傑志球迷親歷泰國見證亞冠反勝 刺激! 熱血! 反勝

hk_cultural 於 30/04/2022 發表 收藏文章
傑志球迷親歷泰國見證亞冠反勝 刺激! 熱血! 反勝


由上半場落後,到下半場緊凑嘅氣氛,傑志最後成功完成亞冠盃(亞洲最頂級球會賽事) 嘅第一次反勝,為球隊取得今屆第二小組場勝利。除左為港超於亞洲聯賽排名上取得積分,亦令到球隊只需要於下場,對陣神户勝利船保持不敗,就能夠晉身亞冠杯淘汰賽!為香港足球於亞洲舞臺爭光!

香港人到外地支持外國球隊就屢見不鮮,但球迷去到外地作客支持香港球隊就相當罕見,今次我地港式本土好有幸邀請到其中一位現時身處泰國,於28/4於象牌競技場見證傑志反勝清萊聯嘅比賽,令讀者從第一身角度了解傑志亞冠之旅。


《親歷泰國現場 暴雨無阻傑志球迷打氣!》

以3-2嘅比數勝出,相信各位傑志球迷都因爲場波嘅走勢而情緒不斷起伏,心情係緊張同興奮之間徘徊。但講到過癮,現場收睇賽事絕對比電視直播更為刺激。如果尋晚有細心留意直播畫面,就會見到有幾位傑志球迷親臨泰國,身處現場為藍鳥打氣。就算落起暴雨,嚴重到球賽延遲一小時,都無阻球迷對傑志嘅熱誠。

「開波前半個鐘,已經開始落大雨同打哂雷,嗰時已經心知不妙。但場雨愈落愈大,比賽仲delay一小時。」阿佳係其中一位親臨泰國現場嘅傑志球迷,面對當時球場又凍,又大雨,又濕哂嘅狀況,情況縱使嚴峻,但都無阻佢對球隊嘅支持。「唔係講笑,當時即刻買件雨褸出去看臺掛旗。雖然橫額最後濕哂,但帶咗嚟點都要掛,希望俾球員同電視機前球迷見到。」


《咬定青山不放鬆,立根原在破巖中》
傑志喺今場比賽,由半場落後,到反超後被對手扳平。但無論狀況係點,電視機前面抑或傑志球迷,都會對球隊保持住信念,因爲我地會相信香港球員一定有能力打贏對手。「雖然一度落後同被追和,但作爲球迷就係要保持信念,為球隊打氣,力竭聲嘶。」阿佳講到尋晚最深刻嘅畫面,係球隊領先住2-1嘅時候,當以為球隊已經穩住勝局,但對手一個傳中接應再次追平比數。「球隊被追和之後幾分鐘,仿如過咗10幾分鐘,每秒都等待住入波。」

每次望住香港球隊喺亞洲舞臺入波或者取勝,筆者我其實都會有一份莫名嘅感動,因爲呢種入球或者勝利,都仿佛證明住香港球員嘅能力。「能作客外地到現場見證,除咗興奮,就係感動! 望住今日有咁嘅表現,呢啲經歷有今生無來世!」「望住最後羅梓入波嗰吓,感動到想喊,望住佢由曼城開始入波,到今日啲射門捕位愈嚟愈好,射入重要一球,難忘又感嘆。」

無論係交出亞冠頂級水平嘅中場巴爾拿同基爾頓,不斷展現出自己嘅一仔同埋羅梓,香港足球依然係一步一步地向著更高水平進步。傑志即將於禮拜日香港時間7點對戰神戶勝利船,不論賽果係點,都希望傑志能夠保持自己應有水平,為香港球隊繼續爭光,力爭香港球隊首次於亞冠出綫,for the good of Hong Kong!

loading



loading


-----------------------------------------------
睇完記住like, share,或者comment話我地知你嘅睇法,
facebook同ig 逢星期六日晚出文!

Instagram:@hk_cultural
Facebook: 港式本土

文: makdiklong 圖片來源 : @kitcheeofficial @theafchub c @santiagokwok12

Thx for the interview @santiagokwok12 🙏🏻

----------------------------------------------

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→