一場早已預測到結局既比賽，果然曼聯係主場以二比零不敵紐卡素，賽後同第十八位既葉士域治只有七分差距，睇隊波咁既勢頭，咁既比賽場面，話曼聯要為護級而努力真係不為過；同時間，同第五位既紐卡素已經爭十分，莫講頭五，上得番頭半版已經係目標。
《分析兩個失波》
開波四分鐘，甘馬雷斯右路一腳大轉邊搵到後上既賀爾，曼聯既右後衛馬沙拉維縮得太入，導致追出去要守賀爾果陣俾唔到任何壓力，令賀爾輕鬆傳中。曼聯三個中堅都「緊守崗位」冇追人。積及梅菲走中間令麥佳亞要企番係原位，令伊薩可以捕係尾柱，而馬天尼斯明顯冇諗過要mark人頂頭鎚，令伊薩輕鬆門前頂入。除左曼聯防守球員有問題外，亦要讚紐卡素既進攻球員少少移形換位，等伊薩可以去恰身高不足既馬天尼斯。
第二個失波同樣黎自紐卡素既左路側擊，哥頓單挑馬沙拉維。馬沙拉維同樣係比唔到足夠壓力哥頓，令佢可以好輕鬆cup大位傳中。落點同第一個失波一樣，目標又係要過到麥佳亞個頭，再係馬天尼斯身前就跌番落黎。今次輪到祖寧頓力壓馬天尼斯頂入。雖然馬天尼斯今次算有防備，但礙於身形輸蝕，加上起動慢左，祖寧頓都係好輕鬆門前頂入。
兩個失波個套路接近完全一樣，而紐卡素整個上半場都係追住兩邊去打傳中，證明呢招係賀維諗過度過，曼聯死兩次都可以話係死得抵。
《30分鐘被換走個心臟要夠強大》
曼聯頭三十分鐘係完全受壓，十九分鐘就已經落後二比零。阿摩廉少有地係33分鐘用明奴入替舒克斯，將艾歷臣推番前一格，等明奴拍番卡斯美路，令中場多番活力。舒克斯被換出前僅得9次傳送3次成功，並有兩次攔截都係成功。今場佢係中前場既表現係完全唔合格，但如果有場場睇曼聯既話，會知道佢並唔係第一次踢呢個攻擊中場位置，而佢每次踢既表現都係唔合格，所以我覺得今場正選擺佢出黎踢既阿摩廉其實要負上更大責任。一個九號半踢法既球員去踢一個十號位本身就已經困難，仲要係踢3-4-2-1中既2就更難。現時係曼聯最岩踢呢個位置既人兄係曼治，只要一比較就知點解舒克斯係踢唔到呢個位置。難聽講句，擺佢落去踢真係明玩鳩佢。30分鐘換走，只能希望舒克斯心臟夠強大可以頂得住，又或者冬窗走人去番意甲。換完人後，球隊既表現確實叫有少少起色，係中場既爭奪同控球都冇咁被動，都算阿摩廉知衰而即刻補牢。
《總結》
曼聯整場波十射一中，只得0.88預計入球值。唔好講入波，基本上連創造機會既能力都冇，而曼聯係下半場既數據遠比上半場好，極大程度係因為賀維驚「玩爛玩具」，冇要求球員加快比賽節奏，只要唔傷做好防守就算，反正俾個波曼聯都冇能力入到。老實地說，3-4-2-1根本唔岩呢堆人踢，格硬擺班人落去，真係可以長買曼聯對家。改踢番4-2-3-1，我肯定曼聯可以上番頭半版。阿摩，你玩還玩，玩到降班就真係唔知點算啊！
《分析兩個失波》
開波四分鐘，甘馬雷斯右路一腳大轉邊搵到後上既賀爾，曼聯既右後衛馬沙拉維縮得太入，導致追出去要守賀爾果陣俾唔到任何壓力，令賀爾輕鬆傳中。曼聯三個中堅都「緊守崗位」冇追人。積及梅菲走中間令麥佳亞要企番係原位，令伊薩可以捕係尾柱，而馬天尼斯明顯冇諗過要mark人頂頭鎚，令伊薩輕鬆門前頂入。除左曼聯防守球員有問題外，亦要讚紐卡素既進攻球員少少移形換位，等伊薩可以去恰身高不足既馬天尼斯。
第二個失波同樣黎自紐卡素既左路側擊，哥頓單挑馬沙拉維。馬沙拉維同樣係比唔到足夠壓力哥頓，令佢可以好輕鬆cup大位傳中。落點同第一個失波一樣，目標又係要過到麥佳亞個頭，再係馬天尼斯身前就跌番落黎。今次輪到祖寧頓力壓馬天尼斯頂入。雖然馬天尼斯今次算有防備，但礙於身形輸蝕，加上起動慢左，祖寧頓都係好輕鬆門前頂入。
兩個失波個套路接近完全一樣，而紐卡素整個上半場都係追住兩邊去打傳中，證明呢招係賀維諗過度過，曼聯死兩次都可以話係死得抵。
《30分鐘被換走個心臟要夠強大》
曼聯頭三十分鐘係完全受壓，十九分鐘就已經落後二比零。阿摩廉少有地係33分鐘用明奴入替舒克斯，將艾歷臣推番前一格，等明奴拍番卡斯美路，令中場多番活力。舒克斯被換出前僅得9次傳送3次成功，並有兩次攔截都係成功。今場佢係中前場既表現係完全唔合格，但如果有場場睇曼聯既話，會知道佢並唔係第一次踢呢個攻擊中場位置，而佢每次踢既表現都係唔合格，所以我覺得今場正選擺佢出黎踢既阿摩廉其實要負上更大責任。一個九號半踢法既球員去踢一個十號位本身就已經困難，仲要係踢3-4-2-1中既2就更難。現時係曼聯最岩踢呢個位置既人兄係曼治，只要一比較就知點解舒克斯係踢唔到呢個位置。難聽講句，擺佢落去踢真係明玩鳩佢。30分鐘換走，只能希望舒克斯心臟夠強大可以頂得住，又或者冬窗走人去番意甲。換完人後，球隊既表現確實叫有少少起色，係中場既爭奪同控球都冇咁被動，都算阿摩廉知衰而即刻補牢。
《總結》
曼聯整場波十射一中，只得0.88預計入球值。唔好講入波，基本上連創造機會既能力都冇，而曼聯係下半場既數據遠比上半場好，極大程度係因為賀維驚「玩爛玩具」，冇要求球員加快比賽節奏，只要唔傷做好防守就算，反正俾個波曼聯都冇能力入到。老實地說，3-4-2-1根本唔岩呢堆人踢，格硬擺班人落去，真係可以長買曼聯對家。改踢番4-2-3-1，我肯定曼聯可以上番頭半版。阿摩，你玩還玩，玩到降班就真係唔知點算啊！
請按此登錄後留言。未成為會員? 立即註冊