蘭歷克排出4-2-3-1陣式。龍門迪基亞。防線由左至右係梳爾-華拉尼-麥佳亞-達洛治。麥湯文尼同費特出任一對防中，左右翼係辛祖同伊蘭加。攻擊中場普巴支援前鋒般奴費南迪斯攻堅。
羅渣士排出4-4-2。門將舒米高。防線由左至右係卡斯坦尼-伊雲斯-科芬拿-真士田。中場線由左至右係班尼斯-文迪-泰利文斯-麥迪臣。蘭斯貝利賀爾拍伊恩拿祖打雙箭頭。
假九陣唔係擺就識踢
C朗賽前病左，卡雲尼受傷，令到蘭sir冇一個正前鋒可用下，嘗試利用般奴費南迪斯打個假九，後面攻中用普巴，睇下可唔可以靠佢兩個係中路做小組配合，但係假九唔係你扔出黎就識自動波踢。上半場整隊波既進攻係非常唔流暢。原因一係受制於李城係高位壓迫既踢法，埋波時間好快，尤其係個波到兩邊閘位同翼鋒球員，唔俾你轉身，逼你後傳就再向前壓就令到你難以組織。原因二係中場逗後既麥湯文尼。對方起用雙箭頭壓迫一對中堅，曼聯中場理應係三個打人兩個，但李城既文迪同泰利文斯係高位遮線同相互距離做得好，多次令曼聯不能由邊路轉中路再轉向。後場難以build-up，麥湯應該移後形成偽三中堅幫手出波，而非繼續係兩名中堅前左右移就算。當麥湯終於拎到波，但又多次傳球失誤，令到般奴或普巴不得不後移幫手組織進攻。如馬迪在場應能好好控制進攻節奏同組織後場。原因三係當球隊能成功運波到前場，普般有時會兩個一齊移後拎波踢，但兩翼又並冇插入假九拉出黎既空位，變左中鋒位係0人而且冇人後上插入，變左4-6-0陣式。就算個波放到入去都冇人接應。
冇態或者傷就應該要抽起唔出
排陣令到球員唔適應係一個問題，有傷或冇態都照出係另一個問題。唔理普巴同華拉尼係國際賽係咪帶傷上陣，今場踢落狀態明顯不足，而心水清既曼迷應見到麥佳亞同華拉尼今場係調左左右邊黎踢，唔知係咪要掩飾受傷影響既問題。華拉尼亦要為失果一球負些少責任，走甩左對方既伊恩拿祖。連迪路夫冇病冇痛都可以用啦。普巴亦係另一個缺態之人，跑動少速率慢同傳送都比較一般，踢唔起勁。當然仲有麥湯文尼啦，國際賽後遺症認真大影響。
上半場兩隊踢落算均勢
數據上，上半場李城就6射0中；曼聯就3射2中。控球時間上，曼聯有57%；李城則有43%。李城係生波組織威脅上係比曼聯大，只係埋門一腳射門質素唔好；曼聯只係空有控球，係生波上難以創造到具威脅既埋門機會。最似樣果腳要數到科芬拿派膠傳入中路俾費特偷到再傳俾般奴望空射。算唔算逼搶戰術成功，我認為一半一半啦，普巴都唔算有好高強度施壓，只係科芬拿大意傳入中路。
唔駛打少個都幾4424
梳爾既受傷逼使蘭sir要用泰利斯係半場入替。蘭sir係半場都有嘗試執執個中場，勒令般奴係番最前點唔使經常墮後，要普巴踢番後少少，去放長波同控制番中場，加強組織力。呢個戰術調動令到曼聯進攻有改善。踢到49分鐘，麥湯文尼一下鞋底行先飛剷麥迪臣非常礙眼。球證只出示黃牌，再經var查證後都係維持原判。麥湯唔駛出場都真係算好彩。蘭sir見狀都費事夜長夢多，就係55分鐘用華舒福入替佢，咪佢兩黃一紅拜拜就難攪。
換完人攻力冇改善仲要失波先
福仔入黎踢單箭頭，將普巴直接移落去同費特踢平排中場，進攻就推番費特上前一格，普巴留後組織。福仔始終不適合踢單箭頭，係中路都係迷失。最有威脅要去到尾段自己拉邊盤球硬闖中路，先見到佢既蹤影。未見換人之利，後防就頂唔住。62分鐘，本身曼聯守完角球打反擊。賀爾係中場飛剷成功搶番控球權就打反反擊。佢直傳俾麥迪臣。麥迪臣係左面邊路推離身就出波到尾柱，搵到伊恩拿祖門前頂人，領先一球。華拉尼同泰利斯兩個都要負上責任，邊有可能係人地出波前一刻都仲係企係伊恩拿祖身後。佢並唔係後上入楔，而係一早係你前面企定定黎頂。
費特再度救國
伊雲斯係緊接既死球就因傷被阿馬提入替。落後既曼聯係進攻上都嘗試加快，推快進攻節奏。65分鐘，曼聯鮮有係前場逼搶，令舒米高要大腳解圍。華拉尼搶贏第一點撞左俾費特。費特再逗俾係禁區頂既般奴再向前走位。般奴借費特過橋，扮交轉身推橫就射尾柱。舒米高僅能將波撲橫，費特衝前執雞成功追成平手。呢下就歸功於前場既壓迫，再要讚般奴既冷靜同費特既俾波走位。
唔駛輸都係靠迪基亞
追成平手後，兩隊都係繼續均勢。72分鐘，科芬拿接應麥迪臣既死球妙頂死角，但神勇既迪基亞飛身撲出，再次拯救曼聯。之前都有一下辛祖既自殺式回傳，又靠迪基亞出迎快封窄左伊恩拿祖既射門角度，令佢挑射尾柱出界。要不是迪基亞⋯⋯75分鐘，蘭sir用馬迪入替冇態既普巴，但整隊進攻上都未有任何改善下，只能同李斯特城踢平一比一，握手言和。
總結
先講呢場，要不是迪基亞加球證先生，李斯特城應該拎晒三分。冇左C朗，整隊係前場冇明確目標去交波，假九陣再度失敗。先重申曼聯並唔係唔踢得假九陣，而係需要其他球員走位配合。今場球員踢落既拼勁鬥心都唔覺好旺勝，感覺上成隊都懶懶散散咁。蘭sir下季上神枱，又未知新領隊係乜，球員踢落似交差多過為球隊而戰咁。依家得番一周一賽，想贏波既話麻煩真係起用馬迪叔叔鎮住個中場先會比較好。和埋呢場後，同阿仙奴差3分仲要踢少兩場。爭四可以唱番句（完了吧，如無意外）。餘下既比賽只會以歐霸盃係目標。點都好，真粉都會繼續撐！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
羅渣士排出4-4-2。門將舒米高。防線由左至右係卡斯坦尼-伊雲斯-科芬拿-真士田。中場線由左至右係班尼斯-文迪-泰利文斯-麥迪臣。蘭斯貝利賀爾拍伊恩拿祖打雙箭頭。
假九陣唔係擺就識踢
C朗賽前病左，卡雲尼受傷，令到蘭sir冇一個正前鋒可用下，嘗試利用般奴費南迪斯打個假九，後面攻中用普巴，睇下可唔可以靠佢兩個係中路做小組配合，但係假九唔係你扔出黎就識自動波踢。上半場整隊波既進攻係非常唔流暢。原因一係受制於李城係高位壓迫既踢法，埋波時間好快，尤其係個波到兩邊閘位同翼鋒球員，唔俾你轉身，逼你後傳就再向前壓就令到你難以組織。原因二係中場逗後既麥湯文尼。對方起用雙箭頭壓迫一對中堅，曼聯中場理應係三個打人兩個，但李城既文迪同泰利文斯係高位遮線同相互距離做得好，多次令曼聯不能由邊路轉中路再轉向。後場難以build-up，麥湯應該移後形成偽三中堅幫手出波，而非繼續係兩名中堅前左右移就算。當麥湯終於拎到波，但又多次傳球失誤，令到般奴或普巴不得不後移幫手組織進攻。如馬迪在場應能好好控制進攻節奏同組織後場。原因三係當球隊能成功運波到前場，普般有時會兩個一齊移後拎波踢，但兩翼又並冇插入假九拉出黎既空位，變左中鋒位係0人而且冇人後上插入，變左4-6-0陣式。就算個波放到入去都冇人接應。
冇態或者傷就應該要抽起唔出
排陣令到球員唔適應係一個問題，有傷或冇態都照出係另一個問題。唔理普巴同華拉尼係國際賽係咪帶傷上陣，今場踢落狀態明顯不足，而心水清既曼迷應見到麥佳亞同華拉尼今場係調左左右邊黎踢，唔知係咪要掩飾受傷影響既問題。華拉尼亦要為失果一球負些少責任，走甩左對方既伊恩拿祖。連迪路夫冇病冇痛都可以用啦。普巴亦係另一個缺態之人，跑動少速率慢同傳送都比較一般，踢唔起勁。當然仲有麥湯文尼啦，國際賽後遺症認真大影響。
上半場兩隊踢落算均勢
數據上，上半場李城就6射0中；曼聯就3射2中。控球時間上，曼聯有57%；李城則有43%。李城係生波組織威脅上係比曼聯大，只係埋門一腳射門質素唔好；曼聯只係空有控球，係生波上難以創造到具威脅既埋門機會。最似樣果腳要數到科芬拿派膠傳入中路俾費特偷到再傳俾般奴望空射。算唔算逼搶戰術成功，我認為一半一半啦，普巴都唔算有好高強度施壓，只係科芬拿大意傳入中路。
唔駛打少個都幾4424
梳爾既受傷逼使蘭sir要用泰利斯係半場入替。蘭sir係半場都有嘗試執執個中場，勒令般奴係番最前點唔使經常墮後，要普巴踢番後少少，去放長波同控制番中場，加強組織力。呢個戰術調動令到曼聯進攻有改善。踢到49分鐘，麥湯文尼一下鞋底行先飛剷麥迪臣非常礙眼。球證只出示黃牌，再經var查證後都係維持原判。麥湯唔駛出場都真係算好彩。蘭sir見狀都費事夜長夢多，就係55分鐘用華舒福入替佢，咪佢兩黃一紅拜拜就難攪。
換完人攻力冇改善仲要失波先
福仔入黎踢單箭頭，將普巴直接移落去同費特踢平排中場，進攻就推番費特上前一格，普巴留後組織。福仔始終不適合踢單箭頭，係中路都係迷失。最有威脅要去到尾段自己拉邊盤球硬闖中路，先見到佢既蹤影。未見換人之利，後防就頂唔住。62分鐘，本身曼聯守完角球打反擊。賀爾係中場飛剷成功搶番控球權就打反反擊。佢直傳俾麥迪臣。麥迪臣係左面邊路推離身就出波到尾柱，搵到伊恩拿祖門前頂人，領先一球。華拉尼同泰利斯兩個都要負上責任，邊有可能係人地出波前一刻都仲係企係伊恩拿祖身後。佢並唔係後上入楔，而係一早係你前面企定定黎頂。
費特再度救國
伊雲斯係緊接既死球就因傷被阿馬提入替。落後既曼聯係進攻上都嘗試加快，推快進攻節奏。65分鐘，曼聯鮮有係前場逼搶，令舒米高要大腳解圍。華拉尼搶贏第一點撞左俾費特。費特再逗俾係禁區頂既般奴再向前走位。般奴借費特過橋，扮交轉身推橫就射尾柱。舒米高僅能將波撲橫，費特衝前執雞成功追成平手。呢下就歸功於前場既壓迫，再要讚般奴既冷靜同費特既俾波走位。
唔駛輸都係靠迪基亞
追成平手後，兩隊都係繼續均勢。72分鐘，科芬拿接應麥迪臣既死球妙頂死角，但神勇既迪基亞飛身撲出，再次拯救曼聯。之前都有一下辛祖既自殺式回傳，又靠迪基亞出迎快封窄左伊恩拿祖既射門角度，令佢挑射尾柱出界。要不是迪基亞⋯⋯75分鐘，蘭sir用馬迪入替冇態既普巴，但整隊進攻上都未有任何改善下，只能同李斯特城踢平一比一，握手言和。
總結
先講呢場，要不是迪基亞加球證先生，李斯特城應該拎晒三分。冇左C朗，整隊係前場冇明確目標去交波，假九陣再度失敗。先重申曼聯並唔係唔踢得假九陣，而係需要其他球員走位配合。今場球員踢落既拼勁鬥心都唔覺好旺勝，感覺上成隊都懶懶散散咁。蘭sir下季上神枱，又未知新領隊係乜，球員踢落似交差多過為球隊而戰咁。依家得番一周一賽，想贏波既話麻煩真係起用馬迪叔叔鎮住個中場先會比較好。和埋呢場後，同阿仙奴差3分仲要踢少兩場。爭四可以唱番句（完了吧，如無意外）。餘下既比賽只會以歐霸盃係目標。點都好，真粉都會繼續撐！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
請按此登錄後留言。未成為會員? 立即註冊