今日（星期五），倫敦某五星級酒店嘅氣氛隨時緊張過歐聯決賽。英超 20 間球會話事人坐埋一枱，準備投一張分分鐘改變英格蘭足球命運嘅票。
之前就講緊曼城嗰 115 條控罪係大龍鳳，但今次呢場投票絕對係有過之而無不及嘅 Civil War 級數。因為枱面上嗰份叫 「Anchoring」（錨定） 嘅文件，亦即係傳說中嘅 「英超工資帽」，隨時令到英超變天。
車路士作為其中一份子，角色尷尬到爆。今次我哋撇甩悶蛋術語，直接拆解呢場歷時兩年嘅戰爭，同埋對我哋有咩影響。
乜Q係工資帽？
簡單講，今日有三種「辣招」要通過，辣度由低至高：
🌶️ SSR (可持續性)： 最廢。即係檢查你銀行有無錢找數，確保唔會破產，無爭議。
🌶️🌶️ SCR (成本控制)： 中辣。學 UEFA 嗰套，賺 100 蚊只可以用 85 蚊。量入為出，相對公平。
🌶️🌶️🌶️🌶️🌶️ Anchoring (錨定)： 今日主角，特辣。即係「工資帽」。
點解 Anchoring 係終極一戰？ 因為佢係「強制共同富裕」。邏輯係將豪門嘅支出上限，鎖死喺榜尾球會收入嘅 5 倍。
想像一部法拉利 (曼城/利物浦) 同單車 (修咸頓) 鬥快。以前法拉利有錢入油可以踩到 300km/h；依家賽會話：「唔得，你副偈幾勁都好，油費最多只可以係部單車嘅 5 倍。」 如果架單車踩得慢 (收入跌)，法拉利就要被迫減油費 (豪門被迫減支)。
聽到呢度，可能有人會諗：「個條款叫工資帽，咁我壓低人工，佣金或者轉會費俾多啲咪避到囉？」少年，你太年輕了。所謂工資帽，計嘅係 Squad Cost (球隊成本)：
球隊成本 = 球員人工 + 轉會費攤分 (Amortization) + 經紀人佣金
睇下今個夏天 (2025) 利物浦就明。佢哋用 €1.45 億 買Isak，再用 €1.25 億 買鑊斯。就算利記壓到佢哋週薪好低，但單係呢兩筆天價轉會費，分 5 年攤分，每年都要計 €5,400 萬 入去個 Cost 度。 所以，如果有個 Cap 係 £5 億，天價轉會同天價人工一樣都係死罪。
英超內戰全景圖
搞清楚玩法，就要睇下個勢。今日會議室內，20 間球會心懷鬼胎，主要分三大陣營：
1. 金主陣營 (反對派)：憑乜綁手綁腳？
曼城： 「我有錢係我本事，點解阻住我發展？」佢哋已經放風，話硬推就告英超違反《競爭法》。
曼聯： 作為英超搵錢王，Anchoring 係強行拉低佢哋嘅消費力去就修咸頓。「我賺得多理應使得多，點解要陪你玩共產？」
維拉： 想上位打破 Big 6 壟斷，覺得工資帽係鎖死階級，令後來者無得靠燒錢追落後。
2. 美資聯盟 (贊成派)：
我要賺錢，唔係燒錢！ 帶頭嘅係 利物浦 (FSG)、阿仙奴 (Kroenke)。 佢哋將英超當生意做，最憎軍備競賽。你出一億我又被迫跟一億，搞到利潤薄晒。佢哋想學 NBA 咁，大家講好個數，齊齊賺錢分紅。仲可以順手鎖死曼城/紐卡素呢啲「國家隊」，唔俾佢哋無限注資。
3. 中游搖擺州：
好似韋斯咸、水晶宮呢啲，處於兩難：一方面想有人管住曼城搶人，但掉轉頭又驚萬一自己好彩搵到個好爸爸想發達，個 Cap 就變咗攔路虎。佢哋依家個心態係「想爬上去但驚爬唔到，想守住自己但又驚守唔住」。
車路士的盤算
講咗咁耐，漏咗個名？無錯，就係最令人睇唔透嘅車路士。
上次 2024 年投票，我哋車仔係唯一投「棄權」嘅球會。唔難理解，同樣係美資想搵錢，但係又怕奶嘢俾個Cap鎖住自己。但係今年，普遍都相信車仔會「歸邊」支持 Anchoring。
因為我哋老闆牙 Todd (Todd Boehly) 本質係華爾街出身。過去兩年瘋狂掃貨，某程度上已經「完成」咗建隊。我哋已經簽齊咗未來 8 年要用嘅人。 依家如果有個 Cap 落嚟，一來鎖死曼城、紐卡素唔俾佢哋無限注資；二來踢走維拉、白禮頓呢啲追兵。對於已經「上咗岸」嘅車仔，支持落閘放狗，其實係保護現有優勢。
(圖說：數據唔呃人，車仔個 Wage Bill 其實已經健康過以前好多，只要踢走史達寧呢D First Year Debt，就足夠去支持個 Cap。)
如果成事，車仔點玩？
以前笑我哋簽 8 年長約係玩火。但喺工資帽時代，呢個係優勢。因為車仔每年嘅「攤分費」係鎖死咗嘅，唔會通脹。加上彭馬呢類星級球員一樣底薪低，相比起曼城養夏蘭特嗰種天價人工，我哋個 Salary Structure 更具備「抗跌力」。
但壞處係，如果有 Hard Cap，未來想簽「成品巨星」（如麥巴比級數）會變得極難。牙 Todd 玩法會更極端：繼續買 18 歲妖人博升值；同埋更依賴「出租車」策略，用外借費幫補個 Cap 嘅空間。
總結：Civil War 邊個贏？
要 14 票贊成先通過，難度極高。最有可能嘅結局係折衷方案：成本控制方案先通過，Anchoring 暫緩或者加寬個 Cap，(例如開到6倍或者7倍)，唔使搞到上法庭咁肉酸。
今日嘅車路士，已經唔係隨手掉幾億嘅暴發戶。牙 Todd 雖然癲，但似乎真係學緊點樣喺規則入面玩遊戲。但講到尾，最緊要係球場表現，同睇下投票會唔會有突破性發展啦。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
之前就講緊曼城嗰 115 條控罪係大龍鳳，但今次呢場投票絕對係有過之而無不及嘅 Civil War 級數。因為枱面上嗰份叫 「Anchoring」（錨定） 嘅文件，亦即係傳說中嘅 「英超工資帽」，隨時令到英超變天。
車路士作為其中一份子，角色尷尬到爆。今次我哋撇甩悶蛋術語，直接拆解呢場歷時兩年嘅戰爭，同埋對我哋有咩影響。
乜Q係工資帽？
簡單講，今日有三種「辣招」要通過，辣度由低至高：
🌶️ SSR (可持續性)： 最廢。即係檢查你銀行有無錢找數，確保唔會破產，無爭議。
🌶️🌶️ SCR (成本控制)： 中辣。學 UEFA 嗰套，賺 100 蚊只可以用 85 蚊。量入為出，相對公平。
🌶️🌶️🌶️🌶️🌶️ Anchoring (錨定)： 今日主角，特辣。即係「工資帽」。
點解 Anchoring 係終極一戰？ 因為佢係「強制共同富裕」。邏輯係將豪門嘅支出上限，鎖死喺榜尾球會收入嘅 5 倍。
想像一部法拉利 (曼城/利物浦) 同單車 (修咸頓) 鬥快。以前法拉利有錢入油可以踩到 300km/h；依家賽會話：「唔得，你副偈幾勁都好，油費最多只可以係部單車嘅 5 倍。」 如果架單車踩得慢 (收入跌)，法拉利就要被迫減油費 (豪門被迫減支)。
聽到呢度，可能有人會諗：「個條款叫工資帽，咁我壓低人工，佣金或者轉會費俾多啲咪避到囉？」少年，你太年輕了。所謂工資帽，計嘅係 Squad Cost (球隊成本)：
球隊成本 = 球員人工 + 轉會費攤分 (Amortization) + 經紀人佣金
睇下今個夏天 (2025) 利物浦就明。佢哋用 €1.45 億 買Isak，再用 €1.25 億 買鑊斯。就算利記壓到佢哋週薪好低，但單係呢兩筆天價轉會費，分 5 年攤分，每年都要計 €5,400 萬 入去個 Cost 度。 所以，如果有個 Cap 係 £5 億，天價轉會同天價人工一樣都係死罪。
英超內戰全景圖
搞清楚玩法，就要睇下個勢。今日會議室內，20 間球會心懷鬼胎，主要分三大陣營：
1. 金主陣營 (反對派)：憑乜綁手綁腳？
曼城： 「我有錢係我本事，點解阻住我發展？」佢哋已經放風，話硬推就告英超違反《競爭法》。
曼聯： 作為英超搵錢王，Anchoring 係強行拉低佢哋嘅消費力去就修咸頓。「我賺得多理應使得多，點解要陪你玩共產？」
維拉： 想上位打破 Big 6 壟斷，覺得工資帽係鎖死階級，令後來者無得靠燒錢追落後。
2. 美資聯盟 (贊成派)：
我要賺錢，唔係燒錢！ 帶頭嘅係 利物浦 (FSG)、阿仙奴 (Kroenke)。 佢哋將英超當生意做，最憎軍備競賽。你出一億我又被迫跟一億，搞到利潤薄晒。佢哋想學 NBA 咁，大家講好個數，齊齊賺錢分紅。仲可以順手鎖死曼城/紐卡素呢啲「國家隊」，唔俾佢哋無限注資。
3. 中游搖擺州：
好似韋斯咸、水晶宮呢啲，處於兩難：一方面想有人管住曼城搶人，但掉轉頭又驚萬一自己好彩搵到個好爸爸想發達，個 Cap 就變咗攔路虎。佢哋依家個心態係「想爬上去但驚爬唔到，想守住自己但又驚守唔住」。
車路士的盤算
講咗咁耐，漏咗個名？無錯，就係最令人睇唔透嘅車路士。
上次 2024 年投票，我哋車仔係唯一投「棄權」嘅球會。唔難理解，同樣係美資想搵錢，但係又怕奶嘢俾個Cap鎖住自己。但係今年，普遍都相信車仔會「歸邊」支持 Anchoring。
因為我哋老闆牙 Todd (Todd Boehly) 本質係華爾街出身。過去兩年瘋狂掃貨，某程度上已經「完成」咗建隊。我哋已經簽齊咗未來 8 年要用嘅人。 依家如果有個 Cap 落嚟，一來鎖死曼城、紐卡素唔俾佢哋無限注資；二來踢走維拉、白禮頓呢啲追兵。對於已經「上咗岸」嘅車仔，支持落閘放狗，其實係保護現有優勢。
(圖說：數據唔呃人，車仔個 Wage Bill 其實已經健康過以前好多，只要踢走史達寧呢D First Year Debt，就足夠去支持個 Cap。)
如果成事，車仔點玩？
以前笑我哋簽 8 年長約係玩火。但喺工資帽時代，呢個係優勢。因為車仔每年嘅「攤分費」係鎖死咗嘅，唔會通脹。加上彭馬呢類星級球員一樣底薪低，相比起曼城養夏蘭特嗰種天價人工，我哋個 Salary Structure 更具備「抗跌力」。
但壞處係，如果有 Hard Cap，未來想簽「成品巨星」（如麥巴比級數）會變得極難。牙 Todd 玩法會更極端：繼續買 18 歲妖人博升值；同埋更依賴「出租車」策略，用外借費幫補個 Cap 嘅空間。
總結：Civil War 邊個贏？
要 14 票贊成先通過，難度極高。最有可能嘅結局係折衷方案：成本控制方案先通過，Anchoring 暫緩或者加寬個 Cap，(例如開到6倍或者7倍)，唔使搞到上法庭咁肉酸。
今日嘅車路士，已經唔係隨手掉幾億嘅暴發戶。牙 Todd 雖然癲，但似乎真係學緊點樣喺規則入面玩遊戲。但講到尾，最緊要係球場表現，同睇下投票會唔會有突破性發展啦。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊