足球比賽中入波係一件令人振奮既事，每一位球員於可能既情況底下都會想入波去為球隊出一份力。守門員係足球比賽入面最冇可能攻破對方球門既位置，但係唔代表佢地唔想入波，德國傳奇門將簡尼就係一位非常想嘗試於職業生涯中入波滋味既門將，只可惜失敗收場。不過門將為己隊破門得分時有所聞，英超中就有五位門將曾經入過對手波：
1. 保羅羅賓遜
唔少既門將入球都係絕對係無心插柳柳成蔭，保羅羅賓遜都唔例外，當時效力熱刺既佢喺2007年三月對屈福特既一場比賽入面，喺球場左後方開出罰球，或許佢只係想斬個波俾位於對方禁區內既隊友接應，但係屈福特既門將賓科士打卻錯判皮球既去勢，被個波彈一下地後笠入，途程足足有96碼。入波後，熱刺將領先優勢拉開至2-0，最後亦以3-1贏波。
https://youtu.be/wB2Q7aUYdQs
2. 比高域
比高域呢位波斯尼亞國家隊副隊長一直都為史篤城救過唔少險球，甚至以優秀表現贏過波斯尼亞足球先生，原來佢都有為史篤城入過波，仲係世界紀錄保持者。於13年十一月一場史篤城對修咸頓既比賽入面，比高域於開賽後13秒就於小禁區頂接應隊友回傳大腳解圍，點知修咸頓兩個中堅都選擇俾個波落地，以為門將保路錫會接到，最後當然個波落地反彈後笠入保路錫啦。
健力氏世界紀錄官方隨後將呢球91.9米既入球納入紀錄中，比高域之後接受訪問時話：好榮幸破到紀錄，以往冇諗過可以造到咁樣既紀錄，並且會好好享受。
https://youtu.be/jsrVNd0f710
3. 侯活
一隊球隊中，中堅同門將對高波處理既溝通同默契真係好重要，呢次既受害者—保頓既博登已經係第三位被同一招射入既受害者。呢球侯活大腳解圍後，保頓既中堅都以為博登可以接到個波，最後個波都係彈地後笠死企得太出既博登。侯活既呢一球為愛華頓取得領先優勢，只可惜最後保頓成功以1-2反勝。
對於呢位幸運既入球，侯活卻非常同情受害者博登，原因可能係佢年輕時都曾經咁樣俾人笠入：以前侯活為曼聯預備組上陣對韋根時，曾經被對方門將告魯既一球大腳生球彈地笠入，佢話：呢啲波真係好殘酷，成晚後防同龍門就因為風向呢啲因素而唔敢相信個波既去向，我想讓博登知道我明白佢既處境，我好耐之前都試過咁失波，所以我冇乜慶祝。
https://youtu.be/i4SbJpQPA40
4. 費度
講完咁多球大腳笠入既門將入球，有冇啲唔同既入球款式呢？答案當然係有，故事發生喺03-04球季查爾頓主場對布力般流浪既比賽入面，當時流浪落後1-2，費度見剩餘時間唔多，就於己方角球時埋伏於對方禁區打算孤注一擲，點止真係俾佢搏到，費度把握時機響反彈返黎既皮球送入網，為流浪追成2-2。
可惜流浪仍然未能帶走一分，因為查爾頓既贊臣於補時階段再入一球，成功以險勝中止三連敗既頹勢。
https://youtu.be/kGkxvL65Tt4
5. 舒米高
講起入波既守門員，大家都一定會諗起舒米高，佢當然榜上有名啦，仲要係英超史上首名入波既守門員。雖然係咁，佢呢球紀錄式既入波卻未能為球隊取得勝利。2001年，舒米高效力阿士東維拉，喺一場作客愛華頓既比賽入面，佢參與球隊既進攻角球，並且睇準混亂中彈出黎既波，窩利抽射破網，只可惜最後愛華頓都係以3-2報捷。
https://youtu.be/FNHfclJ6rtM
若然你鐘意「隨心寫足球」，不妨讚好本版facebook專頁，本版會為大家繼續送上好文:https://www.facebook.com/footballvoicehk
1. 保羅羅賓遜
唔少既門將入球都係絕對係無心插柳柳成蔭，保羅羅賓遜都唔例外，當時效力熱刺既佢喺2007年三月對屈福特既一場比賽入面，喺球場左後方開出罰球，或許佢只係想斬個波俾位於對方禁區內既隊友接應，但係屈福特既門將賓科士打卻錯判皮球既去勢，被個波彈一下地後笠入，途程足足有96碼。入波後，熱刺將領先優勢拉開至2-0，最後亦以3-1贏波。
https://youtu.be/wB2Q7aUYdQs
2. 比高域
比高域呢位波斯尼亞國家隊副隊長一直都為史篤城救過唔少險球，甚至以優秀表現贏過波斯尼亞足球先生，原來佢都有為史篤城入過波，仲係世界紀錄保持者。於13年十一月一場史篤城對修咸頓既比賽入面，比高域於開賽後13秒就於小禁區頂接應隊友回傳大腳解圍，點知修咸頓兩個中堅都選擇俾個波落地，以為門將保路錫會接到，最後當然個波落地反彈後笠入保路錫啦。
健力氏世界紀錄官方隨後將呢球91.9米既入球納入紀錄中，比高域之後接受訪問時話：好榮幸破到紀錄，以往冇諗過可以造到咁樣既紀錄，並且會好好享受。
https://youtu.be/jsrVNd0f710
3. 侯活
一隊球隊中，中堅同門將對高波處理既溝通同默契真係好重要，呢次既受害者—保頓既博登已經係第三位被同一招射入既受害者。呢球侯活大腳解圍後，保頓既中堅都以為博登可以接到個波，最後個波都係彈地後笠死企得太出既博登。侯活既呢一球為愛華頓取得領先優勢，只可惜最後保頓成功以1-2反勝。
對於呢位幸運既入球，侯活卻非常同情受害者博登，原因可能係佢年輕時都曾經咁樣俾人笠入：以前侯活為曼聯預備組上陣對韋根時，曾經被對方門將告魯既一球大腳生球彈地笠入，佢話：呢啲波真係好殘酷，成晚後防同龍門就因為風向呢啲因素而唔敢相信個波既去向，我想讓博登知道我明白佢既處境，我好耐之前都試過咁失波，所以我冇乜慶祝。
https://youtu.be/i4SbJpQPA40
4. 費度
講完咁多球大腳笠入既門將入球，有冇啲唔同既入球款式呢？答案當然係有，故事發生喺03-04球季查爾頓主場對布力般流浪既比賽入面，當時流浪落後1-2，費度見剩餘時間唔多，就於己方角球時埋伏於對方禁區打算孤注一擲，點止真係俾佢搏到，費度把握時機響反彈返黎既皮球送入網，為流浪追成2-2。
可惜流浪仍然未能帶走一分，因為查爾頓既贊臣於補時階段再入一球，成功以險勝中止三連敗既頹勢。
https://youtu.be/kGkxvL65Tt4
5. 舒米高
講起入波既守門員，大家都一定會諗起舒米高，佢當然榜上有名啦，仲要係英超史上首名入波既守門員。雖然係咁，佢呢球紀錄式既入波卻未能為球隊取得勝利。2001年，舒米高效力阿士東維拉，喺一場作客愛華頓既比賽入面，佢參與球隊既進攻角球，並且睇準混亂中彈出黎既波，窩利抽射破網，只可惜最後愛華頓都係以3-2報捷。
https://youtu.be/FNHfclJ6rtM
若然你鐘意「隨心寫足球」，不妨讚好本版facebook專頁，本版會為大家繼續送上好文:https://www.facebook.com/footballvoicehk
請按此登錄後留言。未成為會員? 立即註冊