熱刺大勝收「紐」上前四

熱刺5比1大比數擊破紐卡素🔥

熱刺主場出擊之下，今日左翼衞用上杜靴迪，右翼衛就由艾馬臣擔任，而一開波熱刺就主導形勢，但熱刺一直未能打破鐵桶陣，相反紐卡素防守集中，上半場尾段越推越上，仲比舒亞係39分鐘射入罰球領先🤯不過孫興慜都好快還以顏色，助攻賓戴維斯門前頂入追平🤝下半場紐卡素未夠集中，就比簡尼助攻尾柱嘅杜靴迪攝贏身位頂入👀落後嘅紐卡素只能壓前，但明顯佢地對打高位逼搶唔熟練，或者講係無訓練過，第三球正正就係中前場壓前但回防不及，被孫興慜門前無人看管之下射入🥵打反擊就開正熱刺個範，去到63分鐘一對翼衛製造入球，艾馬臣門前篤入，取得佢加盟熱刺第一球。最後貝雲積後備入替錦上添花，5比1大勝紐卡素，升上前四👍🏼
今場嘅關鍵除左係紐卡素改踢唔擅長嘅高位逼搶，熱刺球員嘅態度亦相當重要，特別係一對翼衛今日助攻助守，孫仔簡尼亦勤力回後博腳，繼而呢種團隊精神同爭勝心先係今場嘅致勝關鍵⚡️
賽後熱刺升上前四，亦係干地領軍後首次殺上前四🔥到底佢地來季能否參戰歐聯呢？
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場