《哥帥之無奈》
足球最引人入勝既地方就係「球證支雞未吹完場，你都唔知究竟邊隊贏」。曼城今場贏左85分鐘，但就係突然間球員一次斷路派膠，導致先失一球十二碼，再係一分鐘後，成條防線一齊hang機就輸多球，最後被曼聯反勝二比一。排陣出人有問題咩？曼城半場又確係入到波係領先果隊。68分鐘用高華錫入替表現平平既迪布尼，希望加強中場既截擊力、活力同控球能力。係果個階段，我唔覺得有咩大問題，畢竟曼聯踢左68分鐘都創造唔到具威脅埋門去威脅伊達臣，而曼聯今場既防守係做得好，唔派膠情況下冇乜漏洞，加上當時領先緊一球，踢得保守少少亦未嘗不可。77分鐘用格利殊入替杜古，就係想維持番係左路既攻擊力，希望用進攻減弱對方係呢面策動既攻勢。85分鐘，紐尼斯既一次失誤，回傳力度不足加上自己心急亂左章法，係冇乜危險情況下禁區踢跌迪亞路輸十二碼，就做左罪人。其實紐尼斯都相當慘，佢本身係一個中場中路球員，除左今季被哥帥改踢邊路，今場更串演左閘。除左要防守迪亞路外，又要拉邊提供闊度，亦要上前插入half-space位置幫杜古進攻。某程度上佢既派膠係因為體能跌watt，導致臨場判斷力下降，先出現失誤同衝動犯規。不過，睇均後備席，你唔用佢又用得邊個？被追平下，哥帥立刻換入沙雲奴，希望加強進攻火力搏入波，調動亦非常快。可惜，90分鐘，防線突然hang機，加維奧完全迷失球場，望住馬天尼斯明踢過頭波既情況下，佢係慢左好多先起步，令整條防線唔完整，先有空位俾迪亞路明買明賣下接應成功再射入。雖然係迪亞路射入，但呢個波好難去怪紐尼斯，翼鋒斜跑入兩個中堅之間，點計個責任都未到左閘要孭鑊，仲要個波既落點係偏右路。哥帥可以話係相當無奈，始終踢既係十一個球員，領隊有時都冇咩可以做到。唯一可能要探討既，就係點解正選唔起用沙雲奴？就算唔起用，又點解將進攻完全集中係左路靠杜古既單對單，與及迪布尼同紐尼斯係呢面踢小組配合，完全放棄係右路進攻，令曼聯愈守愈容易？同時間，曼聯係右路既防守比左路強，如果強打左路又會唔會有另一片天，就真係who knows！
《阿摩廉賭贏》
阿摩廉非常有guts，竟然夠膽將華舒福同加拿祖踢出大軍名單，連後備名單都冇份。雖然小弟估中佢地兩個不在正選名單，但連後備擺下都冇就完全估你唔到。結果論黎睇，阿摩廉當然係大贏家，仲可以大大聲講冇話冇左邊個唔得。呢個領隊同前兩任領隊係非常唔同，無論坦夏還是蘇B，佢地都會改自己既戰術去遷就某幾位「大佬」，希望用戰術去發揮佢地既最大威力，因為「佢地」係保到隊波既下限。只要佢地發揮正常，隊波就唔會太差，但就令到領隊本身既理念發揮唔到；但阿摩廉就好唔同，佢一黎就已經話你知所有球員要諗辦法去fit我套理念，而唔係我去改理念去遷就你班球員，唔岩踢就直接擺入雪櫃，或者佢呢套方式真係會令佢變得「唔一X樣」。
今場佢係踢法上近乎貫徹對阿仙奴一樣，有波在腳果陣唔好亂咁向前交，交波要穩陣行先，要踢出自己既節奏，避免因打反擊而輸反擊既情況。正選陣容再次起用般奴拍烏格迪，就係想般奴可以係中後場用技術拖慢隊波，中前場就靠曼治同迪亞路去策動進攻同打反擊。可惜十二分鐘就因曼治既傷出而被逼換人，換入明奈係中場幫手串連而將般奴推前一格。
今場防守時見到隊波幾有層次，應付對方開龍門球時，兩翼會連同海倫係高位準備逼搶，同時間明奈會推前一格係對方一對中場中間施壓，希望逼對方踢長波俾夏蘭特，再靠麥佳亞既制空權去搶控球權。當曼城成功打穿前場高位防守，球隊會改踢5-3-1-1係中場防守，確保兩側half-space都有中場保護，而迪亞路則保留體力準備聯同海倫打反擊。球隊明顯有針對部署，加上迪列特同馬沙拉維今場表現出色，大大限制左曼城係左路進攻，而曼城又主動放棄右路進攻，所以今場曼聯係防守方面近乎滴水不漏。
進攻方面，曼聯比曼城更差既原因係因曼治太早傷出，令到球隊只得迪亞路一個「點」去策動去推進。整隊進攻都只能靠右路支撐，左路既般奴「跑唔起」，而左翼衛既達洛治亦唔係擅攻既球員，令到左路有空位都利用唔到。般奴係左路只能靠傳中去製造威脅，所以點解阿摩廉要擺佢踢防中就係咁解，除非左翼衛肯用翼鋒去踢，咁般奴踢左攻中就可以發揮得更好。
整場賽事曼聯唔係創造到好多機會，般奴下半場既單刀都係沿自馬沙拉維係高位既成功搶奪再打transition，再數黃金機會已經係迪亞路十二碼點既球鎚攻門。曼聯下半場係多左控球權，但進攻既瓣數都係唔多。要讚阿摩廉既調動，除左換入安東尼去激活迪亞路進攻時，佢仲換入機動力較高既約羅去彌補番安東尼同迪亞路一齊向前攻既身後空間，確保就算兩個因進攻而失位，格利殊對位既會係約羅而唔係迪列特，見到阿廉摩好清楚球員既特性去互相協調。當球隊成功反超時，阿摩廉亦立刻換入防守意識較高既連迪路夫去保持戰果，要講換人既果斷同換人既時機，阿摩廉確係比前幾任領隊為佳。
《總結》
Manchester is Red，曼市打吡，曼聯總算成功威番次。不過開心既同時亦要承認球隊係仍有好多地方需要改進同進步，要不是對手尾段自爆，根本曼聯要入到一球都唔係咁容易，更遑論反勝曼城。曼聯下場聯賽盃對熱刺，今次睇下可唔可以成功報仇！
足球最引人入勝既地方就係「球證支雞未吹完場，你都唔知究竟邊隊贏」。曼城今場贏左85分鐘，但就係突然間球員一次斷路派膠，導致先失一球十二碼，再係一分鐘後，成條防線一齊hang機就輸多球，最後被曼聯反勝二比一。排陣出人有問題咩？曼城半場又確係入到波係領先果隊。68分鐘用高華錫入替表現平平既迪布尼，希望加強中場既截擊力、活力同控球能力。係果個階段，我唔覺得有咩大問題，畢竟曼聯踢左68分鐘都創造唔到具威脅埋門去威脅伊達臣，而曼聯今場既防守係做得好，唔派膠情況下冇乜漏洞，加上當時領先緊一球，踢得保守少少亦未嘗不可。77分鐘用格利殊入替杜古，就係想維持番係左路既攻擊力，希望用進攻減弱對方係呢面策動既攻勢。85分鐘，紐尼斯既一次失誤，回傳力度不足加上自己心急亂左章法，係冇乜危險情況下禁區踢跌迪亞路輸十二碼，就做左罪人。其實紐尼斯都相當慘，佢本身係一個中場中路球員，除左今季被哥帥改踢邊路，今場更串演左閘。除左要防守迪亞路外，又要拉邊提供闊度，亦要上前插入half-space位置幫杜古進攻。某程度上佢既派膠係因為體能跌watt，導致臨場判斷力下降，先出現失誤同衝動犯規。不過，睇均後備席，你唔用佢又用得邊個？被追平下，哥帥立刻換入沙雲奴，希望加強進攻火力搏入波，調動亦非常快。可惜，90分鐘，防線突然hang機，加維奧完全迷失球場，望住馬天尼斯明踢過頭波既情況下，佢係慢左好多先起步，令整條防線唔完整，先有空位俾迪亞路明買明賣下接應成功再射入。雖然係迪亞路射入，但呢個波好難去怪紐尼斯，翼鋒斜跑入兩個中堅之間，點計個責任都未到左閘要孭鑊，仲要個波既落點係偏右路。哥帥可以話係相當無奈，始終踢既係十一個球員，領隊有時都冇咩可以做到。唯一可能要探討既，就係點解正選唔起用沙雲奴？就算唔起用，又點解將進攻完全集中係左路靠杜古既單對單，與及迪布尼同紐尼斯係呢面踢小組配合，完全放棄係右路進攻，令曼聯愈守愈容易？同時間，曼聯係右路既防守比左路強，如果強打左路又會唔會有另一片天，就真係who knows！
《阿摩廉賭贏》
阿摩廉非常有guts，竟然夠膽將華舒福同加拿祖踢出大軍名單，連後備名單都冇份。雖然小弟估中佢地兩個不在正選名單，但連後備擺下都冇就完全估你唔到。結果論黎睇，阿摩廉當然係大贏家，仲可以大大聲講冇話冇左邊個唔得。呢個領隊同前兩任領隊係非常唔同，無論坦夏還是蘇B，佢地都會改自己既戰術去遷就某幾位「大佬」，希望用戰術去發揮佢地既最大威力，因為「佢地」係保到隊波既下限。只要佢地發揮正常，隊波就唔會太差，但就令到領隊本身既理念發揮唔到；但阿摩廉就好唔同，佢一黎就已經話你知所有球員要諗辦法去fit我套理念，而唔係我去改理念去遷就你班球員，唔岩踢就直接擺入雪櫃，或者佢呢套方式真係會令佢變得「唔一X樣」。
今場佢係踢法上近乎貫徹對阿仙奴一樣，有波在腳果陣唔好亂咁向前交，交波要穩陣行先，要踢出自己既節奏，避免因打反擊而輸反擊既情況。正選陣容再次起用般奴拍烏格迪，就係想般奴可以係中後場用技術拖慢隊波，中前場就靠曼治同迪亞路去策動進攻同打反擊。可惜十二分鐘就因曼治既傷出而被逼換人，換入明奈係中場幫手串連而將般奴推前一格。
今場防守時見到隊波幾有層次，應付對方開龍門球時，兩翼會連同海倫係高位準備逼搶，同時間明奈會推前一格係對方一對中場中間施壓，希望逼對方踢長波俾夏蘭特，再靠麥佳亞既制空權去搶控球權。當曼城成功打穿前場高位防守，球隊會改踢5-3-1-1係中場防守，確保兩側half-space都有中場保護，而迪亞路則保留體力準備聯同海倫打反擊。球隊明顯有針對部署，加上迪列特同馬沙拉維今場表現出色，大大限制左曼城係左路進攻，而曼城又主動放棄右路進攻，所以今場曼聯係防守方面近乎滴水不漏。
進攻方面，曼聯比曼城更差既原因係因曼治太早傷出，令到球隊只得迪亞路一個「點」去策動去推進。整隊進攻都只能靠右路支撐，左路既般奴「跑唔起」，而左翼衛既達洛治亦唔係擅攻既球員，令到左路有空位都利用唔到。般奴係左路只能靠傳中去製造威脅，所以點解阿摩廉要擺佢踢防中就係咁解，除非左翼衛肯用翼鋒去踢，咁般奴踢左攻中就可以發揮得更好。
整場賽事曼聯唔係創造到好多機會，般奴下半場既單刀都係沿自馬沙拉維係高位既成功搶奪再打transition，再數黃金機會已經係迪亞路十二碼點既球鎚攻門。曼聯下半場係多左控球權，但進攻既瓣數都係唔多。要讚阿摩廉既調動，除左換入安東尼去激活迪亞路進攻時，佢仲換入機動力較高既約羅去彌補番安東尼同迪亞路一齊向前攻既身後空間，確保就算兩個因進攻而失位，格利殊對位既會係約羅而唔係迪列特，見到阿廉摩好清楚球員既特性去互相協調。當球隊成功反超時，阿摩廉亦立刻換入防守意識較高既連迪路夫去保持戰果，要講換人既果斷同換人既時機，阿摩廉確係比前幾任領隊為佳。
《總結》
Manchester is Red，曼市打吡，曼聯總算成功威番次。不過開心既同時亦要承認球隊係仍有好多地方需要改進同進步，要不是對手尾段自爆，根本曼聯要入到一球都唔係咁容易，更遑論反勝曼城。曼聯下場聯賽盃對熱刺，今次睇下可唔可以成功報仇！
請按此登錄後留言。未成為會員? 立即註冊