「沙亞夠唔夠班？聽到呢個名，我有啲腳震...」「一見到 Sarr 呢個名已經打哂冷震，都係睇定 d 好。」
當車路士宣佈由史特拉斯堡召回沙亞嗰一刻，車迷巴打嘅反應非常真實。無他嘅，上一位叫沙亞嘅車仔球員，留俾大家嘅心理陰影實在太大。眼神防守、計時炸彈嘅感覺，令到大家一見到個姓氏係 Sarr，就自然產生一種 PTSD 式嘅恐懼。
但今次，大家或者可以稍為收埋個震字先。因為今次嘅回歸，並唔係管理層藥石亂投嘅 Panic Buy，而係新領隊羅生喺防線告急之際，親自欽點嘅救火方案。
到底呢位 20 歲嘅馬馬度沙亞憑咩令羅生覺得佢有世界級潛力？喺高維爾重創、巴迪亞舒尼迷失嘅當下，佢又係咪嗰個正確嘅答案？
戰術痛點：點解係佢？
首先要講下個背景。隨住高維爾 ACL 重創要長抖，加上巴迪亞舒尼喺對韋斯咸一役表現災難級（半場被換走就知咩事啦係咪？），車路士嘅左中堅位置出現咗巨大真空。
雖然我哋仲有科芬拿同查洛巴，但問題係佢哋兩個都係純正右腳球員，踢左邊出波嗰陣好難搞，成日要推返順足先傳到，拖慢晒節奏。
而今篇文嘅主角，馬馬度沙亞最大嘅價值，就係佢嘅雙槍屬性。 雖然佢係右腳球員，但佢極度擅長用左腳。根據史特拉斯堡嘅球探報告，佢喺後場組織嗰陣，能夠傳出好多右腳球員做唔到嘅 「神奇角度」。
有幾神奇？想像下：當對手前鋒特登封死佢右腳嘅出波路線，以為迫死咗佢，逼佢要回傳畀龍門嗰陣。一般右腳中堅呢個時候通常要轉身、調整步伐、甚至要推多兩步先傳到波。
但沙亞唔使。佢可以好似慣用腳係左腳咁，第一時間用左腳送直線去左邊 Half-space 或者邊線位。就係慳咗呢一下調整嘅時間，對手原本嚴密嘅封鎖線，就會因為佢呢一腳出其不意嘅左腳傳送，瞬間變形。
數據亦支持這一點：佢今季每90分鐘傳球成功率高達 95.0%。喺羅生講求極致控傳嘅體系入面，佢呢種左右逢源、能夠用怪腳破逼搶嘅能力，正正係目前隊中其他中堅欠缺嘅。
風格進化：由安全牌變新干拿迪
半年前，當佢剛加盟嗰陣，我曾經擔心佢傳球太保守。但經過喺法甲半季嘅洗禮，加上羅生嘅親自調教，佢已經進化。
進攻上，佢唔再只係橫傳，而係更敢於在中路做 "Punch passes"。
而喺防守端，佢嘅定位非常清晰：極致嘅身體流。 沙亞自己都承認，身邊好多人都話佢踢法似利物浦嘅干拿迪。點解似？因為佢哋都係靠回追速度同對抗性防守。
再睇睇數據：
地面防守極強：每90分鐘只被扭過 0.34次。即係話對手好難喺地面一對一過佢。
回追能力： 每90分鐘有 4.97次奪回球權。
羅生嘅防守體系要求 High Line同 Aggressive Man-to-man，身後往往有大片草原。沙亞因為算快，敢壓上中場線做人盯人，就算俾人打反擊，佢都有信心憑速度追得返。呢種定海神針式嘅體能優勢，正正係用嚟填補高維爾受傷後，防線欠缺嘅硬度。
當然，我唔打算盲目吹奏。馬馬度沙亞有一個明顯嘅弱點，就係高空波。
雖然佢身高過六呎，但數據顯示佢嘅高空爭頂成功率只有 47.6%。對於一個英超中堅嚟講，呢個數字係唔合格嘅。代表住萬一對手專攻高空轟炸，或者死球戰術，佢可能會比較輸蝕。
呢一點，或者需要拍檔去幫手掩蓋，亦係佢未來必須要苦練嘅課題。
無縫接軌：體系大於聯賽
最後，亦係最多人質疑嘅一點：「法甲中游返黎，夠唔夠班踢英超呀？強度差好遠喎！」
有巴打甚至覺得，喺法甲踢得好唔代表咩，英超係另一個世界。呢個擔憂絕對合理，但我哋要搞清楚一個概念：球員適應嘅除咗係聯賽，更重要係體系。
歷史話俾我哋知，好多英超內部轉會之所以水土不服，往往係因為戰術體系唔同。相反，如果戰術體系一樣，就算跨聯賽，適應期都可以縮到最短。
沙亞嘅情況係點？ 佢喺史特拉斯堡踢嗰套，就係羅生依家喺車路士踢緊嗰套。 佢係法甲面對嘅逼搶強度或者低啲，但佢對 「幾時傳、傳去邊、防線推幾高」 嘅決策邏輯係完全一樣嘅。
就好似你係法國揸開同一款 F1 賽車，黎到英國如果有返同一條賽道、就算對手唔同咗，架車點樣揸條路點樣行你係滾瓜爛熟。相比起花大錢買個英超球員返黎重新學揸車，唔使錢咁召回一個已經識揸呢架車嘅「自己人」，其實先係風險最低嘅操作。
加上佢同古斯圖係里昂前隊友，同山度士係史特拉斯堡嘅好拍檔，甚至佢嘅英文已經講得非常流利。同學會效應，進一步降低咗適應風險。
總結：俾新沙亞一個機會
佢唔係以前嗰個幽靈沙亞。佢係一個 20 歲、擁有雙足出球能力、地面防守強悍，而且深受領隊信任嘅潛力股。
既然羅生敢喺危急關頭將個後防交畀佢，證明佢一定有過人之處。各位車迷，不妨收埋嗰種「聽到個名就震」嘅 PTSD，畀次機會呢位「沙亞 2.0」。或者喺高維爾養傷嘅呢段日子，佢會帶畀我哋意想不到嘅驚喜。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
當車路士宣佈由史特拉斯堡召回沙亞嗰一刻，車迷巴打嘅反應非常真實。無他嘅，上一位叫沙亞嘅車仔球員，留俾大家嘅心理陰影實在太大。眼神防守、計時炸彈嘅感覺，令到大家一見到個姓氏係 Sarr，就自然產生一種 PTSD 式嘅恐懼。
但今次，大家或者可以稍為收埋個震字先。因為今次嘅回歸，並唔係管理層藥石亂投嘅 Panic Buy，而係新領隊羅生喺防線告急之際，親自欽點嘅救火方案。
到底呢位 20 歲嘅馬馬度沙亞憑咩令羅生覺得佢有世界級潛力？喺高維爾重創、巴迪亞舒尼迷失嘅當下，佢又係咪嗰個正確嘅答案？
戰術痛點：點解係佢？
首先要講下個背景。隨住高維爾 ACL 重創要長抖，加上巴迪亞舒尼喺對韋斯咸一役表現災難級（半場被換走就知咩事啦係咪？），車路士嘅左中堅位置出現咗巨大真空。
雖然我哋仲有科芬拿同查洛巴，但問題係佢哋兩個都係純正右腳球員，踢左邊出波嗰陣好難搞，成日要推返順足先傳到，拖慢晒節奏。
而今篇文嘅主角，馬馬度沙亞最大嘅價值，就係佢嘅雙槍屬性。 雖然佢係右腳球員，但佢極度擅長用左腳。根據史特拉斯堡嘅球探報告，佢喺後場組織嗰陣，能夠傳出好多右腳球員做唔到嘅 「神奇角度」。
有幾神奇？想像下：當對手前鋒特登封死佢右腳嘅出波路線，以為迫死咗佢，逼佢要回傳畀龍門嗰陣。一般右腳中堅呢個時候通常要轉身、調整步伐、甚至要推多兩步先傳到波。
但沙亞唔使。佢可以好似慣用腳係左腳咁，第一時間用左腳送直線去左邊 Half-space 或者邊線位。就係慳咗呢一下調整嘅時間，對手原本嚴密嘅封鎖線，就會因為佢呢一腳出其不意嘅左腳傳送，瞬間變形。
數據亦支持這一點：佢今季每90分鐘傳球成功率高達 95.0%。喺羅生講求極致控傳嘅體系入面，佢呢種左右逢源、能夠用怪腳破逼搶嘅能力，正正係目前隊中其他中堅欠缺嘅。
風格進化：由安全牌變新干拿迪
半年前，當佢剛加盟嗰陣，我曾經擔心佢傳球太保守。但經過喺法甲半季嘅洗禮，加上羅生嘅親自調教，佢已經進化。
進攻上，佢唔再只係橫傳，而係更敢於在中路做 "Punch passes"。
而喺防守端，佢嘅定位非常清晰：極致嘅身體流。 沙亞自己都承認，身邊好多人都話佢踢法似利物浦嘅干拿迪。點解似？因為佢哋都係靠回追速度同對抗性防守。
再睇睇數據：
地面防守極強：每90分鐘只被扭過 0.34次。即係話對手好難喺地面一對一過佢。
回追能力： 每90分鐘有 4.97次奪回球權。
羅生嘅防守體系要求 High Line同 Aggressive Man-to-man，身後往往有大片草原。沙亞因為算快，敢壓上中場線做人盯人，就算俾人打反擊，佢都有信心憑速度追得返。呢種定海神針式嘅體能優勢，正正係用嚟填補高維爾受傷後，防線欠缺嘅硬度。
當然，我唔打算盲目吹奏。馬馬度沙亞有一個明顯嘅弱點，就係高空波。
雖然佢身高過六呎，但數據顯示佢嘅高空爭頂成功率只有 47.6%。對於一個英超中堅嚟講，呢個數字係唔合格嘅。代表住萬一對手專攻高空轟炸，或者死球戰術，佢可能會比較輸蝕。
呢一點，或者需要拍檔去幫手掩蓋，亦係佢未來必須要苦練嘅課題。
無縫接軌：體系大於聯賽
最後，亦係最多人質疑嘅一點：「法甲中游返黎，夠唔夠班踢英超呀？強度差好遠喎！」
有巴打甚至覺得，喺法甲踢得好唔代表咩，英超係另一個世界。呢個擔憂絕對合理，但我哋要搞清楚一個概念：球員適應嘅除咗係聯賽，更重要係體系。
歷史話俾我哋知，好多英超內部轉會之所以水土不服，往往係因為戰術體系唔同。相反，如果戰術體系一樣，就算跨聯賽，適應期都可以縮到最短。
沙亞嘅情況係點？ 佢喺史特拉斯堡踢嗰套，就係羅生依家喺車路士踢緊嗰套。 佢係法甲面對嘅逼搶強度或者低啲，但佢對 「幾時傳、傳去邊、防線推幾高」 嘅決策邏輯係完全一樣嘅。
就好似你係法國揸開同一款 F1 賽車，黎到英國如果有返同一條賽道、就算對手唔同咗，架車點樣揸條路點樣行你係滾瓜爛熟。相比起花大錢買個英超球員返黎重新學揸車，唔使錢咁召回一個已經識揸呢架車嘅「自己人」，其實先係風險最低嘅操作。
加上佢同古斯圖係里昂前隊友，同山度士係史特拉斯堡嘅好拍檔，甚至佢嘅英文已經講得非常流利。同學會效應，進一步降低咗適應風險。
總結：俾新沙亞一個機會
佢唔係以前嗰個幽靈沙亞。佢係一個 20 歲、擁有雙足出球能力、地面防守強悍，而且深受領隊信任嘅潛力股。
既然羅生敢喺危急關頭將個後防交畀佢，證明佢一定有過人之處。各位車迷，不妨收埋嗰種「聽到個名就震」嘅 PTSD，畀次機會呢位「沙亞 2.0」。或者喺高維爾養傷嘅呢段日子，佢會帶畀我哋意想不到嘅驚喜。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊