雙方領隊都正面臨烏沙不保既危機，蘇B帶領既曼聯係聯賽多場不勝，上場仲俾死敵利記怒轟5球，毫無還擊之力，炒帥呼聲最高。紐奴既熱刺都不讓蘇B專美，領軍既表現同預期都有一段距離，更有唔好玩爛蘇B件玩具既壓力。最後，蘇B既曼聯反底成功，以三比零贏波而回。
雙方正選陣容
蘇B排出3-4-1-2陣式。龍門迪基亞。三名中堅左至右係麥佳亞、華拉尼、連迪路夫。左右翼衛係梳爾同雲比沙加。一對防中係麥湯文尼同費特。攻擊中場般奴費南迪斯支援70歲前鋒組合「721」C朗拿度拍卡雲尼。紐奴則排出4-2-3-1陣式。龍門羅列斯。防線左至右係賓戴維斯、迪亞、羅美路、艾馬臣。中場一對防中係靴爾保同史基普。兩翼係孫興慜同盧卡斯摩拉。攻擊中場盧斯素支援哈利簡尼。
蘇B：今場有三個目標就係唔失波、唔失波同埋唔失波
蘇B一共排出7名防守型球員，目標非常明確就係呢場波唔可以再失波。輸比李城4:2、贏阿特蘭大3:2、輸比利物浦5:0，三場加埋失左11球波，球員失波失到冇晒信心。要反底首先要由唔失波為前題，建立信心再俾前場放心去進攻。加上今場大將華拉尼復出，多左一個有速度有級數既中堅去包波，絕對提升左整條防線既防守能力。係戰術方面，果斷放棄前場逼搶，只留一對前鋒係中場線附近開始遮線。般奴費南迪斯移後變成右中場，麥湯居中，費特靠左，三名中場平排形成一條線。左右翼衛縮後追截對方一對翼鋒。當對方閘位係中場拎波，曼聯兩邊翼衛會因應情況再防守。如老孫摩拉等翼鋒球員選擇拉邊，雲比沙加同梳爾就唔會推前去防守閘位球員，會交俾中場埋去遮線。如老孫摩拉等翼鋒球員已經內切HALF-SPACE位置，雲比沙加同梳爾則會交佢地俾連迪路夫及麥隊長去防守，自己埋去防守對方閘位球員。整條防線清楚見到大家既工作，甚少見到單人無啦啦走左出去壓迫，而冇隊友係後面作出補位，亦見到整條防線既移動(係整條)。整場數據上，熱刺錄得0次射門中目標，就可以反映到今場曼聯既防守係何其緊密。當然，熱刺都並非全無機會，曼聯係應付死球仍需極大進步，多次被對方成功直接攻門，只係頂唔中目標，亦有一下角球因越位在先先唔駛失波。最危險就係入波前有一下角球被解圍後，摩拉係左路Curve波落小禁區。可惜，老孫係窄位一控一射，射左上觀眾席，否則又要迪基亞係網度執波。曼聯整場賽事防守上都非常集中，亦有賴熱刺攻力不濟，就算換完人都未能製造到具威脅既埋門，終能再次不失球贏波拎三分。
蘇B：唔介意做underdog，先守穩，進攻靠反擊。
慶幸今場曼聯係作客白鹿徑球場，加上紐奴都有下台壓力，逼到熱刺係需要走出黎主動進攻，適合蘇B今場大打underdog足球 - 防反。全場熱刺係有58%控球權，就見到今場蘇B係放棄進攻。加上曼聯縮落中後場防守，亦令熱刺後場出現較多空位去俾曼聯球員以個人能力推進。用到5名後衛，加上Mcfred組合，就想像到曼聯個波係後場會發生咩事，就係進攻完全組織唔到，被人逼搶下就向前搵前點既7+21組合，兩個停到波就等支援再上，停唔到我就又守過先。又或者靠般奴移到後場幫手轉方向，利用兩邊翼衛拉闊係邊路推進。般奴既體力同覆蓋範圍之大，令到曼聯係呢種踢法下都仍能間中有一段時間向到前攻下熱刺。唔知雲迪碧克發生咩事﹐係呢個咁既環境都唔嘗試用下佢。佢既用波能力一定比費特好，有6名防守型球員在場，就算佢亂咁向前後上插入，都大把人幫佢包位，而當你擺到7名防守型球員在場，想入波個難度其實好大，不過你話我守半場先，半場再換都仲可以理解。出動70歲組合亦大大減低反擊既威脅。卡雲尼本身已經唔係快，C朗拿度亦不是18歲果個插花狂扭小子，段段要爆幾廿碼拎到個波再突破唔係易事。兩邊翼衛亦要跟隨防線墮後，反擊要段段衝幾廿碼上黎支援更加係冇可能。般奴防守時要縮後同MCFRED組成中場防線，再跑上去支援，體能消耗極大。所以上半場曼聯想打反擊，但缺少速度型球員就威脅唔到熱刺。呢樣正正係下半場就反映到應該點解決。
陣地戰入波就靠巨星 - C朗拿度
前兩段已經分析左曼聯陣容上令到反擊同控球時面對既問題。想入波就真係只能靠個人質素。踢到39分鐘，曼聯大軍壓境係前場組織攻勢。般奴墮後到對方三閘線較炮。禁區只有C朗拿度同卡雲尼等待。般奴一拎波，C朗就藏身係賓戴維斯身後﹐引導般奴踢過頭斜線等佢係窄位攻門。般奴既質素，係冇乜壓力下成功踢出過頭波並岩岩好過左賓戴維斯頭後，C朗球不著地右腳Ban個波去尾柱，應聲入網。入楔時間，射波既力水線路都係一流，再次展現佢既把握力同級數。經過左一星期既休息，今場波佢既狀態明顯比起一周三賽為佳。始終都36歲，冇可能可以場場踢足仲交到100分既表現，根本係需要選擇性使用。再講，我地仲有卡雲尼呢個頂級射手。
下半場就靠一下反擊打沉熱刺下半場雙方都未有換人，曼聯領先緊一球就繼續防反踢法。唔怕你攻，至怕你唔攻。下半場早段﹐麥湯文尼係中路搶到波後，靈光一閃扭過兩名熱刺球員。 係中路直線湯穿熱刺防線直接俾到C朗。佢一推已經入到禁區再怒射，羅列斯冇反應下被射入，只係呢球越位在先，唔係就領先到兩球啦。呢下見到C朗射門起動係有狀態。紐奴係54分鐘換入貝積雲嘗試加強攻力，但面對鐵桶防守都起唔到咩作用，更係64分鐘因進攻組織失誤失到第二球。當時靴爾保係中路橫傳俾史基普，俾個波唔係純地波，係史基普面前彈左一下。佢嘗試修正之時，般奴殺出一篤就篤前左個波打反擊。熱刺呢個時候整條防線係拉闊左空間去組織，中間只係得番兩個中堅加埋史基普，並已壓上中場線。C朗同卡雲尼當時係中場中路遮線。卡雲尼見狀即刻向禁區插入；C朗則向右面跑幫般奴拉空。前場形成三打三，般奴停一停交俾後上既C朗。C朗再次用招牌後腳cup番入中路避開史基普，直線湯穿羅美路同迪亞既中間。卡雲尼冇越位下一控輕輕一chip，就射過出迎封位既羅列斯﹐領先到兩球。卡雲尼就顯示到佢跑位既能力，唔駛下下都快既，timing準一樣得。
適時既輪換好緊要，要準備定下一場賽事
紐奴即刻換入尼當比利加強組織力，但熱刺今場既進攻確實係差，換完再換都未能組織到有效攻勢。蘇B係71分鐘㩒制。用福仔入替C朗拿度。見到C朗被換出個樣都唔係話太開心。但已經贏緊兩球，過幾日又要對阿特蘭大﹐保留你既體力避免受傷係必須要做既事。跟住再係76分鐘，用馬迪換入般奴費南迪斯。用意亦同C朗一樣，亦可以利用馬迪既經驗同防守能力進一步保護防線。今場呢個陣式既踢法同人腳配置對般奴既消耗比其他人為大，留力係需要既。最後就係82分鐘用連加特換入跑到抽筋既卡雲尼。踢到86分鐘，福仔係中路直插入對方一對中堅既身後空間，接應馬迪既直線係窄位射成三比零。呢球看似錦上添花，但從戰術角度上，呢套陣式係需要一個福仔或綠木去幫C朗或卡雲尼用速度衝擊對方防線。停波護波可以搵C朗卡叔，要哨要爆要扭就搵福仔綠木。福仔呢下埋門亦抵讚，冷靜盪射尾袋。雖然呢幾場都失機頻頻，但佢既入波都見到佢係埋門處理方面有進步。最後，曼聯以三比零輕取對手熱刺。
總結
確實曼聯係急需以一場不失球去挽回整條防線既信心，出動到七個防守型球員可以理解。呢場亦總算完成任務，仲可以淨勝對手三球。華拉尼既復出至關重要，變陣增加防守球員亦能達到目標，但今場呢套陣容係進攻上確實只能依賴個別巨星既質素。左右翼衛提供既傳中球質素相當有限，中場中Mcfred組合要佢地進攻真係冇眼睇，係後場交波唔斷已經可以還神。三中堅會係短期既藥方，可以解決對強隊時防守不穩既問題。但當你要對弱隊，要你主動進攻既時候，陣式上可以照用，但選人方面就有微調既必要。泰利斯同達洛特有力挑戰翼衛既正選位。轉踢三名平排中場可以試下用連加特，前線可以改用一老(C卡)一少(福綠)組合。陣中兩名問題先生 - 普巴同雲迪碧克，普巴級數係有，位置亦岩踢，究竟同蘇B關係如何亦是個謎；雲迪碧克就可以準備同佢講拜拜，今場都仲話要「守」所以唔出，如下場對阿特蘭大都冇得出，對一隊唔識防守既球隊都冇佢份，就可以唔駛再提佢個名。蘇B今場對熱刺叫做成功過關，亦見到球員落場唔揸流灘同聽指示既，但最大考驗會係後兩場-阿特蘭大同曼城。對曼城相信都會見番今場大部份正選；而對不擅防守既阿特蘭大又睇下你點部署去爭取歐聯出線資格，睇睇會繼續新勝利十一人定係輪換球員去保持一定既狀態同體力打曼城呢隻老虎。
雙方正選陣容
蘇B排出3-4-1-2陣式。龍門迪基亞。三名中堅左至右係麥佳亞、華拉尼、連迪路夫。左右翼衛係梳爾同雲比沙加。一對防中係麥湯文尼同費特。攻擊中場般奴費南迪斯支援70歲前鋒組合「721」C朗拿度拍卡雲尼。紐奴則排出4-2-3-1陣式。龍門羅列斯。防線左至右係賓戴維斯、迪亞、羅美路、艾馬臣。中場一對防中係靴爾保同史基普。兩翼係孫興慜同盧卡斯摩拉。攻擊中場盧斯素支援哈利簡尼。
蘇B：今場有三個目標就係唔失波、唔失波同埋唔失波
蘇B一共排出7名防守型球員，目標非常明確就係呢場波唔可以再失波。輸比李城4:2、贏阿特蘭大3:2、輸比利物浦5:0，三場加埋失左11球波，球員失波失到冇晒信心。要反底首先要由唔失波為前題，建立信心再俾前場放心去進攻。加上今場大將華拉尼復出，多左一個有速度有級數既中堅去包波，絕對提升左整條防線既防守能力。係戰術方面，果斷放棄前場逼搶，只留一對前鋒係中場線附近開始遮線。般奴費南迪斯移後變成右中場，麥湯居中，費特靠左，三名中場平排形成一條線。左右翼衛縮後追截對方一對翼鋒。當對方閘位係中場拎波，曼聯兩邊翼衛會因應情況再防守。如老孫摩拉等翼鋒球員選擇拉邊，雲比沙加同梳爾就唔會推前去防守閘位球員，會交俾中場埋去遮線。如老孫摩拉等翼鋒球員已經內切HALF-SPACE位置，雲比沙加同梳爾則會交佢地俾連迪路夫及麥隊長去防守，自己埋去防守對方閘位球員。整條防線清楚見到大家既工作，甚少見到單人無啦啦走左出去壓迫，而冇隊友係後面作出補位，亦見到整條防線既移動(係整條)。整場數據上，熱刺錄得0次射門中目標，就可以反映到今場曼聯既防守係何其緊密。當然，熱刺都並非全無機會，曼聯係應付死球仍需極大進步，多次被對方成功直接攻門，只係頂唔中目標，亦有一下角球因越位在先先唔駛失波。最危險就係入波前有一下角球被解圍後，摩拉係左路Curve波落小禁區。可惜，老孫係窄位一控一射，射左上觀眾席，否則又要迪基亞係網度執波。曼聯整場賽事防守上都非常集中，亦有賴熱刺攻力不濟，就算換完人都未能製造到具威脅既埋門，終能再次不失球贏波拎三分。
蘇B：唔介意做underdog，先守穩，進攻靠反擊。
慶幸今場曼聯係作客白鹿徑球場，加上紐奴都有下台壓力，逼到熱刺係需要走出黎主動進攻，適合蘇B今場大打underdog足球 - 防反。全場熱刺係有58%控球權，就見到今場蘇B係放棄進攻。加上曼聯縮落中後場防守，亦令熱刺後場出現較多空位去俾曼聯球員以個人能力推進。用到5名後衛，加上Mcfred組合，就想像到曼聯個波係後場會發生咩事，就係進攻完全組織唔到，被人逼搶下就向前搵前點既7+21組合，兩個停到波就等支援再上，停唔到我就又守過先。又或者靠般奴移到後場幫手轉方向，利用兩邊翼衛拉闊係邊路推進。般奴既體力同覆蓋範圍之大，令到曼聯係呢種踢法下都仍能間中有一段時間向到前攻下熱刺。唔知雲迪碧克發生咩事﹐係呢個咁既環境都唔嘗試用下佢。佢既用波能力一定比費特好，有6名防守型球員在場，就算佢亂咁向前後上插入，都大把人幫佢包位，而當你擺到7名防守型球員在場，想入波個難度其實好大，不過你話我守半場先，半場再換都仲可以理解。出動70歲組合亦大大減低反擊既威脅。卡雲尼本身已經唔係快，C朗拿度亦不是18歲果個插花狂扭小子，段段要爆幾廿碼拎到個波再突破唔係易事。兩邊翼衛亦要跟隨防線墮後，反擊要段段衝幾廿碼上黎支援更加係冇可能。般奴防守時要縮後同MCFRED組成中場防線，再跑上去支援，體能消耗極大。所以上半場曼聯想打反擊，但缺少速度型球員就威脅唔到熱刺。呢樣正正係下半場就反映到應該點解決。
陣地戰入波就靠巨星 - C朗拿度
前兩段已經分析左曼聯陣容上令到反擊同控球時面對既問題。想入波就真係只能靠個人質素。踢到39分鐘，曼聯大軍壓境係前場組織攻勢。般奴墮後到對方三閘線較炮。禁區只有C朗拿度同卡雲尼等待。般奴一拎波，C朗就藏身係賓戴維斯身後﹐引導般奴踢過頭斜線等佢係窄位攻門。般奴既質素，係冇乜壓力下成功踢出過頭波並岩岩好過左賓戴維斯頭後，C朗球不著地右腳Ban個波去尾柱，應聲入網。入楔時間，射波既力水線路都係一流，再次展現佢既把握力同級數。經過左一星期既休息，今場波佢既狀態明顯比起一周三賽為佳。始終都36歲，冇可能可以場場踢足仲交到100分既表現，根本係需要選擇性使用。再講，我地仲有卡雲尼呢個頂級射手。
下半場就靠一下反擊打沉熱刺下半場雙方都未有換人，曼聯領先緊一球就繼續防反踢法。唔怕你攻，至怕你唔攻。下半場早段﹐麥湯文尼係中路搶到波後，靈光一閃扭過兩名熱刺球員。 係中路直線湯穿熱刺防線直接俾到C朗。佢一推已經入到禁區再怒射，羅列斯冇反應下被射入，只係呢球越位在先，唔係就領先到兩球啦。呢下見到C朗射門起動係有狀態。紐奴係54分鐘換入貝積雲嘗試加強攻力，但面對鐵桶防守都起唔到咩作用，更係64分鐘因進攻組織失誤失到第二球。當時靴爾保係中路橫傳俾史基普，俾個波唔係純地波，係史基普面前彈左一下。佢嘗試修正之時，般奴殺出一篤就篤前左個波打反擊。熱刺呢個時候整條防線係拉闊左空間去組織，中間只係得番兩個中堅加埋史基普，並已壓上中場線。C朗同卡雲尼當時係中場中路遮線。卡雲尼見狀即刻向禁區插入；C朗則向右面跑幫般奴拉空。前場形成三打三，般奴停一停交俾後上既C朗。C朗再次用招牌後腳cup番入中路避開史基普，直線湯穿羅美路同迪亞既中間。卡雲尼冇越位下一控輕輕一chip，就射過出迎封位既羅列斯﹐領先到兩球。卡雲尼就顯示到佢跑位既能力，唔駛下下都快既，timing準一樣得。
適時既輪換好緊要，要準備定下一場賽事
紐奴即刻換入尼當比利加強組織力，但熱刺今場既進攻確實係差，換完再換都未能組織到有效攻勢。蘇B係71分鐘㩒制。用福仔入替C朗拿度。見到C朗被換出個樣都唔係話太開心。但已經贏緊兩球，過幾日又要對阿特蘭大﹐保留你既體力避免受傷係必須要做既事。跟住再係76分鐘，用馬迪換入般奴費南迪斯。用意亦同C朗一樣，亦可以利用馬迪既經驗同防守能力進一步保護防線。今場呢個陣式既踢法同人腳配置對般奴既消耗比其他人為大，留力係需要既。最後就係82分鐘用連加特換入跑到抽筋既卡雲尼。踢到86分鐘，福仔係中路直插入對方一對中堅既身後空間，接應馬迪既直線係窄位射成三比零。呢球看似錦上添花，但從戰術角度上，呢套陣式係需要一個福仔或綠木去幫C朗或卡雲尼用速度衝擊對方防線。停波護波可以搵C朗卡叔，要哨要爆要扭就搵福仔綠木。福仔呢下埋門亦抵讚，冷靜盪射尾袋。雖然呢幾場都失機頻頻，但佢既入波都見到佢係埋門處理方面有進步。最後，曼聯以三比零輕取對手熱刺。
總結
確實曼聯係急需以一場不失球去挽回整條防線既信心，出動到七個防守型球員可以理解。呢場亦總算完成任務，仲可以淨勝對手三球。華拉尼既復出至關重要，變陣增加防守球員亦能達到目標，但今場呢套陣容係進攻上確實只能依賴個別巨星既質素。左右翼衛提供既傳中球質素相當有限，中場中Mcfred組合要佢地進攻真係冇眼睇，係後場交波唔斷已經可以還神。三中堅會係短期既藥方，可以解決對強隊時防守不穩既問題。但當你要對弱隊，要你主動進攻既時候，陣式上可以照用，但選人方面就有微調既必要。泰利斯同達洛特有力挑戰翼衛既正選位。轉踢三名平排中場可以試下用連加特，前線可以改用一老(C卡)一少(福綠)組合。陣中兩名問題先生 - 普巴同雲迪碧克，普巴級數係有，位置亦岩踢，究竟同蘇B關係如何亦是個謎；雲迪碧克就可以準備同佢講拜拜，今場都仲話要「守」所以唔出，如下場對阿特蘭大都冇得出，對一隊唔識防守既球隊都冇佢份，就可以唔駛再提佢個名。蘇B今場對熱刺叫做成功過關，亦見到球員落場唔揸流灘同聽指示既，但最大考驗會係後兩場-阿特蘭大同曼城。對曼城相信都會見番今場大部份正選；而對不擅防守既阿特蘭大又睇下你點部署去爭取歐聯出線資格，睇睇會繼續新勝利十一人定係輪換球員去保持一定既狀態同體力打曼城呢隻老虎。
請按此登錄後留言。未成為會員? 立即註冊