車路士官宣，正式簽入我哋姊妹球會史特拉斯堡嘅19歲法國中堅——馬馬度沙亞 (Mamadou Sarr)，成為今夏最新嘅收購之一 。佢亦都係BlueCo入主以嚟，第一個由史特拉斯堡直接「升班」上嚟車仔嘅球員 。但官宣post下面，相信唔少車迷心裡面同我一樣，都係浮現出同一個問題：「Who？？」
https://media1.tenor.com/m/RwUWyHef9LYAAAAC/who-korath-the-pursuer.gif
無他嘅，講起沙亞 (Sarr) 呢個姓，大部分車迷第一時間諗起嘅，可能仲係2020年嗰位同人唔同命、最後變成人球嘅馬龍沙亞 (Malang Sarr)。有咗上次嘅「中伏」經驗，今次呢位同樣叫沙亞、同樣係法籍年輕中堅嘅馬馬度，究竟係寶定係伏？今次嘅【球探報告】，我哋就一齊深入解剖一下，睇下佢到底係何方神聖。
背景速寫：將門之後，一年三級跳
要講馬馬度沙亞，就要先講下佢老豆——柏比沙亞 (Pape Sarr) 。佢老豆唔係普通人，係2002年塞內加爾黃金一代嘅成員，贏過非洲國家盃，仲踢過世界盃八強 。有咁嘅足球DNA，馬馬度可以話係贏在起跑線。
佢12歲就加入咗法甲勁旅里昂嘅青訓營 ，仲幫球隊贏過法國U18盃賽，喺半準決賽同準決賽都有波入，年紀輕輕已經展現大心臟 。之後佢喺17歲完成里昂一隊處子戰 ，再被外借到比利時嘅莫倫貝克「練級」。雖然球隊最後降班收場，但佢嘅表現就吸引到我哋嘅姊妹球會史特拉斯堡嘅注意，上年8月正式加盟 。
就係喺史堡呢一年，佢嘅事業迎嚟大爆發。喺前英超守衛、史堡新領隊路斯尼亞 (Liam Rosenior) 嘅執教下，19歲嘅佢成為球隊正選，上陣28次，仲幫史堡殺入下季嘅歐協聯 。亦都係因為咁，先會喺短短一年內就俾我哋睇中，直接「內部調職」過嚟。唔好唔記得，佢仲係法國U17歐國盃嘅冠軍功臣 ，大賽經驗絕對唔嘢少。
踢法解構：矛盾的數據，天使與魔鬼的結合體？
綜合各方報導同球探報告，沙亞俾人嘅印象係一個潛力無限嘅現代中堅範本，而數據亦都支持佢某啲方面確實係「世界級」水平。但當我哋將顯微鏡放喺佢嘅數據上，就會發現一個充滿矛盾、又天使又魔鬼嘅結合體。
⭕️ 傳球能力 & 身體質素：
佢最「屈機」嘅地方，就係佢嘅傳球能力。無論短傳（成功率97.7%）、中距離（96.4%）、定係長傳（72.2%），佢嘅成功率都係頂級聯賽中堅入面嘅頂尖水平。特別係佢高達93.8%嘅整體傳球成功率，對於一個19歲嘅年輕人嚟講，簡直係痴線。
加上佢左右腳都得，令佢喺後場出波時更加難以預測，完全符合馬蛇對後衛控傳嘅要求。身體質素方面，佢超過六呎嘅身高，加上巨大嘅步幅同驚人嘅速度，令佢帶波推進時好有威脅，扭身轉向亦都比想像中靈活。
❌ 防守數據 & 核心弱點：
不過，當我哋睇到佢嘅核心防守數據，紅色警報就響起喇。
高空波對抗： 最令人R頭嘅地方，就係佢嘅空戰能力。早期嘅報告話佢「空中無敵」，但數據就誠實得多：佢上季高空波爭頂成功率只係得50.8%（即平均每場贏1.1次，輸1.1次），喺頂級聯serrat賽中堅入面係排得好後。呢個巨大反差，不禁令人擔心佢點樣應付英超嘅肌肉碰撞同高空轟炸。
傳統防守數據： 除咗高空波，佢嘅地面防守數據亦都唔算標青。無論係每90分鐘1.41次嘅鏟波、0.95次嘅攔截、定係4.45次嘅解圍，數據上都只係中下游水平。甚至佢犯錯導致對手射門嘅次數（每90分鐘0.11次），都比唔少同位置球員要多。呢啲數據說明，雖然佢喺控球時好冷靜，但喺無球防守嘅選位同判斷上，可能仲有好大進步空間。
向前傳送： 最後，雖然佢傳球好穩陣，但佢嘅向前傳球同向前帶波數據都偏低。佢每90分鐘只有1.98次向前傳球（Progressive Passes），同埋少得可憐嘅0.27次向前帶波（Progressive Carries）。呢個可能代表佢暫時傾向安全傳送，比較少冒險打穿對手防線，呢點或者係馬蛇需要重點調教嘅地方。
可以為車路士帶來什麼？
咁究竟呢位優點同缺點都同樣突出嘅年輕人，可以為我哋帶嚟啲咩？最直接嘅答案，就係完美契合馬蛇嘅戰術體系。我上面都提過，馬蛇極度重視後場嘅控傳能力，而沙亞嗰一手頂級嘅傳球功夫，就算唔係前傳只係化解搶迫壓力都好，都正正就係馬蛇最需要嘅武器 。有佢喺度，我哋後場又多一個穩定嘅出球點，可以更從容咁組織攻勢。
再推深一層，一個右腳中堅，出波能力強，但防守對抗有待改善 。呢個模板係咪好熟面口？無錯，感覺上就好似一個「幼年期」版本嘅科芬拿。當然，以佢19歲嘅年紀，我哋冇可能期望佢一嚟就搶到正選 。喺高維爾、科芬拿、巴迪亞舒尼、阿達拉比奧尤同查洛巴呢堆中堅面前，佢嘅排位肯定比較後 。但考慮到同位置上，除咗阿達拉比奧尤比較穩陣之外，科芬拿、巴迪亞舒尼同查洛巴三個都前途未卜，如果沙亞喺季前集訓表現好，下季留隊踢下盃賽，絕對唔係冇可能。至於會唔會外借返去史特拉斯堡再練下？機會又未必太大。據聞我哋外借去史堡嘅名額得3個，而柏艾斯 (Kendry Páez) 同 Amougou 已經佔咗兩個位，淨返一個位嘅競爭會好激烈。
無論如何，簽佢更重要嘅意義，係一項面向未來嘅投資。一份長達八年嘅合約 ，加埋只係1400萬歐元左右嘅轉會費 ，喺今時今日嚟講絕對係一單「筍deal」。呢單交易亦都體現咗BlueCo嘅姊妹球會策略——喺史堡升Lv成功，再將潛力股帶返嚟車仔 ，呢種玩法唔多唔會可以鼓勵到史堡的球會踢得更加進取同努力。佢嘅加盟，唔止令我哋喺中堅位置上有更大嘅深度同彈性，甚至唔需要急於喺市場上再買一個貴價中堅幼幼 。
不過，佢能唔能夠將潛力兌現，就要睇馬蛇同教練團點樣打磨佢嗰啲防守弱點，尤其係點樣幫佢適應英超恐怖嘅身體對抗喇。
總結感想：高潛力嘅抽蛋Game
馬馬度沙亞就係一塊充滿矛盾，但又潛力無限嘅原石。如果佢能夠喺馬蛇嘅指導下，改善佢嘅防守判斷同高空波對抗，再將佢頂級嘅傳球能力喺英超發揮出嚟，咁佢絕對有機會成為我哋未來十年後防線上嘅重要一員。
但反過嚟講，如果佢適應唔到英超嘅強度，防守上嘅弱點被無限放大，咁佢亦都可能會成為另一個令我哋失望嘅「沙亞」，浪費咗佢嘅天賦。呢單交易，本身就係一場高潛力、低成本嘅抽蛋Game。既然管理層已經將佢帶到史丹福橋，我哋作為球迷，就唯有拭目以待，希望今次我哋抽中嘅係「SSR」，而唔係「N卡」啦。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
https://media1.tenor.com/m/RwUWyHef9LYAAAAC/who-korath-the-pursuer.gif
無他嘅，講起沙亞 (Sarr) 呢個姓，大部分車迷第一時間諗起嘅，可能仲係2020年嗰位同人唔同命、最後變成人球嘅馬龍沙亞 (Malang Sarr)。有咗上次嘅「中伏」經驗，今次呢位同樣叫沙亞、同樣係法籍年輕中堅嘅馬馬度，究竟係寶定係伏？今次嘅【球探報告】，我哋就一齊深入解剖一下，睇下佢到底係何方神聖。
背景速寫：將門之後，一年三級跳
要講馬馬度沙亞，就要先講下佢老豆——柏比沙亞 (Pape Sarr) 。佢老豆唔係普通人，係2002年塞內加爾黃金一代嘅成員，贏過非洲國家盃，仲踢過世界盃八強 。有咁嘅足球DNA，馬馬度可以話係贏在起跑線。
佢12歲就加入咗法甲勁旅里昂嘅青訓營 ，仲幫球隊贏過法國U18盃賽，喺半準決賽同準決賽都有波入，年紀輕輕已經展現大心臟 。之後佢喺17歲完成里昂一隊處子戰 ，再被外借到比利時嘅莫倫貝克「練級」。雖然球隊最後降班收場，但佢嘅表現就吸引到我哋嘅姊妹球會史特拉斯堡嘅注意，上年8月正式加盟 。
就係喺史堡呢一年，佢嘅事業迎嚟大爆發。喺前英超守衛、史堡新領隊路斯尼亞 (Liam Rosenior) 嘅執教下，19歲嘅佢成為球隊正選，上陣28次，仲幫史堡殺入下季嘅歐協聯 。亦都係因為咁，先會喺短短一年內就俾我哋睇中，直接「內部調職」過嚟。唔好唔記得，佢仲係法國U17歐國盃嘅冠軍功臣 ，大賽經驗絕對唔嘢少。
踢法解構：矛盾的數據，天使與魔鬼的結合體？
綜合各方報導同球探報告，沙亞俾人嘅印象係一個潛力無限嘅現代中堅範本，而數據亦都支持佢某啲方面確實係「世界級」水平。但當我哋將顯微鏡放喺佢嘅數據上，就會發現一個充滿矛盾、又天使又魔鬼嘅結合體。
⭕️ 傳球能力 & 身體質素：
佢最「屈機」嘅地方，就係佢嘅傳球能力。無論短傳（成功率97.7%）、中距離（96.4%）、定係長傳（72.2%），佢嘅成功率都係頂級聯賽中堅入面嘅頂尖水平。特別係佢高達93.8%嘅整體傳球成功率，對於一個19歲嘅年輕人嚟講，簡直係痴線。
加上佢左右腳都得，令佢喺後場出波時更加難以預測，完全符合馬蛇對後衛控傳嘅要求。身體質素方面，佢超過六呎嘅身高，加上巨大嘅步幅同驚人嘅速度，令佢帶波推進時好有威脅，扭身轉向亦都比想像中靈活。
❌ 防守數據 & 核心弱點：
不過，當我哋睇到佢嘅核心防守數據，紅色警報就響起喇。
高空波對抗： 最令人R頭嘅地方，就係佢嘅空戰能力。早期嘅報告話佢「空中無敵」，但數據就誠實得多：佢上季高空波爭頂成功率只係得50.8%（即平均每場贏1.1次，輸1.1次），喺頂級聯serrat賽中堅入面係排得好後。呢個巨大反差，不禁令人擔心佢點樣應付英超嘅肌肉碰撞同高空轟炸。
傳統防守數據： 除咗高空波，佢嘅地面防守數據亦都唔算標青。無論係每90分鐘1.41次嘅鏟波、0.95次嘅攔截、定係4.45次嘅解圍，數據上都只係中下游水平。甚至佢犯錯導致對手射門嘅次數（每90分鐘0.11次），都比唔少同位置球員要多。呢啲數據說明，雖然佢喺控球時好冷靜，但喺無球防守嘅選位同判斷上，可能仲有好大進步空間。
向前傳送： 最後，雖然佢傳球好穩陣，但佢嘅向前傳球同向前帶波數據都偏低。佢每90分鐘只有1.98次向前傳球（Progressive Passes），同埋少得可憐嘅0.27次向前帶波（Progressive Carries）。呢個可能代表佢暫時傾向安全傳送，比較少冒險打穿對手防線，呢點或者係馬蛇需要重點調教嘅地方。
可以為車路士帶來什麼？
咁究竟呢位優點同缺點都同樣突出嘅年輕人，可以為我哋帶嚟啲咩？最直接嘅答案，就係完美契合馬蛇嘅戰術體系。我上面都提過，馬蛇極度重視後場嘅控傳能力，而沙亞嗰一手頂級嘅傳球功夫，就算唔係前傳只係化解搶迫壓力都好，都正正就係馬蛇最需要嘅武器 。有佢喺度，我哋後場又多一個穩定嘅出球點，可以更從容咁組織攻勢。
再推深一層，一個右腳中堅，出波能力強，但防守對抗有待改善 。呢個模板係咪好熟面口？無錯，感覺上就好似一個「幼年期」版本嘅科芬拿。當然，以佢19歲嘅年紀，我哋冇可能期望佢一嚟就搶到正選 。喺高維爾、科芬拿、巴迪亞舒尼、阿達拉比奧尤同查洛巴呢堆中堅面前，佢嘅排位肯定比較後 。但考慮到同位置上，除咗阿達拉比奧尤比較穩陣之外，科芬拿、巴迪亞舒尼同查洛巴三個都前途未卜，如果沙亞喺季前集訓表現好，下季留隊踢下盃賽，絕對唔係冇可能。至於會唔會外借返去史特拉斯堡再練下？機會又未必太大。據聞我哋外借去史堡嘅名額得3個，而柏艾斯 (Kendry Páez) 同 Amougou 已經佔咗兩個位，淨返一個位嘅競爭會好激烈。
無論如何，簽佢更重要嘅意義，係一項面向未來嘅投資。一份長達八年嘅合約 ，加埋只係1400萬歐元左右嘅轉會費 ，喺今時今日嚟講絕對係一單「筍deal」。呢單交易亦都體現咗BlueCo嘅姊妹球會策略——喺史堡升Lv成功，再將潛力股帶返嚟車仔 ，呢種玩法唔多唔會可以鼓勵到史堡的球會踢得更加進取同努力。佢嘅加盟，唔止令我哋喺中堅位置上有更大嘅深度同彈性，甚至唔需要急於喺市場上再買一個貴價中堅幼幼 。
不過，佢能唔能夠將潛力兌現，就要睇馬蛇同教練團點樣打磨佢嗰啲防守弱點，尤其係點樣幫佢適應英超恐怖嘅身體對抗喇。
總結感想：高潛力嘅抽蛋Game
馬馬度沙亞就係一塊充滿矛盾，但又潛力無限嘅原石。如果佢能夠喺馬蛇嘅指導下，改善佢嘅防守判斷同高空波對抗，再將佢頂級嘅傳球能力喺英超發揮出嚟，咁佢絕對有機會成為我哋未來十年後防線上嘅重要一員。
但反過嚟講，如果佢適應唔到英超嘅強度，防守上嘅弱點被無限放大，咁佢亦都可能會成為另一個令我哋失望嘅「沙亞」，浪費咗佢嘅天賦。呢單交易，本身就係一場高潛力、低成本嘅抽蛋Game。既然管理層已經將佢帶到史丹福橋，我哋作為球迷，就唯有拭目以待，希望今次我哋抽中嘅係「SSR」，而唔係「N卡」啦。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
請按此登錄後留言。未成為會員? 立即註冊