普利斯正式上任為西布朗教頭

隨心寫足球 於 02/01/2015 發表 收藏文章
普利斯正式上任為西布朗教頭,取代於2014年12月29日被辭退既阿倫艾雲。西布朗響Twitter公佈左呢個消息。
loading

阿倫艾雲領軍下既西布朗表現未如理想,(一月一日賽前)近九場輸左七場,只排第十六,距離降班區域只有一分。炒左阿倫艾雲之後,西布朗即刻物色唔同既領隊去取替空缺。普利斯同前熱刺領隊舒活係大熱人選,而最後普利斯最後贏得個教席。
(阿倫艾雲)


普利斯響今個賽季開季前離開左水晶宮,因為佢響轉會策略上同球會方針有不合既地方,普利斯個人就想有多少少選擇球員既權力,而且佢唔太滿意14年暑假球會引入得唔夠高質素球員。而上年普利斯手下水晶宮既情況同而家既西布朗差唔多,但佢將水晶宮帶離降班區並且以第十一名衝線,最後佢贏得英超賽季最佳領隊,離職後失業至今。
(普利斯)

其實西布朗搵普利斯都算正路,一黎而家如前英格蘭國腳奧雲所講出名既教頭選擇唔多,二黎普利斯上年帶水晶宮護級成功,令人對佢有信心。希望西布朗響普利斯帶領下成績同表現會有改善啦。
loading



除左西布朗之外,水晶宮都需要搵過個領隊,相傳佢地想搵紐卡素教頭柏度取代被辭退既教頭禾諾克。

,內容經過編輯

若你喜歡「隨心寫足球」,請多多支持。
標籤: 西布朗  

留言


請按此登錄後留言。未成為會員? 立即註冊
    快捷鍵:←
    快捷鍵:→