曼聯易帥傳聞甚囂塵上，有傳話只要下場對波圖與及下下場對維拉既比賽有乜野冬瓜豆腐，曼聯管理層就會立刻將坦夏炒魷魚。佢係咪真係要依家落鑊？
《先從今季聯賽戰績睇睇：六戰兩勝一和三負》
主場 贏富咸 1:0
作客 輸白禮頓 1:2
主場 輸利物浦 0:3
作客 贏修咸頓 0:3
作客 和水晶宮 0:0
主場 輸熱刺 0:3
從結果論睇，六戰只得七分對曼聯黎講確實係唔合格；但係若果從呢六場既比賽情況黎睇（如你真係場場都睇晒），除左被利物浦技術性擊敗（100%輸坦夏戰術）同輸俾熱刺（半場打少一人），其餘幾場波（唔計贏果兩場）都絕對唔係踢得差，同上季比較更係有大躍進。今季曼聯現時為止無論控球率、射門數字、被射門數字、創造射門機會同黃金埋門機會都比上屆好左好多。只係球員係埋門既最後一腳往往把握力唔夠先未能令球隊贏波。計埋歐霸盃對川迪既比賽，雖然果場既表現唔太好，但都算係球賽拎到主導權並曾經領先，最後因一個失誤先被人追平。理性少少地諗，係咪因為只用結果論，就全權否定領隊既能力？
《整頓更衣室都係一環》坦夏入主曼聯後，第一件事就係整頓更衣室。無論遲到定係訓練態度唔好，一律要罰。就算你係球皇，狀態唔好還是踢法唔跟領隊指示，就唔駛出場，樹立番一套領隊比球員大既基本規矩。到現時為止，就算戰續唔係太理想，更衣室內部都並冇傳出球員想玩逼宮或者不滿領隊既情況，有別於以往蘇B、摩佬同蘭sir既時代。
《球隊大方向》
今夏曼聯管理層大改變，新入主既Jim sir大肆改革，令曼聯係今夏轉會窗唔駛再做「水魚曼」。近兩三季買既人，特別係今季，球會引入既都係比較年青同具潛質既球員，例如：海倫、舒克斯、馬拿斯亞、約羅同烏格迪等。除左呢幾個，球會亦更著重U隊既收購同培訓，例如買入左盧沙利、奧華利同係阿仙奴搶走左馬田仔。另外，明奈、哥利亞、加拿祖同迪亞路都係坦夏手上有不乏既發揮機會，而坦夏亦比較擅長培育年青球員，同球會依家既大方向係相似。大家都知唔係「win now」而係要時間培育。
《陣容改革》
坦夏呢三年都用左球會唔少錢去收購球員係一個不爭既事實。留意番今季既常規正選陣容，當中有四人係今季先登陸英超（迪列特、舒克斯、馬沙拉維同烏格迪），加拿祖、迪亞路、明奈、安拿拿同海倫都只係踢左英超兩年，好多球員都處於適應期同磨合期。猶記得上季安拿拿俾人笑「nana-move」，但今季既表現已經變左「要不是有…」。整隊不論前中後場，最重要係條中軸龍骨都係換緊血，成績波動或者唔理想其實係可以理解。
《總結》
好多人都話坦夏教左三年都仲係一pat屎，但如諗深一層，第一年要先解決球皇同更衣室問題；第二年既傷兵潮加球員個人私生活問題，場場都係湊夠腳去踢就算數，實際可以練到幾多野？基本上呢年可以話係浪費左（唔好話職業球隊，係香港踢業餘比賽場場唔同人腳，你真係可以帶到隊型？）；今年踢落其實係唔差，只係結果唔好。小弟非盲撐坦夏，要炒咪炒又唔係我俾錢，只係唔想球隊不停輪迴十年又十年。感性上當然唔想隊波成日輸，但理性諗諗隊波處於重建期，輸波會唔會只係領隊問題而球員係零責任？輸波既原因究竟係game plan錯還是球員犯錯？呢D都係要炒唔炒既考慮原因，而唔係一輸就炒領隊。炒左佢又可唔可以搵番相同執教風格既領隊去帶又係另一樣考慮因素。短暫黎講，小弟認為唔炒會比炒好，就算雲佬上場，佢一定帶得比坦夏好？你齋睇佢既CV憑咩覺得佢一定得？其實都係一個迷！
《先從今季聯賽戰績睇睇：六戰兩勝一和三負》
主場 贏富咸 1:0
作客 輸白禮頓 1:2
主場 輸利物浦 0:3
作客 贏修咸頓 0:3
作客 和水晶宮 0:0
主場 輸熱刺 0:3
從結果論睇，六戰只得七分對曼聯黎講確實係唔合格；但係若果從呢六場既比賽情況黎睇（如你真係場場都睇晒），除左被利物浦技術性擊敗（100%輸坦夏戰術）同輸俾熱刺（半場打少一人），其餘幾場波（唔計贏果兩場）都絕對唔係踢得差，同上季比較更係有大躍進。今季曼聯現時為止無論控球率、射門數字、被射門數字、創造射門機會同黃金埋門機會都比上屆好左好多。只係球員係埋門既最後一腳往往把握力唔夠先未能令球隊贏波。計埋歐霸盃對川迪既比賽，雖然果場既表現唔太好，但都算係球賽拎到主導權並曾經領先，最後因一個失誤先被人追平。理性少少地諗，係咪因為只用結果論，就全權否定領隊既能力？
《整頓更衣室都係一環》坦夏入主曼聯後，第一件事就係整頓更衣室。無論遲到定係訓練態度唔好，一律要罰。就算你係球皇，狀態唔好還是踢法唔跟領隊指示，就唔駛出場，樹立番一套領隊比球員大既基本規矩。到現時為止，就算戰續唔係太理想，更衣室內部都並冇傳出球員想玩逼宮或者不滿領隊既情況，有別於以往蘇B、摩佬同蘭sir既時代。
《球隊大方向》
今夏曼聯管理層大改變，新入主既Jim sir大肆改革，令曼聯係今夏轉會窗唔駛再做「水魚曼」。近兩三季買既人，特別係今季，球會引入既都係比較年青同具潛質既球員，例如：海倫、舒克斯、馬拿斯亞、約羅同烏格迪等。除左呢幾個，球會亦更著重U隊既收購同培訓，例如買入左盧沙利、奧華利同係阿仙奴搶走左馬田仔。另外，明奈、哥利亞、加拿祖同迪亞路都係坦夏手上有不乏既發揮機會，而坦夏亦比較擅長培育年青球員，同球會依家既大方向係相似。大家都知唔係「win now」而係要時間培育。
《陣容改革》
坦夏呢三年都用左球會唔少錢去收購球員係一個不爭既事實。留意番今季既常規正選陣容，當中有四人係今季先登陸英超（迪列特、舒克斯、馬沙拉維同烏格迪），加拿祖、迪亞路、明奈、安拿拿同海倫都只係踢左英超兩年，好多球員都處於適應期同磨合期。猶記得上季安拿拿俾人笑「nana-move」，但今季既表現已經變左「要不是有…」。整隊不論前中後場，最重要係條中軸龍骨都係換緊血，成績波動或者唔理想其實係可以理解。
《總結》
好多人都話坦夏教左三年都仲係一pat屎，但如諗深一層，第一年要先解決球皇同更衣室問題；第二年既傷兵潮加球員個人私生活問題，場場都係湊夠腳去踢就算數，實際可以練到幾多野？基本上呢年可以話係浪費左（唔好話職業球隊，係香港踢業餘比賽場場唔同人腳，你真係可以帶到隊型？）；今年踢落其實係唔差，只係結果唔好。小弟非盲撐坦夏，要炒咪炒又唔係我俾錢，只係唔想球隊不停輪迴十年又十年。感性上當然唔想隊波成日輸，但理性諗諗隊波處於重建期，輸波會唔會只係領隊問題而球員係零責任？輸波既原因究竟係game plan錯還是球員犯錯？呢D都係要炒唔炒既考慮原因，而唔係一輸就炒領隊。炒左佢又可唔可以搵番相同執教風格既領隊去帶又係另一樣考慮因素。短暫黎講，小弟認為唔炒會比炒好，就算雲佬上場，佢一定帶得比坦夏好？你齋睇佢既CV憑咩覺得佢一定得？其實都係一個迷！
請按此登錄後留言。未成為會員? 立即註冊