經歷一個慘痛既雙紅會，蘇B既曼聯面對高普既利物浦完全被比下去，最後以零比五大敗，亦令自己既烏沙陷入一個近乎萬劫不復既處境。源源不絕既炒帥消息滿天飛，被炒賠率亦熱到爆棚，睇黎都會下台之際，卻有消息指費sir出手同董事局挽留，觀望佢帶隊完成到國際賽期前既比賽。未知係咪未有新帥人選，又或者驚新帥僅得幾日接手未能應付呢三場賽事，所以就俾多三場機會佢。能唔能夠帶領曼聯走出低谷，能唔能夠保住帥位，呢三場賽事就係決定性既作用。
蘇B要靠呢三場去證明自己，但要證明到自己，並唔係只靠「自己」先得，仲要依靠曼聯球員。究竟一眾球員係更衣室仲係支持佢定係想佢死，就算係更衣室都未必知道。只能相信球員係專業，會跟據佢同團隊定下既戰術，係比賽中踢出佢既風格。「勝利十一人」對住利物浦已經證明係失效，基本上係對隊隊都失效。蘇B唔變既話只會係死路一條，當然你肯變都要球員肯聽先得，所以呢場對熱刺相信佢唔敢唔去作出改變。
前設係所有球員都以專業既態度會為自己為球會為領隊而戰，否則就算費sir空降領軍，都一樣會輸。陣式上，現有人腳最好都係4-2-3-1，先預測佢繼續起用呢個陣式去迎戰熱刺。
龍門就冇得變了，迪基亞出色既表現值得繼續正選。防線方面就認真頭痛，有可能想變都冇得變。面對老孫，冇辦法唔起用單防能力比達洛特好太多既雲比沙加。梳爾雖然上場表現唔好，但佢已經係整條防線算最可靠既一個，都係要繼續起用。華拉尼受傷，中堅位置只得拜利、連迪路夫、麥佳亞同鐘斯。麥隊長近期既表現確實再難以繼續正選，理論上拜利拍連迪路夫或會係解決防線災難既靈單妙藥，但熱刺既前鋒哈利簡尼係麥隊長國家隊隊友，彼此熟悉對方既踢波模式，加上隊長臂章，蘇B未必會換佢，最後可能會變左拜利拍麥佳亞握守中路。假如華拉尼能復出，就會由佢拍住麥隊長鎮守防線。
中場方面，出雲迪碧克起碼會少3成球迷屌鬼，之後係咪蘇B教佢今場都要證明自己。麥湯文尼會係佢既拍檔，繼續係中間做防務。馬迪都係先列後備，速率怕跟唔上。攻擊中場位置會繼續由般奴費南迪斯指揮球隊。畢竟蘇B對佢有知遇之恩帶佢黎曼聯，相信佢會傾盡全力爭勝。
前線方面，福仔既速度同衝刺力都係冇曼聯球員能夠取代，左翼位置非佢莫屬。右路既綠木被點名批評唔交波，係需要改變既情況下，佢會係被犧牲既一個，貴價辛祖係時候擔正。前鋒就唔駛講，一定係出C朗拿度係前面爭取入波。C朗爭勝心強，就算佢唔妥個領隊，落到場都會為球會拼搏，我反而唔認為佢會渣流灘。（你當佢想擦數據也好）
如果係陣式上改變，蘇B亦只能改踢3-4-1-2。冇左普巴下，係必須要將般奴能力最大化。要解放佢就必須要擺佢係攻中位，自由走動串連球隊。龍門依舊迪基亞。三名中堅會係拜利、麥佳亞、梳爾。左右翼衞會係雲比沙加同達洛特。一對防中係麥湯文尼拍住雲迪碧克。攻中繼續係般奴費南迪斯。前線或會由福仔拍住C朗拿度。有兩翼邊衞幫手出波，有一個搶點力強頭鎚好既C朗，加上衝刺力強走位靈活既福仔，睇下有咩火花。
預測曼聯正選陣容（4-2-3-1）
迪基亞
雲比沙加 拜利 麥佳亞 梳爾
辛祖 麥湯文尼 雲迪碧克 華舒福
般奴費南迪斯
C朗拿度
預測曼聯正選陣容（3-4-1-2）
迪基亞
拜利 麥佳亞 梳爾
雲比沙加 麥湯文尼 雲迪碧克 泰利斯
般奴費南迪斯
C朗拿度 華舒福
蘇B要靠呢三場去證明自己，但要證明到自己，並唔係只靠「自己」先得，仲要依靠曼聯球員。究竟一眾球員係更衣室仲係支持佢定係想佢死，就算係更衣室都未必知道。只能相信球員係專業，會跟據佢同團隊定下既戰術，係比賽中踢出佢既風格。「勝利十一人」對住利物浦已經證明係失效，基本上係對隊隊都失效。蘇B唔變既話只會係死路一條，當然你肯變都要球員肯聽先得，所以呢場對熱刺相信佢唔敢唔去作出改變。
前設係所有球員都以專業既態度會為自己為球會為領隊而戰，否則就算費sir空降領軍，都一樣會輸。陣式上，現有人腳最好都係4-2-3-1，先預測佢繼續起用呢個陣式去迎戰熱刺。
龍門就冇得變了，迪基亞出色既表現值得繼續正選。防線方面就認真頭痛，有可能想變都冇得變。面對老孫，冇辦法唔起用單防能力比達洛特好太多既雲比沙加。梳爾雖然上場表現唔好，但佢已經係整條防線算最可靠既一個，都係要繼續起用。華拉尼受傷，中堅位置只得拜利、連迪路夫、麥佳亞同鐘斯。麥隊長近期既表現確實再難以繼續正選，理論上拜利拍連迪路夫或會係解決防線災難既靈單妙藥，但熱刺既前鋒哈利簡尼係麥隊長國家隊隊友，彼此熟悉對方既踢波模式，加上隊長臂章，蘇B未必會換佢，最後可能會變左拜利拍麥佳亞握守中路。假如華拉尼能復出，就會由佢拍住麥隊長鎮守防線。
中場方面，出雲迪碧克起碼會少3成球迷屌鬼，之後係咪蘇B教佢今場都要證明自己。麥湯文尼會係佢既拍檔，繼續係中間做防務。馬迪都係先列後備，速率怕跟唔上。攻擊中場位置會繼續由般奴費南迪斯指揮球隊。畢竟蘇B對佢有知遇之恩帶佢黎曼聯，相信佢會傾盡全力爭勝。
前線方面，福仔既速度同衝刺力都係冇曼聯球員能夠取代，左翼位置非佢莫屬。右路既綠木被點名批評唔交波，係需要改變既情況下，佢會係被犧牲既一個，貴價辛祖係時候擔正。前鋒就唔駛講，一定係出C朗拿度係前面爭取入波。C朗爭勝心強，就算佢唔妥個領隊，落到場都會為球會拼搏，我反而唔認為佢會渣流灘。（你當佢想擦數據也好）
如果係陣式上改變，蘇B亦只能改踢3-4-1-2。冇左普巴下，係必須要將般奴能力最大化。要解放佢就必須要擺佢係攻中位，自由走動串連球隊。龍門依舊迪基亞。三名中堅會係拜利、麥佳亞、梳爾。左右翼衞會係雲比沙加同達洛特。一對防中係麥湯文尼拍住雲迪碧克。攻中繼續係般奴費南迪斯。前線或會由福仔拍住C朗拿度。有兩翼邊衞幫手出波，有一個搶點力強頭鎚好既C朗，加上衝刺力強走位靈活既福仔，睇下有咩火花。
預測曼聯正選陣容（4-2-3-1）
迪基亞
雲比沙加 拜利 麥佳亞 梳爾
辛祖 麥湯文尼 雲迪碧克 華舒福
般奴費南迪斯
C朗拿度
預測曼聯正選陣容（3-4-1-2）
迪基亞
拜利 麥佳亞 梳爾
雲比沙加 麥湯文尼 雲迪碧克 泰利斯
般奴費南迪斯
C朗拿度 華舒福
請按此登錄後留言。未成為會員? 立即註冊