14-15球季進入尾聲，各個聯賽既競爭都開始進入直路，來季歐聯名單同降班名單亦開始有啲眉目。而各個於上年夏季或今年冬季轉會既球員們亦陸陸續續適應左新球會，為新球隊全力以赴，並且享受一下新既環境。但係並唔係個個球員都咁順利，有啲優質球員今季轉會後卻未能於新球會打出名堂，甚至苦無上陣機會。我地黎睇睇今季最差轉會十一人(主要會提及英超球員)：
開始之先，先打出榮譽球員榜，佢地理論上應該上榜，但因為筆者希望砌一個陣容出黎，而逼使佢地名落孫山，名單包括：奧曹亞(馬拉加)、華美倫(巴塞)、維迪(國際米蘭)、洛夫雲(利物浦)、禾姆(熱刺)、恩莫比利(多蒙特)等。
守門員：卡巴尼路
曼城領隊柏歷連尼上季季中試過雪藏祖赫特，因為後者既狀態唔好，今年柏歷連尼從舊會馬拉加搵黎卡巴尼路，希望可以造成門將位置上既良性競爭。不過工程師既如意算盤未能打響，因為卡巴尼路今季表現不復當年勇，佢首場比賽係對阿仙奴既社區盾賽事，該場佢已經失左三球。卡巴尼路今季正選上陣過兩場英超，儘管兩場都贏，但兩場佢都各被射穿兩次。稍後佢迎黎今季最後一場正選比賽，結果佢犯下一球失誤讓米社士堡於足總盃爆冷擊敗曼城。
右閘：沙格拿
當曼城上季免費簽入沙格拿既時候，大家都覺得呢單係一單雙贏既轉會：沙格拿可以增加自己拎英超既機會，而曼城誇可不花一毫咁提升後防實力。不過現實結果係雙輸：今季沙格拿合共只上陣十一場比賽，佢既表現並未比薩巴列達要好，令曼城有簽入冗員之感；而曼城於歐聯出局之後，亦同英超冠軍越行越遠，似乎沙格拿既願望今季並未能成真。
中堅：里奧費迪南
有時一位足球員要知道幾時應該要急流勇退，似乎里奧費迪南錯過左正確時機。里奧費迪南曾經係世界最佳中堅之一，同曼聯出生入死多年既佢與曼聯贏得唔少冠軍。上年夏天佢被曼聯放棄，繼而轉往升班馬昆士柏流浪，但明顯睇到佢已經踢唔番當年既水準。QPR領隊哈利列納甚至將里奧費迪南趕上後備席，使里奧費迪南今屆只踢過九場英超。
中堅：文加拉
今季文加拉由波圖轉會至曼城時，唔少人都覺得文加拉可以解決曼城中堅位置弱點既問題。於文加拉首戰對車路士時，佢既表現的確唔錯，可以制衡到迪亞高哥斯達。不過隨住賽季既進行，文加拉開始出現不適應既癥狀，而佢本人都承認英超比佢想象中困難。曼執主帥柏歷堅尼最後都係對文加拉冇信心，選擇以迪米捷利斯同甘賓尼鎮守中路。最令曼城心痛既係：當初被文加拉逼入冷宮既拿斯遠錫，轉投史浩克04後竟然踢得唔錯。
左閘：賓戴維斯
眾所周知某部份既熱刺球迷並唔太滿意左閘丹尼路斯，因為佢既位置感比較差，成日上左去又落唔番黎，所以今季熱刺由史雲斯引入賓戴維斯時，球迷們都表示歡迎。不過賓戴維斯加盟後一直被限制於在盃賽上陣，此舉無疑令佢信心下降，而佢既表現亦未比丹尼路斯好。最近賓戴維斯於對QPR既比賽中得到正選上陣既機會，但佢踢得唔好，傳球準繩度只得66%，仲要冇成功攔截、冇截斷傳球，冇試過頂贏。
中場中：史譚保利
史譚保利從蒙彼利埃轉投熱刺時，球迷們期望佢可以間中以正選姿勢上陣，不過而家願望落空左。佢同賓戴維斯一樣，主要都係喺盃賽中上陣，佢直至現在只係出戰過六場英超。史譚保利苦無上陣機會既原因係隊中競爭太大，中場中位置仲有美臣，賓特納同保連奴等人排喺佢前面。史譚保利只得24歲，仲有時間等待機會，但絕對唔會係今季。
中場中：馬維拿
馬維拿以往喺雷恩既時候曾經同阿仙奴扯上關係，當時傳媒吹到佢係新馬基列尼咁。最後馬維拿因為金錢因素轉往俄超既魯賓卡山，並於上年夏天外借轉往國際米蘭。正當大家都以為馬維拿既生涯能夠重上正軌時，馬維拿卻仍然掙扎緊。佢為國際米蘭正選上陣過三場比賽，全部結果都係贏唔到，而最後領隊馬沙利被炒後，佢亦被送返魯賓卡山。
右中場：施斯
13-14球季對施斯黎講絕對係一個豐收既球季，呢位意大利人為拖連奴於意甲射入13球同交出10球助攻，成為助攻王。最後馬體會被佢既精彩表現吸引到，於上年夏天引入左佢。今季佢被寥寥可數既上陣機會限制左發揮機會，只得九次上陣機會既佢仲喺其中一場比賽中被趕出場。馬體會於今年冬天時以施斯換入費蘭度托利斯，施斯加盟AC米蘭後非常雀躍，起碼可以得到更多上陣機會。可惜，佢去到AC米蘭後都係搵唔到狀態，仲要被領隊恩沙基棄用。
左中場：賓艾化
賓艾化係法國既87四大金童之一，同為87四大金童既賓斯馬同拿斯利出國後都各自贏過聯賽冠軍，而文尼斯今季於AC米蘭表現亦穩步上揚，但賓艾化卻仍然俾人有一種一事無成既感覺。
以往賓艾化效力紐卡素時就因傷患加態度問題被領隊柏祖雪藏。今季賓艾化外借轉會至侯城，不過佢既態度問題由令佢惹上麻煩：佢於未通知領隊既情況下擅自離開英格蘭，侯城隨即中斷佢既外借合約，雪上加霜既係，紐卡素亦宣佈同賓艾化終止僱傭關係。後來佢重返法甲加盟尼斯，但國際足協話佢一季唔可以為三間球會上陣而唔批准佢上陣比賽，最後尼斯亦放棄埋賓艾化。
前鋒：巴路迪利
巴路迪利既高深無人能測，佢隨時可以交出令人驚喜既表現，但遺憾既係佢今季狀態持續地低迷。雖然今季佢入親既都係重要入球，但佢其實只喺各項比賽中射入三球，對於一個前鋒黎講絕對唔合格。巴路迪利未能融入利物浦既進攻體系係一大致命傷，佢唔係無試過努力去嘗試表現得更多，但只能講佢唔利物浦根本唔夾。
前鋒：法卡奧
法卡奧今季令人大失所望既表現，又係重覆過無限次。今季法卡奧不論正選後備，總共為曼聯踢過19場英超，但佢只係射入過可憐既四球。雲高爾仲曾經放過法卡奧落U21比賽，等佢搵到自己既狀態，可見法卡奧絕對踢唔番早兩三年既高峰演出。
好文推介:五球精彩既No look pass
若然你鐘意「隨心寫足球」，不妨讚好本版facebook專頁，本版會為大家繼續送上好文:https://www.facebook.com/footballvoicehk
原文,經編輯
開始之先，先打出榮譽球員榜，佢地理論上應該上榜，但因為筆者希望砌一個陣容出黎，而逼使佢地名落孫山，名單包括：奧曹亞(馬拉加)、華美倫(巴塞)、維迪(國際米蘭)、洛夫雲(利物浦)、禾姆(熱刺)、恩莫比利(多蒙特)等。
守門員：卡巴尼路
曼城領隊柏歷連尼上季季中試過雪藏祖赫特，因為後者既狀態唔好，今年柏歷連尼從舊會馬拉加搵黎卡巴尼路，希望可以造成門將位置上既良性競爭。不過工程師既如意算盤未能打響，因為卡巴尼路今季表現不復當年勇，佢首場比賽係對阿仙奴既社區盾賽事，該場佢已經失左三球。卡巴尼路今季正選上陣過兩場英超，儘管兩場都贏，但兩場佢都各被射穿兩次。稍後佢迎黎今季最後一場正選比賽，結果佢犯下一球失誤讓米社士堡於足總盃爆冷擊敗曼城。
右閘：沙格拿
當曼城上季免費簽入沙格拿既時候，大家都覺得呢單係一單雙贏既轉會：沙格拿可以增加自己拎英超既機會，而曼城誇可不花一毫咁提升後防實力。不過現實結果係雙輸：今季沙格拿合共只上陣十一場比賽，佢既表現並未比薩巴列達要好，令曼城有簽入冗員之感；而曼城於歐聯出局之後，亦同英超冠軍越行越遠，似乎沙格拿既願望今季並未能成真。
中堅：里奧費迪南
有時一位足球員要知道幾時應該要急流勇退，似乎里奧費迪南錯過左正確時機。里奧費迪南曾經係世界最佳中堅之一，同曼聯出生入死多年既佢與曼聯贏得唔少冠軍。上年夏天佢被曼聯放棄，繼而轉往升班馬昆士柏流浪，但明顯睇到佢已經踢唔番當年既水準。QPR領隊哈利列納甚至將里奧費迪南趕上後備席，使里奧費迪南今屆只踢過九場英超。
中堅：文加拉
今季文加拉由波圖轉會至曼城時，唔少人都覺得文加拉可以解決曼城中堅位置弱點既問題。於文加拉首戰對車路士時，佢既表現的確唔錯，可以制衡到迪亞高哥斯達。不過隨住賽季既進行，文加拉開始出現不適應既癥狀，而佢本人都承認英超比佢想象中困難。曼執主帥柏歷堅尼最後都係對文加拉冇信心，選擇以迪米捷利斯同甘賓尼鎮守中路。最令曼城心痛既係：當初被文加拉逼入冷宮既拿斯遠錫，轉投史浩克04後竟然踢得唔錯。
左閘：賓戴維斯
眾所周知某部份既熱刺球迷並唔太滿意左閘丹尼路斯，因為佢既位置感比較差，成日上左去又落唔番黎，所以今季熱刺由史雲斯引入賓戴維斯時，球迷們都表示歡迎。不過賓戴維斯加盟後一直被限制於在盃賽上陣，此舉無疑令佢信心下降，而佢既表現亦未比丹尼路斯好。最近賓戴維斯於對QPR既比賽中得到正選上陣既機會，但佢踢得唔好，傳球準繩度只得66%，仲要冇成功攔截、冇截斷傳球，冇試過頂贏。
中場中：史譚保利
史譚保利從蒙彼利埃轉投熱刺時，球迷們期望佢可以間中以正選姿勢上陣，不過而家願望落空左。佢同賓戴維斯一樣，主要都係喺盃賽中上陣，佢直至現在只係出戰過六場英超。史譚保利苦無上陣機會既原因係隊中競爭太大，中場中位置仲有美臣，賓特納同保連奴等人排喺佢前面。史譚保利只得24歲，仲有時間等待機會，但絕對唔會係今季。
中場中：馬維拿
馬維拿以往喺雷恩既時候曾經同阿仙奴扯上關係，當時傳媒吹到佢係新馬基列尼咁。最後馬維拿因為金錢因素轉往俄超既魯賓卡山，並於上年夏天外借轉往國際米蘭。正當大家都以為馬維拿既生涯能夠重上正軌時，馬維拿卻仍然掙扎緊。佢為國際米蘭正選上陣過三場比賽，全部結果都係贏唔到，而最後領隊馬沙利被炒後，佢亦被送返魯賓卡山。
右中場：施斯
13-14球季對施斯黎講絕對係一個豐收既球季，呢位意大利人為拖連奴於意甲射入13球同交出10球助攻，成為助攻王。最後馬體會被佢既精彩表現吸引到，於上年夏天引入左佢。今季佢被寥寥可數既上陣機會限制左發揮機會，只得九次上陣機會既佢仲喺其中一場比賽中被趕出場。馬體會於今年冬天時以施斯換入費蘭度托利斯，施斯加盟AC米蘭後非常雀躍，起碼可以得到更多上陣機會。可惜，佢去到AC米蘭後都係搵唔到狀態，仲要被領隊恩沙基棄用。
左中場：賓艾化
賓艾化係法國既87四大金童之一，同為87四大金童既賓斯馬同拿斯利出國後都各自贏過聯賽冠軍，而文尼斯今季於AC米蘭表現亦穩步上揚，但賓艾化卻仍然俾人有一種一事無成既感覺。
以往賓艾化效力紐卡素時就因傷患加態度問題被領隊柏祖雪藏。今季賓艾化外借轉會至侯城，不過佢既態度問題由令佢惹上麻煩：佢於未通知領隊既情況下擅自離開英格蘭，侯城隨即中斷佢既外借合約，雪上加霜既係，紐卡素亦宣佈同賓艾化終止僱傭關係。後來佢重返法甲加盟尼斯，但國際足協話佢一季唔可以為三間球會上陣而唔批准佢上陣比賽，最後尼斯亦放棄埋賓艾化。
前鋒：巴路迪利
巴路迪利既高深無人能測，佢隨時可以交出令人驚喜既表現，但遺憾既係佢今季狀態持續地低迷。雖然今季佢入親既都係重要入球，但佢其實只喺各項比賽中射入三球，對於一個前鋒黎講絕對唔合格。巴路迪利未能融入利物浦既進攻體系係一大致命傷，佢唔係無試過努力去嘗試表現得更多，但只能講佢唔利物浦根本唔夾。
前鋒：法卡奧
法卡奧今季令人大失所望既表現，又係重覆過無限次。今季法卡奧不論正選後備，總共為曼聯踢過19場英超，但佢只係射入過可憐既四球。雲高爾仲曾經放過法卡奧落U21比賽，等佢搵到自己既狀態，可見法卡奧絕對踢唔番早兩三年既高峰演出。
好文推介:五球精彩既No look pass
若然你鐘意「隨心寫足球」，不妨讚好本版facebook專頁，本版會為大家繼續送上好文:https://www.facebook.com/footballvoicehk
原文,經編輯
請按此登錄後留言。未成為會員? 立即註冊