5間應該響冬季簽入迪科爾既球會

隨心寫足球 於 04/01/2015 發表 收藏文章
據消息現時效力MLS球隊FC多倫多既迪科爾一直都好想響今個冬季轉會窗返黎英超踢波,而FC多倫多主席Tim Lieweke九月時講過:「如果佢唔係全心投入響MLS既世界,我地唔會留佢。」所以迪科爾都有可能會響今個一月重返英超,但係究竟邊間英超球會應該簽入呢位32歲前鋒呢?

李斯特城
第一個可能性一定係李斯特城,因為據《Guardian》所講,李斯特城已經傾緊簽入迪科爾。李斯特城今年既入球能力一般,雖然新射手荷西烏路亞開季時有唔錯演出,但而家已經表現回落,《Guardian》話李斯特城希望響400場英超射入135球既迪科爾可以分擔入球重擔,幫助球隊脫離降班危機。
荷西烏路亞

昆士柏流浪(QPR)
《Guardian》既報告亦有講到李斯特城係簽入迪科爾既大熱,成功既可能性比QPR嚟得要高。不過,交易始終未完成,而QPR教頭哈利列納亦有豐富響冬季買人既經驗,話唔定佢可以成功搶到迪科爾。QPR前鋒查理柯士甸今季響英超有好表現,18場入左12球,但係QPR陣中冇邊位球員可以為呢位25歲前鋒作掩護,而且QPR陣中入波第二多既森莫拉入波只有一球,可以睇得出QPR買入多一個有信心保證前鋒既重要性。哈利列納以往帶過熱刺同英格蘭,相信佢一定可以好好使用迪科爾,令迪科爾再次展現危險性,以及讓QPR護級成功。
查理柯士甸,森莫拉

侯城
另一隊要加強攻力既球隊係侯城,據《BBC Sport》透露侯城主帥布魯士確認左佢對迪科爾有興趣。佢話:「如果你問任何一隊下游球員對迪科爾有冇興趣,答案一定係有,但係我地有冇財力去簽佢係另一個問題。」《鏡報》話迪科爾而家響FC多倫多既周薪係九萬鎊,呢個數字對侯城黎講一定係個大壓力。」不過《BBC Sport》講到如果侯城中將賓艾化既租借合約中止,佢地可能會有空間去簽入迪科爾,反正賓艾化都融入唔到侯城。簽入迪科爾既話,侯城可能可以彌補到上年夏季放走射手沙恩朗治既損失。
賓艾化

西布朗
2015年西布朗正式由普利斯領軍,新官上任三把火,改革一番西布朗似乎係在所難免,《Guardian》報道西布朗可能會放走射手比拉希奴,因為比拉希奴帶畀西布朗既麻煩仲多過益處。不過比拉希奴係球隊首席射手,賣走左佢代價好大,西布朗需要買入番一件有入球保證既替代品。如果西布朗簽入迪科爾,就可以解決到呢個問題啦。
請睇:普利斯正式上任為西布朗教頭

比拉希奴

利物浦
利物浦係一個令人意想不到既潛在買家,據《The Telegraph》報道:利物浦正在打聽緊簽入迪科爾既可能性。利物浦其實就冇咩可能用長約簽迪科爾架喇,不過教頭羅渣士可能會短約方式簽入迪科爾做救命草。今季蘇亞雷斯轉投巴塞,史度歷治又傷,新簽入既巴洛迪利又踢得唔好,迪科爾可以做奇兵去為利物浦前鋒線上加添實力。講係咁講,利物浦簽迪科爾既機會其實唔高,佢只會係羅渣士既最後選擇。
史度列治,巴洛迪利

若你鐘意「隨心寫足球」,請like以下專頁:https://www.facebook.com/footballvoicehk

參考,內容經過編輯
標籤: 英超  迪科爾  利物浦  

留言


請按此登錄後留言。未成為會員? 立即註冊
    快捷鍵:←
    快捷鍵:→