守門員日常 - Goalie Daily

大家好，我地係守門員日常。 守門員係足球比賽中比較特別嘅存在：唯一一個位置可以手腳並用嘅球員。 通常初學踢波嘅時候都唔會自願做守門員，可能認為呢個位置掂波機會少、只是腳下功夫麻麻地嘅球員先會選擇，一係猜輸包剪揼嘅苦差、再唔係只係覺得肥仔跑唔郁就要去做守龍。 其實守門員都有好多學問：企位、時間判斷、技巧等，唔係純粹反應快、龍門球開得夠遠、或者身位夠大份就可以勝任。 成立守門員日常嘅原因好簡單，作為一個由初學踢波就一心守龍嘅球員，想向大眾介紹更多對香港做守門員有關同有幫助嘅知識同資訊。例如高階手套係唔係一定係最適合喺香港嘅球場使用？香港無外國咁大地方，點先可以好好利用有限空間做一啲基本訓練？邊位職業球員值得各位借鏡？ 其實做一個守門員唔係用黎湊人數，一啲都唔悶之餘，就算業餘都可以踢得好 Pro ！