上星期五，我哋喺專欄寫咗篇文，分析英超班主喺倫敦酒店房入面嗰場「Civil War」（未睇嘅朋友強烈建議禁入去補補課，包你大開眼界）。當時我預測，車路士會由騎牆變歸邊，支持落閘放狗。
最終塵埃落定賽果出爐。 結果不出所料，最具爭議嘅工資帽喺一片反對聲中慘敗，直接胎死腹中；但另一邊廂，限制支出比例嘅 「SCR」 就僅僅夠票通過。
驟眼睇，好似只係換個玩法，但魔鬼在細節。今次投票結果，其實係標誌住英超「商業豪門」嘅全面勝利，而最大嘅輸家，竟然係嗰班大家公認經營得最好嘅「聰明球會」。
今集【球壇風向室】，同大家做個董事局賽後報告。
賽果速報：共產夢碎，SCR 上馬
先睇睇最終票數，非常精彩：
Anchoring (工資帽)：❌ 否決 (慘敗)
票數： 7 票贊成、12 票反對、1 票棄權。
死因： 正如我哋上集分析，曼城、曼聯帶頭反枱，加上 PFA (球員工會) 講明會告上法庭。結果大部份球會都唔想惹官司，選擇咗否決。英超「強制共同富裕」嘅夢想正式破滅。
SCR (球隊成本控制)：✅ 通過 (險勝)
票數： 14 票贊成、6 票反對。
重點： 剛剛好過 2/3 門檻 (14票)。新例規定，球會支出（人工+攤分+經理人費）唔可以超過收入嘅 85%。
車路士的「神操作」：我全都要.jpg
喺呢場博弈入面，我哋車仔嘅投票策略可以話係教科書級嘅老狐狸。
根據流出嘅名單，車路士投咗反對工資帽，但投咗贊成 SCR。 呢個操作完美引證咗我哋上一篇嘅預測：我哋歸邊，而且係歸咗去有錢人嗰邊。
反對工資帽： 因為我哋唔想被榜尾隊鎖死上限。我有能力搵錢，而且每年收益仲上升緊，自然就想有權力使錢。
贊成 SCR： 因為 SCR 係同「收入」掛鉤。既然我哋有 Club World Cup、有龐大嘅商業贊助潛力，我哋個 Cap 自然大過人。
車仔用呢兩票，成功保住咗自己作為「商業豪門」嘅優勢，同時又設咗個門檻俾其他人。
邊個係大輸家？白禮頓式童話的破滅
今次投票最爆嘅花生，其實係邊個投咗反對 SCR。 名單一出，竟然唔係豪門，而係 白禮頓、賓福特、富咸、水晶宮、列斯聯、般尼茅夫。
點解呢班平時公認「經營有道」、「低買高賣」嘅中堅球會，會咁反對 SCR？ 原因就喺新例嘅一條魔鬼條款：「球員交易利潤，需分 3 年平均計算。」
以前嘅 PSR 年代，白禮頓賣一件卡些度賺 £1 億，呢 £1 億係即時入帳，佢哋可以即刻用呢筆錢去買 10 個妖人，或者出高人工搶人。 但喺新 SCR 制度下，呢 £1 億利潤要分 3 年計，即係今年只可以當賺咗 £3,300 萬。
呢一刀，直接殺死咗「白禮頓式童話」。 對於嗰啲無大球場、無大贊助，純粹靠「眼光獨到」炒賣球員維生嘅中型班，佢哋嘅即時購買力被大幅削弱。相反，曼聯、熱刺、車仔呢啲靠賣波衫、賣飛、賣贊助（Recurring Revenue）嘅球會，收入穩定，反而唔受影響。
總結：商業巨無霸時代
今次投票結果，其實係一次英超秩序嘅大洗牌。 以前你眼光好、識買妖人，你可以挑戰豪門（好似以前嘅李斯特城、近年嘅白禮頓同森林等等）。 但由 2026/27 賽季開始，英超將會變成純粹嘅「商業遊戲」。你有大球場、你有全球 Fans Base、你有大金主贊助，你個 Cap 就係大過人。
對於車路士球迷嚟講，呢個係好消息。因為牙Todd同清湖最擅長嘅就係搞商業。只要我哋條數做得靚，我哋喺轉會市場嘅優勢，只會比以前更大。至於想睇小球會逆襲嘅球迷？Sorry，喺新制度下，呢支歌仔可能越嚟越難唱了。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌ https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
最終塵埃落定賽果出爐。 結果不出所料，最具爭議嘅工資帽喺一片反對聲中慘敗，直接胎死腹中；但另一邊廂，限制支出比例嘅 「SCR」 就僅僅夠票通過。
驟眼睇，好似只係換個玩法，但魔鬼在細節。今次投票結果，其實係標誌住英超「商業豪門」嘅全面勝利，而最大嘅輸家，竟然係嗰班大家公認經營得最好嘅「聰明球會」。
今集【球壇風向室】，同大家做個董事局賽後報告。
賽果速報：共產夢碎，SCR 上馬
先睇睇最終票數，非常精彩：
Anchoring (工資帽)：❌ 否決 (慘敗)
票數： 7 票贊成、12 票反對、1 票棄權。
死因： 正如我哋上集分析，曼城、曼聯帶頭反枱，加上 PFA (球員工會) 講明會告上法庭。結果大部份球會都唔想惹官司，選擇咗否決。英超「強制共同富裕」嘅夢想正式破滅。
SCR (球隊成本控制)：✅ 通過 (險勝)
票數： 14 票贊成、6 票反對。
重點： 剛剛好過 2/3 門檻 (14票)。新例規定，球會支出（人工+攤分+經理人費）唔可以超過收入嘅 85%。
車路士的「神操作」：我全都要.jpg
喺呢場博弈入面，我哋車仔嘅投票策略可以話係教科書級嘅老狐狸。
根據流出嘅名單，車路士投咗反對工資帽，但投咗贊成 SCR。 呢個操作完美引證咗我哋上一篇嘅預測：我哋歸邊，而且係歸咗去有錢人嗰邊。
反對工資帽： 因為我哋唔想被榜尾隊鎖死上限。我有能力搵錢，而且每年收益仲上升緊，自然就想有權力使錢。
贊成 SCR： 因為 SCR 係同「收入」掛鉤。既然我哋有 Club World Cup、有龐大嘅商業贊助潛力，我哋個 Cap 自然大過人。
車仔用呢兩票，成功保住咗自己作為「商業豪門」嘅優勢，同時又設咗個門檻俾其他人。
邊個係大輸家？白禮頓式童話的破滅
今次投票最爆嘅花生，其實係邊個投咗反對 SCR。 名單一出，竟然唔係豪門，而係 白禮頓、賓福特、富咸、水晶宮、列斯聯、般尼茅夫。
點解呢班平時公認「經營有道」、「低買高賣」嘅中堅球會，會咁反對 SCR？ 原因就喺新例嘅一條魔鬼條款：「球員交易利潤，需分 3 年平均計算。」
以前嘅 PSR 年代，白禮頓賣一件卡些度賺 £1 億，呢 £1 億係即時入帳，佢哋可以即刻用呢筆錢去買 10 個妖人，或者出高人工搶人。 但喺新 SCR 制度下，呢 £1 億利潤要分 3 年計，即係今年只可以當賺咗 £3,300 萬。
呢一刀，直接殺死咗「白禮頓式童話」。 對於嗰啲無大球場、無大贊助，純粹靠「眼光獨到」炒賣球員維生嘅中型班，佢哋嘅即時購買力被大幅削弱。相反，曼聯、熱刺、車仔呢啲靠賣波衫、賣飛、賣贊助（Recurring Revenue）嘅球會，收入穩定，反而唔受影響。
總結：商業巨無霸時代
今次投票結果，其實係一次英超秩序嘅大洗牌。 以前你眼光好、識買妖人，你可以挑戰豪門（好似以前嘅李斯特城、近年嘅白禮頓同森林等等）。 但由 2026/27 賽季開始，英超將會變成純粹嘅「商業遊戲」。你有大球場、你有全球 Fans Base、你有大金主贊助，你個 Cap 就係大過人。
對於車路士球迷嚟講，呢個係好消息。因為牙Todd同清湖最擅長嘅就係搞商業。只要我哋條數做得靚，我哋喺轉會市場嘅優勢，只會比以前更大。至於想睇小球會逆襲嘅球迷？Sorry，喺新制度下，呢支歌仔可能越嚟越難唱了。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌ https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊