想當年的港隊2015世界盃外圍賽 談高登改歌《好好比賽》 精選

談高登改歌《好好比賽》 想當年的港隊2015世界盃外圍賽
https://www.youtube.com/watch?v=AMMIHkxqU48&t=17s
2015年，可謂係其中一個本地足球巔峰之年，你問到身邊嘅街坊.........
講唔出香港隊成隊嘅球員名都好，
但點都會噏得出葉鴻輝嘅鋼門事跡。

就算講唔出香港隊嘅世界排名都好，
但點都會驕傲咁提起兩和中國隊嘅戰績。

當年的確係一個全民足球嘅小”盛世”，小巔峰。而當年港足除左成為街坊閒談嘅話題。討論區對港足嘅關注度同埋撐香港隊嘅新聞實在前所未見。


當時都出現各式各樣關於港隊嘅影片創作，而對我而言當年最深刻嘅YouTube 片之一係”高登音樂台”首 好好比賽。所以今次想揀最鍾意嘅兩句去進行回顧。

“是那日　是佢整出張海報後........
任何皮膚，都想伸張正義......”


當年中港大戰前夕，中國足總挑釁地推出一張賽前海報，上面唔尊重地以”有層次嘅膚色”去標示並反諷擁有入籍兵嘅港隊。雖然港隊入籍兵狀況一值係備受爭議。但其實就算入籍兵出生地並非呢度，膚色並非係”正統”嘅黃色。但只要你肯落到場dieforhongkong，就係我地香港隊嘅一份子。七年過去，諷刺嘅係中國已經大舉起用入籍兵，而更諷刺地係部分入籍球員已經因為中超財政狀況回到巴西家鄉。中國隊嘅入籍球員，究竟係基於民族歸屬感抑或錢財利誘而加入中國隊，大家自有定數。


“看着紅旗飄揚景象　球迷湧來波場　這旺角看台上”

呢一句歌詞可以定斷為一句過去式嘅陳述，都可以定斷為一個對未來嘅展望。想當年用紅海去形容旺角場主隊球迷區，比賽一飛難求。2015年世界杯外圍賽已成遙遠嘅過去式。但要重現人潮鼎盛嘅香港隊主場，就只好寄望下次主場比賽來臨之時，我地可以人拉人叫多幾個球迷入場支持，一步一步增加港隊支持者，一齊去享受個好撚正嘅港隊氣氛。

老實講，唔知點解每次聼呢首改歌都會有小小眼濕濕同埋感動，或許就算港隊比賽一定無歐洲傳統國家隊踢得好，但港隊係以足球嘅形式去展示我地嘅民族精神，所以不論比數高低，球員表現，都係咁撐港隊。希望可以儘快喺港隊看臺上一齊呐喊，高呼一聲，we are hong kong。
我地港式本土係一個希望可以推廣香港入面精彩嘅故事以及佢地内在價值，暫時主要範疇為本土足球以及本土音樂，希望將呢啲香港入面好正嘅故事推廣出去。可以去follow我地ig page同埋facebook去瞭解我地最新動向。


-----------------------------------------------
Instagram：@hk_culturalFacebook: 港式本土

文: Makdiklong 圖片來源: 挽歌之聲 youtube

-----------------------------------------------