Boxing Day主場比賽，車路士以1:2不敵富咸，寫下45年來首次係史丹福橋輸畀「鄰居」，同時中斷左連續九場不敗的紀錄。
第16分鐘，彭馬展現左個人能力打破僵局。高維爾傳左個地波俾彭馬，佢係中場位搵到佩雷拉 (Andreas Pereira) 同沙沙盧基 (Sasa Lukic) 之間的空位，接應後一個假動作擺脫佩雷拉，再用第二下觸球避開沙沙盧基的鏟斷。最後仲要巧妙咁避開迪奧普 (Issa Diop) 封堵，用精準而不是力度將球送入近柱為車路士打開缺口。
然而，車路士未能擴大比分優勢。古古尼亞有一下近門的頭槌被連奴 (Bernd Leno) 撲出。到82分鐘，富咸替補上陣的哈利威爾遜 (Harry Wilson) 接應卡斯達尼 (Timothy Castagne) 的頭球回傳，頂入成功扳平。
補時第95分鐘，安素將個波撞出，由山齊士解圍出界，富咸發動快速進攻，最終由洛迪高梅尼斯 (Rodrigo Muniz) 射入，完成反勝。
戰術＆數據：
可能係參考左愛華頓對車路士的踢法，富咸今場明顯有備而來，馬高施華 (Marco Silva) 今場採用5-4-1的低位防守，放棄控球權轉打防守反擊。尼圖同辛祖面對低位防守陣形，係一對一對抗明顯處於下風。最重要的係，富咸同近期的愛華頓一樣，成功遏制住車路士係中場接應的空間。
先睇返雙方數據 [主 v 客]：
❌ 預計入球：1.41 v 1.92
❌ 射門 (命中)：12 (8) v 14 (7)
❌ 控球率：48% v 52%
❌ 傳球 (成功率)：500 (84%) v 558 (86%)
❌ 前傳 (成功率)：95 (47%) v 77 (53%)
❌ 長傳 (成功率)：60 (46.7%) v 72 (65.3%)
❌ 入侵禁區：10 v 15
❌ 攔截：4 v 10
❌ 地面對抗：33 v 34
數據上值得留意的係，車路士雖然有95次進攻性傳球，但成功率只有47%，反映出球隊進攻時欠缺耐性，盲目強攻前傳。相比之下，富咸雖然只有77次進攻性傳球，但53%的成功率證明進攻更加有成效。
甚至比較雙方的戰術下，今場仍然係由馬高施華勝出。對手深知車路士係用盒形中場，所以第一個落的Order就係要By Pass車路士的中場，呢件事由富咸整體的長傳率就可以見到，係今場比賽之前富咸的平均長傳數只有約65次，但今場就大幅上升到72次，長傳成功率仲多得富咸的球員有身長的優勢，18次高空爭頂贏左11次。
第二樣係延續拖肥的中場爆破，當古古尼亞同辛祖回防的時候，富咸就會選擇用中路強硬爆破，幾個大大隻的中路球員利用物理優勢好幾次壓過車路士的中場成功推動，可以話係活用左盒形中場變形前後兩個唔同的缺點 - 變形前邊路缺人，變形後中場缺人。
最後一個問題就可以話係馬蛇的錯，亦可以話係無可奈何。如果你發現自己球隊中場俾對手打爆，下半場完全失去控制，第一件事要諗的應該係換人同修正臨場的企位傳送。可惜的係，車路士的後備名單中根本無一個可靠的中場球員可以避開富咸的身體對抗，最接近果個已經係菲力斯，但係如果要將安素換成菲力斯，恐怕只會進一步削弱無力的進攻線同中場控制力。
個別表現：
先撇除彭馬，今次揀左幾位數據上同之前有好大分別的球員出黎：
古古尼亞：
❌ 預計射門：0.19
❌ 清波：2
❌ 防守動作：0
❌ 地面對抗：4 (1)
❌ 空中爭頂：2 (0)
❌ 觸球數：42
係對拖肥停賽之前，車路士左閘的古古尼亞幾乎踢到艾殊利高爾咁款。但係今場就曝露出盒形中場，左閘切入中場的最大弱點。睇數字相信就會明白唔少，明明睇波的時候你不停見到古古尼亞走上走落，但偏偏佢的各項數字都低得離奇。呢點就證明左對面領隊的戰術打出奇效。
當古古前推或者進入中場，就會俾對手用長傳同速度推進，當古古回後去邊路對手就會變成中路推進，就係呢種戰術令古古尼亞的各項數據低落。甚至對手查奧爾根本就唔怕同你硬碰硬，4次地面對抗古古尼亞都只係贏得一次，所以好難怪責係左線的古古踢得差，更大部份係因為戰術部署而處於下風。
辛祖：
❌ 射門：1 (1)
❌ 預計入球：2 (1)
❌ 地面對抗：6 (2)
❌ 失去球權：12
⭕️ 接應前傳：12*
有趣的係，唔係古古尼亞，甚至連同一邊的辛祖都踢得好辛苦。如果大家記得的話，之前辛祖曾經係古古尼亞缺陣之下踢得好辛苦。其中一個原因就係缺少左古古尼亞前插帶來的傳送。
而當古古尼亞今場啞火，連帶就令辛祖係邊路都被拖低左。甚至唔止係辛祖，車路士整體係無控球權之下，辛祖可以發揮的空間都唔多，唯一可以做的就只有透過無球跑動去創造機會。
所以賽後有球迷出聲批評辛祖的表現，唔係唔可以理解，但睇落唔係佢一個的責任而更多係球隊的問題。
卡些度：
抽埋卡些度的數據出黎就更加證明到成件事。
❌ 防守次數：2
❌ 清波：3
❌ 觸球數：72
❌ 地面對抗：8 (3)
⭕️ 搶回球權：9*
卡些度本來係盒形中場的配置就係做Dirty Job - 破壞對手組織、引球推進提供傳球選擇、積極上搶執Second Ball等等，但係今場的卡些度係戰術By Pass之下，唔止各項防守次數低下，甚至連正面對抗的機會都唔多，同對手正面對抗都好亦唔夠對手大隻而處於下風。
其餘部份就唔再重覆，車迷都可以當係一個參考數據去睇下一場比賽有無改善就ok。
安素：
可能係今場比賽，彭馬以外的的最後一個看點。
⭕️ 傳球：57/69 (83%)
❌ 地面對抗：13 (4)
⭕️ 關鍵傳送：3⭕️ 前傳數：8
⭕️ 射門機會創造：6*
⭕️ 觸球數：80*
有別於之前的比賽，安素今場收得比之前深得要多，平均的企位幾乎退到去中場線。而且係防守的時候更加會回後去協助古斯度防守。雖然唔可以話安素的防守效率好好，但已經盡左佢的能力去覆蓋右線。
進攻面方面，今場安素發揮住中場大腦的角色，成功俾出8次前傳，同全隊最多的6次射門機會創造。奈何安素都無辦法突破對手的防線，後退左的部份亦無辦法係前場做到太多殺手式進攻。
總結：
因為放假，今場的賽後報告都遲左，總算趕上係下一場比賽之前出到。可能好多人會對於車路士的表現唔滿意，但正因為呢一份青澀感同不感定，先令馬蛇不停同大家講車路士未在爭冠的行列。
亦一如我上一篇文所講，車路士係防守同陣式上仲未成熟，人腳上都仲有調整的空間。
【車迷觀點】車路士未能爭冠 數據戰術上的喜與憂
https://s.fanpiece.com/cPo9Qln
車迷繼續俾耐性，賭仔多一份戒心，相信季尾的成績會反映出一切。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
第16分鐘，彭馬展現左個人能力打破僵局。高維爾傳左個地波俾彭馬，佢係中場位搵到佩雷拉 (Andreas Pereira) 同沙沙盧基 (Sasa Lukic) 之間的空位，接應後一個假動作擺脫佩雷拉，再用第二下觸球避開沙沙盧基的鏟斷。最後仲要巧妙咁避開迪奧普 (Issa Diop) 封堵，用精準而不是力度將球送入近柱為車路士打開缺口。
然而，車路士未能擴大比分優勢。古古尼亞有一下近門的頭槌被連奴 (Bernd Leno) 撲出。到82分鐘，富咸替補上陣的哈利威爾遜 (Harry Wilson) 接應卡斯達尼 (Timothy Castagne) 的頭球回傳，頂入成功扳平。
補時第95分鐘，安素將個波撞出，由山齊士解圍出界，富咸發動快速進攻，最終由洛迪高梅尼斯 (Rodrigo Muniz) 射入，完成反勝。
戰術＆數據：
可能係參考左愛華頓對車路士的踢法，富咸今場明顯有備而來，馬高施華 (Marco Silva) 今場採用5-4-1的低位防守，放棄控球權轉打防守反擊。尼圖同辛祖面對低位防守陣形，係一對一對抗明顯處於下風。最重要的係，富咸同近期的愛華頓一樣，成功遏制住車路士係中場接應的空間。
先睇返雙方數據 [主 v 客]：
❌ 預計入球：1.41 v 1.92
❌ 射門 (命中)：12 (8) v 14 (7)
❌ 控球率：48% v 52%
❌ 傳球 (成功率)：500 (84%) v 558 (86%)
❌ 前傳 (成功率)：95 (47%) v 77 (53%)
❌ 長傳 (成功率)：60 (46.7%) v 72 (65.3%)
❌ 入侵禁區：10 v 15
❌ 攔截：4 v 10
❌ 地面對抗：33 v 34
數據上值得留意的係，車路士雖然有95次進攻性傳球，但成功率只有47%，反映出球隊進攻時欠缺耐性，盲目強攻前傳。相比之下，富咸雖然只有77次進攻性傳球，但53%的成功率證明進攻更加有成效。
甚至比較雙方的戰術下，今場仍然係由馬高施華勝出。對手深知車路士係用盒形中場，所以第一個落的Order就係要By Pass車路士的中場，呢件事由富咸整體的長傳率就可以見到，係今場比賽之前富咸的平均長傳數只有約65次，但今場就大幅上升到72次，長傳成功率仲多得富咸的球員有身長的優勢，18次高空爭頂贏左11次。
第二樣係延續拖肥的中場爆破，當古古尼亞同辛祖回防的時候，富咸就會選擇用中路強硬爆破，幾個大大隻的中路球員利用物理優勢好幾次壓過車路士的中場成功推動，可以話係活用左盒形中場變形前後兩個唔同的缺點 - 變形前邊路缺人，變形後中場缺人。
最後一個問題就可以話係馬蛇的錯，亦可以話係無可奈何。如果你發現自己球隊中場俾對手打爆，下半場完全失去控制，第一件事要諗的應該係換人同修正臨場的企位傳送。可惜的係，車路士的後備名單中根本無一個可靠的中場球員可以避開富咸的身體對抗，最接近果個已經係菲力斯，但係如果要將安素換成菲力斯，恐怕只會進一步削弱無力的進攻線同中場控制力。
個別表現：
先撇除彭馬，今次揀左幾位數據上同之前有好大分別的球員出黎：
古古尼亞：
❌ 預計射門：0.19
❌ 清波：2
❌ 防守動作：0
❌ 地面對抗：4 (1)
❌ 空中爭頂：2 (0)
❌ 觸球數：42
係對拖肥停賽之前，車路士左閘的古古尼亞幾乎踢到艾殊利高爾咁款。但係今場就曝露出盒形中場，左閘切入中場的最大弱點。睇數字相信就會明白唔少，明明睇波的時候你不停見到古古尼亞走上走落，但偏偏佢的各項數字都低得離奇。呢點就證明左對面領隊的戰術打出奇效。
當古古前推或者進入中場，就會俾對手用長傳同速度推進，當古古回後去邊路對手就會變成中路推進，就係呢種戰術令古古尼亞的各項數據低落。甚至對手查奧爾根本就唔怕同你硬碰硬，4次地面對抗古古尼亞都只係贏得一次，所以好難怪責係左線的古古踢得差，更大部份係因為戰術部署而處於下風。
辛祖：
❌ 射門：1 (1)
❌ 預計入球：2 (1)
❌ 地面對抗：6 (2)
❌ 失去球權：12
⭕️ 接應前傳：12*
有趣的係，唔係古古尼亞，甚至連同一邊的辛祖都踢得好辛苦。如果大家記得的話，之前辛祖曾經係古古尼亞缺陣之下踢得好辛苦。其中一個原因就係缺少左古古尼亞前插帶來的傳送。
而當古古尼亞今場啞火，連帶就令辛祖係邊路都被拖低左。甚至唔止係辛祖，車路士整體係無控球權之下，辛祖可以發揮的空間都唔多，唯一可以做的就只有透過無球跑動去創造機會。
所以賽後有球迷出聲批評辛祖的表現，唔係唔可以理解，但睇落唔係佢一個的責任而更多係球隊的問題。
卡些度：
抽埋卡些度的數據出黎就更加證明到成件事。
❌ 防守次數：2
❌ 清波：3
❌ 觸球數：72
❌ 地面對抗：8 (3)
⭕️ 搶回球權：9*
卡些度本來係盒形中場的配置就係做Dirty Job - 破壞對手組織、引球推進提供傳球選擇、積極上搶執Second Ball等等，但係今場的卡些度係戰術By Pass之下，唔止各項防守次數低下，甚至連正面對抗的機會都唔多，同對手正面對抗都好亦唔夠對手大隻而處於下風。
其餘部份就唔再重覆，車迷都可以當係一個參考數據去睇下一場比賽有無改善就ok。
安素：
可能係今場比賽，彭馬以外的的最後一個看點。
⭕️ 傳球：57/69 (83%)
❌ 地面對抗：13 (4)
⭕️ 關鍵傳送：3⭕️ 前傳數：8
⭕️ 射門機會創造：6*
⭕️ 觸球數：80*
有別於之前的比賽，安素今場收得比之前深得要多，平均的企位幾乎退到去中場線。而且係防守的時候更加會回後去協助古斯度防守。雖然唔可以話安素的防守效率好好，但已經盡左佢的能力去覆蓋右線。
進攻面方面，今場安素發揮住中場大腦的角色，成功俾出8次前傳，同全隊最多的6次射門機會創造。奈何安素都無辦法突破對手的防線，後退左的部份亦無辦法係前場做到太多殺手式進攻。
總結：
因為放假，今場的賽後報告都遲左，總算趕上係下一場比賽之前出到。可能好多人會對於車路士的表現唔滿意，但正因為呢一份青澀感同不感定，先令馬蛇不停同大家講車路士未在爭冠的行列。
亦一如我上一篇文所講，車路士係防守同陣式上仲未成熟，人腳上都仲有調整的空間。
【車迷觀點】車路士未能爭冠 數據戰術上的喜與憂
https://s.fanpiece.com/cPo9Qln
車迷繼續俾耐性，賭仔多一份戒心，相信季尾的成績會反映出一切。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊