英超經理人一年狂賺1.15億，藍軍支付1678萬居榜首 精選 推薦

英媒統計過去兩個轉會窗口英超球會所比嘅經紀人費用高達1.15億鎊，車路士一間就用左1677.7萬，高居第一，今夏用1.2億買人嘅利物浦就比左1430.8萬，排名第2 ，即使係最精打細算嘅升班馬般尼，都比左71.1萬。
上年10月到今年9月，英超列強係轉會市場上瘋狂用錢，經紀人費用自然水漲船高。車路士期間耗巨資簽左馬迪、法比加斯同迪亞高哥斯達等強援，所以要比1677.7萬經紀費，高居榜首，但藍軍高價出售馬達、大衛雷斯同盧卡古等人，更有盈利進賬。
利物浦夏天出售蘇亞雷斯後，豪擲1.2億簽下拉蘭拿、巴洛迪尼同洛夫雲等，佢地俾左1430.8萬經紀費。由於一啲球員嘅轉會設計第三方所有權，例如利物浦嘅拉沙馬高域，紅軍只可以用錢搞掂。曼城遇到左同樣嘅問題，佢地為文加拉俾左3200萬鎊轉會費，仲有第三方公司嘅800萬鎊，咁樣佢嘅身價高達4000萬，而曼城過去兩個轉會窗一共要俾1281.2萬鎊經紀費。
文加拉嘅經紀人係超級大鱷文迪斯，佢係經紀人中嘅王牌，旗下球員身價超過10億英鎊，有一段時間仲有超過1億鎊嘅佣金。今個夏天英超嘅多宗轉會都由佢操刀，除左文加拉，仲有曼聯嘅迪馬利亞同法卡奧，係英超佢仲擁有摩連奴同迪基亞等大牌客戶。
2009-2010賽季開始，英超為左經營透明化，開始公佈經紀人費用，呢次公佈嘅數據仲包括球會代表球員所俾嘅費用，令外界對經紀人係轉會中嘅作用有左更深刻嘅了解。熱刺就係今次個榜上排第4，總共支付左1098.3萬，而曼聯就係今夏英超第1燒錢大戶，冬天高價買左馬達，佢地支付嘅經紀費為797.6萬，排名第5。