單刀應對的美學 - 古圖斯 IS BACK

【 單刀應對的美學 - 古圖斯 IS BACK 】
做得差就彈，做得好都要讚下嘅。經常被球迷取笑話佢成日比人通大細嘅皇馬門將古圖斯於西甲新一季開鑼戰雖然只係需要做一次撲救，但已經夠曬關鍵，成功幫皇馬保住和局，同皇家蘇斯達打成 0:0。

當時皇家蘇斯達左路攻勢，伊薩 Alexander Isak 接應直線長驅直進入禁區，單對單面對住古圖斯。古圖斯並無自亂陣腳，首先佢睇清楚個傳球路線向佢右手邊橫移，然後見到伊薩都仲有一段路要追先控制到個波，佢就全速跑出黎封位。當見到伊薩差唔多掂到個波，仲準備拉弓射門，古圖斯就立即停低唔再衝出去並打開個身，儘量封窄伊薩嘅射門角度。最後更加用之前提及嘅五人足球 Futsal 嘅撲救技巧 Split Save，以佢嘅左腳成功擋出伊薩嘅射門。
賽後睇返統計，原來古圖斯對上面對嘅25次中龍射門佢救出咗足足23次，似乎古圖斯終於搵得返佢嘅狀態。今季皇馬嘅龍門有佢坐鎮，再加上皇馬回收咗烏克蘭門將盧寧 Andrey Lunin 推一推古圖斯一把，相信皇馬嘅球迷見到古圖斯唔使再成日心慌慌喇掛？

皇家蘇斯達 對 皇家馬德里 全場精華：
https://www.youtube.com/watch?v=Inm-pRMDD2Y