個賽季剩低嗰幾個月，而係一簽就簽咗一項 Multi-year 嘅全球戰略合作協議。由今個週末對般尼開始，IFS 嘅標誌就會印晒喺車路士男足同女足一線隊嘅波衫心口上面，合約期到 2028 年為止。而且佢哋個名銜係首席合作夥伴（Principal Partner），意味住雙方除咗波衫印字，喺球會嘅科技基建上仲會有極深水嘅合作。
而大家最關心嘅當然係舊錢有幾大。雖然官方按慣例無公開確實數字，但綜合各路媒體同我手上嘅資料，今次 IFS 份合約，價位大約落喺每年 £45m 至 £55m 之間。
對比返之前嘅空窗期，呢筆錢絕對係一場及時雨，舒緩咗球會未來應付英超 PSR嘅壓力。但客觀啲睇，呢個數目始終同 BlueCo 原本夢想中嘅天價有一定出入，並唔算係一場喺報價上嘅絕對勝利。
問題就嚟啦：既然老闆們咁硬頸、之前死都唔做爛市，點解最後會選擇喺呢個價位妥協落筆簽紙？今次呢間令車仔高層肯點頭嘅 IFS 係何方神聖？
唔係雜牌水貨，起底百億歐洲軟體巨獸 IFS
平時球迷見到波衫心口印住啲未聽過嘅名，第一時間一定會皺眉頭：係咪又係啲不知名嘅加密貨幣？定係東南亞外圍波網嘅空殼公司？
大家可以放一萬個心。IFS 絕對係堅料中嘅堅料。
IFS 全名係 Industrial and Financial Systems，總部喺瑞典。佢哋嘅歷史底蘊分分鐘比好多矽谷科技新貴仲要深。早喺 1983 年，五個大學生為咗服務佢哋人生第一張大單：一座核電廠………嘅技術支援，佢哋誇張到直接喺核電廠出面搭營瞓覺。呢種深植於實體工業、硬核到爆嘅基因一直 Keep 到依家。時至今日，佢哋已經係一間背後有歐洲頂級私募股權撐腰、企業估值突破 150 億歐元嘅超級大企業，2024 年嘅全年總營收仲超過咗 12.2 億歐元，絕對係處於高增長期嘅優質企業，£55m 嘅贊助費對佢哋嚟講都只係散紙嚟。
既然咁有錢，咁佢哋其實係賣咩？官方話佢哋係工業 AI 領頭羊，但實際上同我哋認識嘅 ChatGPT 或者Google有好大分別。睇返IFS嘅介紹，係靠機器學習同大數據去預知未來。
舉個例，一架飛機引擎入面有無數個感測器，IFS 嘅 AI 模型會每秒吞吐呢啲海量數據，精準預測零件幾時會壞，喺故障發生前就自動叫你維修；又或者靠 AI 演算法，幫核電廠計出最高效、最安全嘅發電排程；甚至用 AI 預測模型，去動態調配全球極度複雜嘅物流供應鏈。簡單講，實體工業世界背後嗰個超級人工智能大腦，就係 IFS。
講到呢度，最有趣嘅商業問題就出現啦：既然 IFS 係做 B2B 嘅大生意，又唔係賣波鞋賣啤酒，根本無打算叫普通球迷去買佢啲產品，點解要揼幾千萬鎊出嚟，印個名落車仔心口？
呢個正正就係資本家嘅高級玩法。對 IFS 嚟講，英超同車路士嘅波衫心口，係一張覆蓋全球嘅超級卡片；而史丹福橋球場入面嘅 VIP 包廂，就係全世界最頂尖嘅交際場。佢哋醉翁之意不在普通球迷，而係想借住車路士呢個全球品牌，請各國大企業嘅 CEO 同高層飛嚟倫敦睇波。
當班大老闆喺包廂飲住香檳、睇緊彭馬入波嘅同時，分分鐘就順手簽落一張過千萬歐元嘅工業軟體訂單。用幾千萬鎊贊助費，換取清湖呢種私募股權嘅公司人脈，呢條數對 IFS 嚟講絕對係除笨有精。
由 F1 賽車到史丹福橋，車仔點樣用呢套「AI 大腦」？
聽到呢度，大家可能會R晒頭：一間做重工業、計飛機引擎嘅 AI 公司，同落場踢波到底有咩關係？
其實 IFS 絕對唔係第一次涉足頂級體育賽事。就喺啱啱過去嘅 1 月，IFS 正式宣佈成為準備強勢進軍 F1 嘅佳得力車隊 (Cadillac F1)官方科技合作夥伴。喺 F1 呢個以毫秒計算、極度依賴實時數據分析同資源調配嘅極限賽車世界，IFS 嘅 AI 系統就負責做車隊背後個精算大腦，由零件供應鏈、質量控制到賽道上嘅即時決策，全部一手包辦。
既然 F1 賽車都用得，車路士當然唔會放過呢個強大嘅科技資源。大家唔好忘記，車仔老細艾巴利同 BlueCo 團隊，本身就係極度沉迷數據分析同科技升級嘅矽谷狂熱份子。今次搵 IFS 做首席合作夥伴，車仔絕對唔止係為咗收幾千萬贊助費咁簡單，而係想將 IFS 工業 AI搬入史丹福橋同葛咸訓練基地，為球會做全面嘅數碼化轉型。
包括咗營運與供應鏈嘅終極升級，甚至係傷病風險管理，不過暫時大家可以放心，IFS同車仔都應該未有意思要用AI取代教頭咁痴線。
所以，表面上車路士係賣咗個心口位，但實際上，佢哋係為球會未來十年嘅發展，裝咗一個極度強大嘅外掛大腦。
總結：歡迎嚟到算死草嘅現代足球新時代
對於我呢啲普通車迷嚟講，今個週末對般尼，見到件波衫心口終於有返啲字，最大嘅感覺肯定係安樂晒。大半年流流長，望住件好似操練衫咁嘅空白戰衣，落場踢波真係有少少尷尬。依家印返個正正常常嘅IFS logo，算係安慰。
但對於艾巴利同清湖資本呢班高層嚟講，呢件印咗字嘅波衫，意義遠超於「靚唔靚」，而係佢哋私募股權管理哲學嘅最佳成績表。
各位車迷，歡迎嚟到現代足球嘅新時代。喺呢度，波衫贊助商唔再淨係賣啤酒、賣電器或者外圍波，而係玩工業 AI、玩大數據、玩 B2B 資本局。無論你鍾唔鍾意美國老細呢種算死草嘅作風，你都要佩服佢哋喺商業談判桌上嗰份猶如冰山一樣嘅定力。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊