今季英超，車路士的表現令人跌破眼鏡，而家暫居於聯賽第二，所以有必要探討一個問題：車路士今季的爭冠形勢到底有幾真實？
車路士的各種優勢
馬蛇 (馬列斯卡) 接掌球隊後的戰術設計，為車路士帶來明顯裨益。起初外界以為作為「哥帥子弟兵」馬蛇會打造複雜體系，但事實就相反：佢選擇左相對簡單但能隨時彈性變化的框架。「3-2-2-3」的基本陣式，利用中後場盒形中場（box midfield）配合前三線，使球員可以係唔同的空間靈活走位。呢個結構的好處在於，即使球員有所轉變，但只要稍作調整，就可以為球隊係比賽中創造多重優勢。
從個人層面上面睇，簡單的框架可以俾球員各施所長。例如擅長係小空間運球的古古尼亞可以係中場、邊線自由活動，而彭馬更可以係結構中隨時拉邊或收深接應，利用走位和技巧擾亂對方防線。球員在一個穩定而不繁複的結構中更易發揮創意與特質。
其次，戰術層面上，馬蛇可以因應對手的壓迫策略，係比賽中動態改變人員站位。例如對熱刺一戰，上半場冒險於後場以少許不穩定的狀態出波，係就係容易被對手高位壓迫阻截，但如果成功突破，前場就會取得5對5的有利版面，俾攻擊手們製造威脅。下半場，馬蛇略作陣容位置調整（要安素後撤控球、古古向前插、右閘古斯度固定不再內切等等），有效改善出球問題，並繼續保持框架下的靈活性。
最後係後備的深度，單講翼鋒已經有4個可用的國腳級人選，而且風格各盡不同，有擅長密集盤扭的辛祖，單對單突入爆破的馬杜基，速度快又有傳送的尼圖，又有病極都唔好的梅迪歷，馬蛇因應各種情境可以換上唔同的球員上陣，靈活性高到連哥帥都羡慕。
以上都係今季車路士的優勢。但同時，車路士係爭冠的路上仍然有好多阻礙。
第一難關：防守
如果要討論一隊英超可唔可以奪冠，最簡單就係用攻防的數據去比較。例如預期失球（xGA），過去兩届的冠軍平均90分鐘的預期失球都低於1，上年的曼城係0.84，上上年甚至升到0.65，今年的利物浦可以穩固係榜首，多少都係因為預期失球壓係0.98。
同樣的數據，睇車路士就會覺得頭痛，車路士的預期失球係1.46，係全個英超只能排到第9，奪冠通常需要堅固防線，只靠高效進攻並不足以撐到最後，防守部份就已經係車路士要過的第一難關。
第二難關：犯錯
眾所周知，車路士擁有全英超最年輕的陣容，平均年齡係23.9歲，比第二位的白禮頓低左差唔多兩歲。
如果要講年青球員的問題，第一樣係經驗不足，第二樣就係技術唔夠成熟。今季車路士有兩項數據都令人驚訝，分別係犯錯引致射門以及控失致失去球權。
犯錯引致射門每90分鐘達1.0次 (16次)，暫時同維拉並列英超第三，犯錯引致入球有5次，排英超第4。相比上季的曼城全季只係有9次犯錯引致射門，可以話係高下立見。防線，以及龍門的犯錯係車路士上季同今季司空見慣，球迷除左感嘆一聲之外就無咩可以做到。
另一個係控失引致的失去球權。上季開始車路士就已經轉為控球的踢法，講求更多精準的傳送同球權。偏偏呢隊車路士就鍾意自己控失粒波。開季至今已經錄得192次控失，場均12.0次排英超第14，同上季比較的確已經有長進，但係要贏冠軍……
而年紀輕，仲有一個代價。車路士今季以52張黃牌暫時領放英超，亦因為犯規而被判4次12碼排英超第2。血氣方剛衝動的車路士，恐怕會繼續為自己的年輕而付出代價。
第三難關：死球
有印象的話，上届我地已經因為死球而輸左個冠軍俾利物浦。然後老闆們因為太嬲，走去課金俾賓福特買走人地個死球教練。
結果練左成季，今季由死球製造的射數仍然只有51次，預計入球亦只有3.9，同Dark Art名門阿仙奴的68次，9.01預計入球有天壤之別。
再睇埋死球防守，雖然同上季比已經有進步，但仍然有4次被死球破網的記錄，預計失球係4.59，只可以話係中規中矩，但唔足以成為值得吹奏的部份。
總結：
綜合以上三點，唔難睇出車路士距離爭冠仲有一段路要行，不過好彩的係，今季車路士前線的攻擊力強得可怕，呢塊遮醜布多少遮蓋左車路士防守面的醜態。由歷史數據去睇，自從哥帥加入英超，就將英超奪冠門檻提升左，由過往86分已經足夠捧盃，如今卻需要90分以上。
今季的利物浦細頭，打錯，係勢頭強勁，OPTA的模型估計會拎到87分至95分。車路士雖然躋身第二，但除左攻擊力之外的表現仍然同頂尖水平有距離，模型預測的得分大約為73-78分，數字上就未能真正威脅榜首。
話就話英超有亂局，曼城意外地陷入低潮，阿仙奴突然失去死球以外的入球能力，但利物浦仍然保有牢不可破的領先地位。今季車路士受惠於歐協聯可以用B隊應戰，但當賽季進入尾聲，車路士要用A隊去踢歐協聯的話，就未必可以保持現時的體力優勢，最後可能會逃唔出OPTA的計算，以第4名衝過終點。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
車路士的各種優勢
馬蛇 (馬列斯卡) 接掌球隊後的戰術設計，為車路士帶來明顯裨益。起初外界以為作為「哥帥子弟兵」馬蛇會打造複雜體系，但事實就相反：佢選擇左相對簡單但能隨時彈性變化的框架。「3-2-2-3」的基本陣式，利用中後場盒形中場（box midfield）配合前三線，使球員可以係唔同的空間靈活走位。呢個結構的好處在於，即使球員有所轉變，但只要稍作調整，就可以為球隊係比賽中創造多重優勢。
從個人層面上面睇，簡單的框架可以俾球員各施所長。例如擅長係小空間運球的古古尼亞可以係中場、邊線自由活動，而彭馬更可以係結構中隨時拉邊或收深接應，利用走位和技巧擾亂對方防線。球員在一個穩定而不繁複的結構中更易發揮創意與特質。
其次，戰術層面上，馬蛇可以因應對手的壓迫策略，係比賽中動態改變人員站位。例如對熱刺一戰，上半場冒險於後場以少許不穩定的狀態出波，係就係容易被對手高位壓迫阻截，但如果成功突破，前場就會取得5對5的有利版面，俾攻擊手們製造威脅。下半場，馬蛇略作陣容位置調整（要安素後撤控球、古古向前插、右閘古斯度固定不再內切等等），有效改善出球問題，並繼續保持框架下的靈活性。
最後係後備的深度，單講翼鋒已經有4個可用的國腳級人選，而且風格各盡不同，有擅長密集盤扭的辛祖，單對單突入爆破的馬杜基，速度快又有傳送的尼圖，又有病極都唔好的梅迪歷，馬蛇因應各種情境可以換上唔同的球員上陣，靈活性高到連哥帥都羡慕。
以上都係今季車路士的優勢。但同時，車路士係爭冠的路上仍然有好多阻礙。
第一難關：防守
如果要討論一隊英超可唔可以奪冠，最簡單就係用攻防的數據去比較。例如預期失球（xGA），過去兩届的冠軍平均90分鐘的預期失球都低於1，上年的曼城係0.84，上上年甚至升到0.65，今年的利物浦可以穩固係榜首，多少都係因為預期失球壓係0.98。
同樣的數據，睇車路士就會覺得頭痛，車路士的預期失球係1.46，係全個英超只能排到第9，奪冠通常需要堅固防線，只靠高效進攻並不足以撐到最後，防守部份就已經係車路士要過的第一難關。
第二難關：犯錯
眾所周知，車路士擁有全英超最年輕的陣容，平均年齡係23.9歲，比第二位的白禮頓低左差唔多兩歲。
如果要講年青球員的問題，第一樣係經驗不足，第二樣就係技術唔夠成熟。今季車路士有兩項數據都令人驚訝，分別係犯錯引致射門以及控失致失去球權。
犯錯引致射門每90分鐘達1.0次 (16次)，暫時同維拉並列英超第三，犯錯引致入球有5次，排英超第4。相比上季的曼城全季只係有9次犯錯引致射門，可以話係高下立見。防線，以及龍門的犯錯係車路士上季同今季司空見慣，球迷除左感嘆一聲之外就無咩可以做到。
另一個係控失引致的失去球權。上季開始車路士就已經轉為控球的踢法，講求更多精準的傳送同球權。偏偏呢隊車路士就鍾意自己控失粒波。開季至今已經錄得192次控失，場均12.0次排英超第14，同上季比較的確已經有長進，但係要贏冠軍……
而年紀輕，仲有一個代價。車路士今季以52張黃牌暫時領放英超，亦因為犯規而被判4次12碼排英超第2。血氣方剛衝動的車路士，恐怕會繼續為自己的年輕而付出代價。
第三難關：死球
有印象的話，上届我地已經因為死球而輸左個冠軍俾利物浦。然後老闆們因為太嬲，走去課金俾賓福特買走人地個死球教練。
結果練左成季，今季由死球製造的射數仍然只有51次，預計入球亦只有3.9，同Dark Art名門阿仙奴的68次，9.01預計入球有天壤之別。
再睇埋死球防守，雖然同上季比已經有進步，但仍然有4次被死球破網的記錄，預計失球係4.59，只可以話係中規中矩，但唔足以成為值得吹奏的部份。
總結：
綜合以上三點，唔難睇出車路士距離爭冠仲有一段路要行，不過好彩的係，今季車路士前線的攻擊力強得可怕，呢塊遮醜布多少遮蓋左車路士防守面的醜態。由歷史數據去睇，自從哥帥加入英超，就將英超奪冠門檻提升左，由過往86分已經足夠捧盃，如今卻需要90分以上。
今季的利物浦細頭，打錯，係勢頭強勁，OPTA的模型估計會拎到87分至95分。車路士雖然躋身第二，但除左攻擊力之外的表現仍然同頂尖水平有距離，模型預測的得分大約為73-78分，數字上就未能真正威脅榜首。
話就話英超有亂局，曼城意外地陷入低潮，阿仙奴突然失去死球以外的入球能力，但利物浦仍然保有牢不可破的領先地位。今季車路士受惠於歐協聯可以用B隊應戰，但當賽季進入尾聲，車路士要用A隊去踢歐協聯的話，就未必可以保持現時的體力優勢，最後可能會逃唔出OPTA的計算，以第4名衝過終點。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊