阿仙奴2球輕取PSG 後麥總時代巴黎陣中無大將
歐聯第二週激戰，阿仙奴主場對巴黎聖日耳門，阿仙奴上一場賽事4比2險勝李斯特城，今日繼續相同陣容相同人員4-2-3-1陣式，夏域斯踢正前鋒，托沙特擔任攻擊中場。作客方面嘅PSG係後麥總時代仍然統治法甲，但上一場歐聯辛苦地絕殺西甲球隊基羅納，今日4–3-3陣式，丹比利(Ousmane Dembélé)因紀律問題不在陣中，前線三叉戟為巴高拿(Bradley Barcola)、李康仁(Kang-In Lee)同道爾(Désiré Doué)，中場有今季高價加盟嘅祖奧尼維斯(Joao Neves)。
阿仙奴上半場進攻時左閘卡拉費奧利(Riccardo Calafiori)內切同湯馬士柏迪為雙防中，迪蘭懷斯係中路Box-To-Box遊走。左路進攻卡拉費奧利嘅走動同托沙特有呼應，而右路則交由薩卡自己突破。
巴黎聖日耳門進攻時夏基美壓到右翼位置，左閘紐奴文迪斯留後，而前鋒李康仁則會回後到中場幫波打偽中鋒，擾亂對方後防防守目標。上半場PSG雖有6成控球率，但實際威脅不大，機會創造力低，並且中場防守強度不足，地面拼搶同空中爭奪嘅數據都不足5成。
20分鐘阿仙奴率先破門，托沙特左路中場突破一直運球向前，並冇面對太多防守壓力下傳中，由夏域斯禁區中路頭槌頂入1比0。
35分鐘薩卡右路罰球攻勢，斬到前柱馬天尼利跳起避開，看似湯馬士柏迪門前撞入但實際無掂到，所以計算為薩卡直接射入罰球2比0。
PSG其實係上半場有零星機會，譬如27分鐘紐奴文迪斯同巴高拿一個撞牆，左路Half Space射遠柱僅僅擦柱彈出。及後夏基美係右路爆入禁區都有一次射門，但上半場45分鐘PSG攻勢僅此而已。
半場後阿仙奴收起添巴(Jurrien Timber)換入基維奧(Jakub Kiwior)踢左閘，而落後嘅PSG則未有人員調動。
巴黎64分鐘換入前鋒高路梅安尼同左中場法比安雷斯，李康仁則移向右翼拉邊，祖奧尼維斯墜後分波，一輪人員上嘅調動令到形勢有變好，譬如巴黎曾經有一次角球，祖奧尼維斯起腳中楣彈出。然而巴黎嘅組織未能突破兵工廠嘅防守，下半場雖然獲得更多控球率同6次起腳，但只有一次中龍嘅埋門，Expected Goal更為0.18，比起下半場守勢嘅阿仙奴更低，結果主場阿仙奴無壓力之下二比零擊敗巴黎聖日耳門。
阿仙奴方面繼續排出強陣應戰，一致執行嘅逼搶同防守強韌奠定今場勝仗嘅基礎，今場嘅勝利對佢哋而言難度不高，唯一考驗佢哋嘅係球員體能同輪換，畢竟勝利11人已經喺今週踢足兩場賽事，週末對修咸頓一仗或許有輪換空間。
巴黎聖日耳門今季失去麥巴比雖然能夠統治法甲，但係歐聯賽場相對遜色，今日上半場已經反映中場防守力薄弱，引致兩個失球發生，進攻無亮點，但半場無作出即時調動，領隊安歷基並無針對性部署，或許佢嘅唯一戰術係要求左閘紐奴文迪斯留後應付薩卡，但此舉令左翼嘅巴高拿缺乏支援踢足90分鐘接近隱形，進攻重責靠喺右路，但後段李康仁拉邊、夏基美打右路Half Space又未能發揮二人嘅能力，以速度見稱嘅夏基美今日0次傳中，所以客隊PSG今日戰術部署、臨場調動同球員心態都未能比得上主隊阿仙奴，落敗係合情合理。
如果睇到呢度，不妨follow我地嘅instagram同Youtube睇到更多唔同嘅足球資訊！
IG : Footballarena_hk
Facebook: 足球港場
Youtube: 足球港場 - Chung
歐聯第二週激戰，阿仙奴主場對巴黎聖日耳門，阿仙奴上一場賽事4比2險勝李斯特城，今日繼續相同陣容相同人員4-2-3-1陣式，夏域斯踢正前鋒，托沙特擔任攻擊中場。作客方面嘅PSG係後麥總時代仍然統治法甲，但上一場歐聯辛苦地絕殺西甲球隊基羅納，今日4–3-3陣式，丹比利(Ousmane Dembélé)因紀律問題不在陣中，前線三叉戟為巴高拿(Bradley Barcola)、李康仁(Kang-In Lee)同道爾(Désiré Doué)，中場有今季高價加盟嘅祖奧尼維斯(Joao Neves)。
阿仙奴上半場進攻時左閘卡拉費奧利(Riccardo Calafiori)內切同湯馬士柏迪為雙防中，迪蘭懷斯係中路Box-To-Box遊走。左路進攻卡拉費奧利嘅走動同托沙特有呼應，而右路則交由薩卡自己突破。
巴黎聖日耳門進攻時夏基美壓到右翼位置，左閘紐奴文迪斯留後，而前鋒李康仁則會回後到中場幫波打偽中鋒，擾亂對方後防防守目標。上半場PSG雖有6成控球率，但實際威脅不大，機會創造力低，並且中場防守強度不足，地面拼搶同空中爭奪嘅數據都不足5成。
20分鐘阿仙奴率先破門，托沙特左路中場突破一直運球向前，並冇面對太多防守壓力下傳中，由夏域斯禁區中路頭槌頂入1比0。
35分鐘薩卡右路罰球攻勢，斬到前柱馬天尼利跳起避開，看似湯馬士柏迪門前撞入但實際無掂到，所以計算為薩卡直接射入罰球2比0。
PSG其實係上半場有零星機會，譬如27分鐘紐奴文迪斯同巴高拿一個撞牆，左路Half Space射遠柱僅僅擦柱彈出。及後夏基美係右路爆入禁區都有一次射門，但上半場45分鐘PSG攻勢僅此而已。
半場後阿仙奴收起添巴(Jurrien Timber)換入基維奧(Jakub Kiwior)踢左閘，而落後嘅PSG則未有人員調動。
巴黎64分鐘換入前鋒高路梅安尼同左中場法比安雷斯，李康仁則移向右翼拉邊，祖奧尼維斯墜後分波，一輪人員上嘅調動令到形勢有變好，譬如巴黎曾經有一次角球，祖奧尼維斯起腳中楣彈出。然而巴黎嘅組織未能突破兵工廠嘅防守，下半場雖然獲得更多控球率同6次起腳，但只有一次中龍嘅埋門，Expected Goal更為0.18，比起下半場守勢嘅阿仙奴更低，結果主場阿仙奴無壓力之下二比零擊敗巴黎聖日耳門。
阿仙奴方面繼續排出強陣應戰，一致執行嘅逼搶同防守強韌奠定今場勝仗嘅基礎，今場嘅勝利對佢哋而言難度不高，唯一考驗佢哋嘅係球員體能同輪換，畢竟勝利11人已經喺今週踢足兩場賽事，週末對修咸頓一仗或許有輪換空間。
巴黎聖日耳門今季失去麥巴比雖然能夠統治法甲，但係歐聯賽場相對遜色，今日上半場已經反映中場防守力薄弱，引致兩個失球發生，進攻無亮點，但半場無作出即時調動，領隊安歷基並無針對性部署，或許佢嘅唯一戰術係要求左閘紐奴文迪斯留後應付薩卡，但此舉令左翼嘅巴高拿缺乏支援踢足90分鐘接近隱形，進攻重責靠喺右路，但後段李康仁拉邊、夏基美打右路Half Space又未能發揮二人嘅能力，以速度見稱嘅夏基美今日0次傳中，所以客隊PSG今日戰術部署、臨場調動同球員心態都未能比得上主隊阿仙奴，落敗係合情合理。
如果睇到呢度，不妨follow我地嘅instagram同Youtube睇到更多唔同嘅足球資訊！
IG : Footballarena_hk
Facebook: 足球港場
Youtube: 足球港場 - Chung
請按此登錄後留言。未成為會員? 立即註冊