搶到正選後愈戰愈勇 藍斯度再做救世主 精選

【 由降班「罪人」變成救世主 】


有唔少人喺阿仙奴以高價購入藍斯度嘅時候，都批評阿仙奴呢個決定。因為佢地認為藍斯度前兩季喺般尼茅夫以及錫菲聯嘅表現唔值佢嘅身價，仲要連續兩季降班，覺得降班嘅主因就係佢。唔否認藍斯度踢般尼茅夫以及初初踢錫菲聯嘅時候確係有唔少進步空間，但其實如果真係有睇佢落場表現嘅話就知道佢其實非常有潛質。

雖然連續兩季降班但其實佢仍然深受球迷愛戴，除咗基本撲救能力以外，佢同隊友嘅溝通以及領導能力都係非常好，而且睇得出佢真係好鐘意踢波，無論撲救完之後慶祝定係提場都搏曬老命咁款。加上早兩季都能夠成為般尼茅夫以及錫菲聯球迷投選嘅全季最佳球員，證明大家都知道，如果唔係藍斯度嘅話隨時球隊會需要以一個更加慘嘅成績降班。