最近利物浦一單又一單嘅轉會新聞，真係令一眾球迷又驚又喜。夾夾埋埋竟然可以豪花咗超過三億歐元（約二十五億港元）去掃貨。難怪唔少網友R晒頭咁問：「PSR (盈利及可持續發展規則) 呢？FFP (財政公平競賽原則) 呢？利物浦唔使睇住盤數架？佢哋啲錢邊度嚟架？洗黑錢呀？」
Well…足球界嘅財技博大精深，有時唔係單純係「洗黑錢」咁簡單就解釋到。今次就等我哋用數據同埋財技，深入淺出咁拆解下，到底紅軍點樣可以喺財政公平原則嘅框架下，做到呢個看似「開掛」嘅操作，甚至可以比其他球會更「豪爽」咁買人。
當然，關於 PSR 同 FFP 嘅基礎知識，如果大家想了解多啲，可以參考返我哋之前篇：【車迷觀點】車路士錄得鉅額盈餘 左手交右手做數大成功！
入面講得非常詳盡。今日，我哋就專注睇下紅軍點樣玩轉呢場財政遊戲！
利物浦「無限金錢」嘅秘密武器
好多球迷可能覺得奇怪，點解我哋車路士要咁精打細算，甚至要賣酒店同女子隊去「搞靚盤數」，利物浦就可以財大氣粗？ 其實，紅軍並非真係「無限金錢」，而係佢哋精通財政規劃，同埋識得點樣善用財政公平競賽 (FFP) 同英超盈利及可持續發展 (PSR) 規則嘅「財技大師」！
第一招：PSR 充裕緩衝區，儲定彈藥再掃貨！
PSR 呢條規矩，簡單講就係睇球會喺三年內嘅累積虧損，唔可以超過 1.05 億英鎊。利物浦之所以咁硬淨，就係因為佢哋過往嘅財政表現極佳。搵返數據，利物浦喺過去三年嘅 PSR 計算中，錄得咗 4,800 萬英鎊嘅淨盈餘。呢個盈餘，再加上 PSR 本身允許嘅 1.05 億英鎊虧損額，一來一回，就已經俾到佢哋 1.53 億英鎊嘅巨大緩衝額度。
仲未止，預計利物浦喺 2024/25 賽季（即上個賽季， PSR 結算周期嘅最近一年）仲有額外嘅 5,000 萬英鎊利潤入賬。咁樣加埋，佢哋可用嘅財政緩衝額度就超過 2 億英鎊！ 呢個就解釋到點解佢哋今季可以大手筆掃貨。
第二招：谷埋一炮過射出黎更爽！
上面有約略提過利物浦轉會同PSR嘅嘢，再細心啲睇返近三季數字：
2025/26 賽季 (今季)：
買入：總計約 3.087 億歐元 (包括 Wirtz, Ekitiké 等大牌球星)。
賣出：總計約 6,330 萬歐元 (包括 Quansah, Kelleher, Trent Alexander-Arnold 等)。
2024/25 賽季 (上季)：
買入：總計約 4,200 萬歐元 (明顯手緊咗好多，主力買咗 Mamardashvili 同 Chiesa)。
賣出：總計約 4,700 萬歐元 (包括 Sepp van den Berg, Fábio Carvalho 等)。
2023/24 賽季：
買入：總計約 1.72 億歐元 (買入 Szoboszlai, Mac Allister, Gravenberch 等中場主力)。賣出：總計約 6,070 萬歐元 (包括 Fabinho, Henderson 等高價老將)。
2024/25 賽季，佢哋買人嘅支出明顯比前一季同今季都少好多，甚至賣人嘅錢仲多過買人，幾乎係持平。㓅年呢個相對手緊嘅賽季，其實就係為佢哋今季（2025/26 賽季）嘅「豪洗」做足準備，將 PSR 嘅額度儲到滿一滿，可以話係有計劃咁「夾埋兩季一炮過射出黎」！
當然，呢招唔係佢地嘅專利，如果大家有印象，車路士喺 2019/20 球季就因為違反國際足協關於簽約未成年球員同埋「第三方影響」嘅規定，被判處兩年轉會禁令。雖然車路士不斷上訴，最終成功將禁令推遲，令佢哋可以喺 2019 年夏天嗰個轉會窗簽入球員，但之後嘅兩個轉會窗（2020 年 1 月冬窗同 2020 年夏窗）都係有得睇冇得買！
而因為當時車路士喺 2019/20 賽季幾乎冇買到咩人，盤數自然靚仔晒，儲夠額度。到20/21 賽季禁令一解除 ，就即刻喺轉會市場大開殺戒，瘋狂買入 雲拿、夏維斯、捷維爾、施耶治等球星，利物浦今季嘅「大灑金錢」既策略，程度係一種異曲同工之妙嘅財政部署。
第三招：轉會費「分期付款」魔法 (攤銷 Amortisation)
你以為球會一買個球員，就即刻要一次過俾晒所有錢計落賬？少年，你太年輕了！足球界有所謂嘅「攤銷」魔法。即係話，一筆大額嘅轉會費，係會攤分到球員嘅合約年期嚟計算㗎。
舉個例，利物浦如果簽個 1.2 億英鎊嘅球員（例如 紐卡素 嘅 Alexander Isak），如果份約簽五年，咁每年喺賬目度只會計 2,400 萬英鎊 (即係 1.2 億除以 5 年)。呢個操作，大大減輕咗球會每年喺 PSR 計算上嘅負擔，當然，條數唔係就咁消失而攤分咗去跟住4年，但已經俾佢哋有更大嘅空間去進行其他投資，或者簽入更多大牌球員。
第四招：強勁收入與精明賣人，賺錢有道！
要財政健康，最根本就係要識得賺錢同埋識得賣人！
收入方面，利物浦近年嘅增長簡直係「坐火箭」。喺 2024/25 賽季，佢哋預計年收入將首次突破 7 億英鎊大關 ！呢啲錢嚟自邊度？主要係豐厚嘅英超冠軍獎金（TA就估計高達 1.8 億英鎊） 、龐大嘅轉播費（29 次電視轉播，攞到最高費用） ，仲有爆炸性增長嘅商業收入（2023/24 賽季已達 3.08 億英鎊，本賽季預計更高，同 Nike、Adidas、UPS、Google、JAL 等大品牌都有合作） 。加上晏菲路球場擴建後，比賽日收入都首次破億 。呢啲數字加埋，就係佢哋雄厚財力嘅底氣。
賣人方面，利物浦嘅操作亦都非常精明。賣走球員，尤其係青訓產品或者非核心球員，可以即時為賬目帶來「純利潤」，直接提升 PSR 嘅空間。睇返 2025/26 賽季，雖然佢哋大買特買，但同時都賣走咗唔少人，例如青訓中堅 Jarell Quansah 賣咗 3,500 萬歐元俾利華古遜，門將 Caoimhín Kelleher 賣咗 1,480 萬歐元俾賓福特。仲有更令人O嘴嘅係，佢哋居然將當家球星 Trent Alexander-Arnold 賣咗俾皇馬，雖然只係 1,000 萬歐元（可能係因為合約臨近到期），但作為青訓球員，呢一蚊都係純利潤！
呢種賣人策略，特別係高價出售啲潛力青訓或者喺一隊邊緣嘅球員，係利物浦財政健康嘅關鍵。佢哋唔單止可以透過買賣球員周轉資金，仲可以有效咁喺 PSR 規限下「開綠燈」，繼續佢哋嘅轉會大計。
總結：紅軍啟示錄——「財政管理大師班」
睇到呢度，相信大家對於利物浦今個轉會窗點解可以「豪洗」超過三億歐元（約二十五億港元），應該都「心裡有數」啦。佢哋並唔係「開掛」有無限金錢，更唔係咩「洗黑錢」！呢一切都係利物浦管理層，透過一套有紀律、有規劃嘅財政策略，配合埋佢哋強大嘅賺錢能力，再加埋精準地利用 PSR 同 FFP 嘅規則而做到嘅「財技魔法」。
反觀我哋車路士，雖然都有自己一套財技（例如賣酒店同女子隊嚟搞靚盤數），但喺 UEFA 嘅眼中，呢啲財技唔被承認，搞到我哋仲要同 UEFA 傾緊和解協議嚟避免進一步處罰。
所以話，PSR 同 FFP 呢啲規則，其實係限制球會燒錢而唔係限制佢哋賺錢。要喺呢個框架下生存，甚至乎可以繼續喺轉會市場上呼風喚雨，可能要用更多唔同的手段先得。希望我哋車路士都可以從中學到嘢，畢竟大家喺同一個賽道上，人哋開掛嘅秘密武器，我哋都係時候要知多啲先啱！(學唔學得嚟又係另一回事，例如球場收益……)
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
Well…足球界嘅財技博大精深，有時唔係單純係「洗黑錢」咁簡單就解釋到。今次就等我哋用數據同埋財技，深入淺出咁拆解下，到底紅軍點樣可以喺財政公平原則嘅框架下，做到呢個看似「開掛」嘅操作，甚至可以比其他球會更「豪爽」咁買人。
當然，關於 PSR 同 FFP 嘅基礎知識，如果大家想了解多啲，可以參考返我哋之前篇：【車迷觀點】車路士錄得鉅額盈餘 左手交右手做數大成功！
入面講得非常詳盡。今日，我哋就專注睇下紅軍點樣玩轉呢場財政遊戲！
利物浦「無限金錢」嘅秘密武器
好多球迷可能覺得奇怪，點解我哋車路士要咁精打細算，甚至要賣酒店同女子隊去「搞靚盤數」，利物浦就可以財大氣粗？ 其實，紅軍並非真係「無限金錢」，而係佢哋精通財政規劃，同埋識得點樣善用財政公平競賽 (FFP) 同英超盈利及可持續發展 (PSR) 規則嘅「財技大師」！
第一招：PSR 充裕緩衝區，儲定彈藥再掃貨！
PSR 呢條規矩，簡單講就係睇球會喺三年內嘅累積虧損，唔可以超過 1.05 億英鎊。利物浦之所以咁硬淨，就係因為佢哋過往嘅財政表現極佳。搵返數據，利物浦喺過去三年嘅 PSR 計算中，錄得咗 4,800 萬英鎊嘅淨盈餘。呢個盈餘，再加上 PSR 本身允許嘅 1.05 億英鎊虧損額，一來一回，就已經俾到佢哋 1.53 億英鎊嘅巨大緩衝額度。
仲未止，預計利物浦喺 2024/25 賽季（即上個賽季， PSR 結算周期嘅最近一年）仲有額外嘅 5,000 萬英鎊利潤入賬。咁樣加埋，佢哋可用嘅財政緩衝額度就超過 2 億英鎊！ 呢個就解釋到點解佢哋今季可以大手筆掃貨。
第二招：谷埋一炮過射出黎更爽！
上面有約略提過利物浦轉會同PSR嘅嘢，再細心啲睇返近三季數字：
2025/26 賽季 (今季)：
買入：總計約 3.087 億歐元 (包括 Wirtz, Ekitiké 等大牌球星)。
賣出：總計約 6,330 萬歐元 (包括 Quansah, Kelleher, Trent Alexander-Arnold 等)。
2024/25 賽季 (上季)：
買入：總計約 4,200 萬歐元 (明顯手緊咗好多，主力買咗 Mamardashvili 同 Chiesa)。
賣出：總計約 4,700 萬歐元 (包括 Sepp van den Berg, Fábio Carvalho 等)。
2023/24 賽季：
買入：總計約 1.72 億歐元 (買入 Szoboszlai, Mac Allister, Gravenberch 等中場主力)。賣出：總計約 6,070 萬歐元 (包括 Fabinho, Henderson 等高價老將)。
2024/25 賽季，佢哋買人嘅支出明顯比前一季同今季都少好多，甚至賣人嘅錢仲多過買人，幾乎係持平。㓅年呢個相對手緊嘅賽季，其實就係為佢哋今季（2025/26 賽季）嘅「豪洗」做足準備，將 PSR 嘅額度儲到滿一滿，可以話係有計劃咁「夾埋兩季一炮過射出黎」！
當然，呢招唔係佢地嘅專利，如果大家有印象，車路士喺 2019/20 球季就因為違反國際足協關於簽約未成年球員同埋「第三方影響」嘅規定，被判處兩年轉會禁令。雖然車路士不斷上訴，最終成功將禁令推遲，令佢哋可以喺 2019 年夏天嗰個轉會窗簽入球員，但之後嘅兩個轉會窗（2020 年 1 月冬窗同 2020 年夏窗）都係有得睇冇得買！
而因為當時車路士喺 2019/20 賽季幾乎冇買到咩人，盤數自然靚仔晒，儲夠額度。到20/21 賽季禁令一解除 ，就即刻喺轉會市場大開殺戒，瘋狂買入 雲拿、夏維斯、捷維爾、施耶治等球星，利物浦今季嘅「大灑金錢」既策略，程度係一種異曲同工之妙嘅財政部署。
第三招：轉會費「分期付款」魔法 (攤銷 Amortisation)
你以為球會一買個球員，就即刻要一次過俾晒所有錢計落賬？少年，你太年輕了！足球界有所謂嘅「攤銷」魔法。即係話，一筆大額嘅轉會費，係會攤分到球員嘅合約年期嚟計算㗎。
舉個例，利物浦如果簽個 1.2 億英鎊嘅球員（例如 紐卡素 嘅 Alexander Isak），如果份約簽五年，咁每年喺賬目度只會計 2,400 萬英鎊 (即係 1.2 億除以 5 年)。呢個操作，大大減輕咗球會每年喺 PSR 計算上嘅負擔，當然，條數唔係就咁消失而攤分咗去跟住4年，但已經俾佢哋有更大嘅空間去進行其他投資，或者簽入更多大牌球員。
第四招：強勁收入與精明賣人，賺錢有道！
要財政健康，最根本就係要識得賺錢同埋識得賣人！
收入方面，利物浦近年嘅增長簡直係「坐火箭」。喺 2024/25 賽季，佢哋預計年收入將首次突破 7 億英鎊大關 ！呢啲錢嚟自邊度？主要係豐厚嘅英超冠軍獎金（TA就估計高達 1.8 億英鎊） 、龐大嘅轉播費（29 次電視轉播，攞到最高費用） ，仲有爆炸性增長嘅商業收入（2023/24 賽季已達 3.08 億英鎊，本賽季預計更高，同 Nike、Adidas、UPS、Google、JAL 等大品牌都有合作） 。加上晏菲路球場擴建後，比賽日收入都首次破億 。呢啲數字加埋，就係佢哋雄厚財力嘅底氣。
賣人方面，利物浦嘅操作亦都非常精明。賣走球員，尤其係青訓產品或者非核心球員，可以即時為賬目帶來「純利潤」，直接提升 PSR 嘅空間。睇返 2025/26 賽季，雖然佢哋大買特買，但同時都賣走咗唔少人，例如青訓中堅 Jarell Quansah 賣咗 3,500 萬歐元俾利華古遜，門將 Caoimhín Kelleher 賣咗 1,480 萬歐元俾賓福特。仲有更令人O嘴嘅係，佢哋居然將當家球星 Trent Alexander-Arnold 賣咗俾皇馬，雖然只係 1,000 萬歐元（可能係因為合約臨近到期），但作為青訓球員，呢一蚊都係純利潤！
呢種賣人策略，特別係高價出售啲潛力青訓或者喺一隊邊緣嘅球員，係利物浦財政健康嘅關鍵。佢哋唔單止可以透過買賣球員周轉資金，仲可以有效咁喺 PSR 規限下「開綠燈」，繼續佢哋嘅轉會大計。
總結：紅軍啟示錄——「財政管理大師班」
睇到呢度，相信大家對於利物浦今個轉會窗點解可以「豪洗」超過三億歐元（約二十五億港元），應該都「心裡有數」啦。佢哋並唔係「開掛」有無限金錢，更唔係咩「洗黑錢」！呢一切都係利物浦管理層，透過一套有紀律、有規劃嘅財政策略，配合埋佢哋強大嘅賺錢能力，再加埋精準地利用 PSR 同 FFP 嘅規則而做到嘅「財技魔法」。
反觀我哋車路士，雖然都有自己一套財技（例如賣酒店同女子隊嚟搞靚盤數），但喺 UEFA 嘅眼中，呢啲財技唔被承認，搞到我哋仲要同 UEFA 傾緊和解協議嚟避免進一步處罰。
所以話，PSR 同 FFP 呢啲規則，其實係限制球會燒錢而唔係限制佢哋賺錢。要喺呢個框架下生存，甚至乎可以繼續喺轉會市場上呼風喚雨，可能要用更多唔同的手段先得。希望我哋車路士都可以從中學到嘢，畢竟大家喺同一個賽道上，人哋開掛嘅秘密武器，我哋都係時候要知多啲先啱！(學唔學得嚟又係另一回事，例如球場收益……)
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
請按此登錄後留言。未成為會員? 立即註冊