車路士接近以2200萬簽下利華古遜天才！ 精選

英超今季已經進入尾聲，各大豪門已經開始準備夏季轉會計劃。《衛報》就披露，車路士已經準備再次向利華古遜天才球員舒爾尼發動追求，希望能夠係賽季尾簽下呢名年輕既攻擊球員。
其實係上年夏天，車路士就已經報價求購舒爾尼，但係1600萬鎊既報價遭到左利華古遜既拒絕。呢名德國年輕前鋒高大力壯，勤懇全面，能夠踢中路都能夠踢邊路，係上季既歐聯入面俾車路士留低左好深刻既印象，《郵報》曾經披露，舒爾尼自己好想黎英超發展，但係佢同利華古遜既合同2016年先到期，而且利華古遜體育經理上​​次話：“轉會傳聞可以終止啦，我已經話左俾舒爾尼聽。”
但係隨住車路士年輕化計劃不斷咁深入，舒爾尼仍然係車路士唔肯放棄既目標。《衛報》披露，車路士會係今個星期入面重啟同利華古遜既談判，並且已經為舒爾尼準備左一份5年既合同，而且仲會用現金直接支付所有轉會費俾利華古遜。但係同時都指出，雖然利華古遜都對車路士目前租借俾雲達不萊梅既比利時邊鋒迪布尼好有興趣，但係車路士非常器重呢名小將，唔會答應將佢賣走，雖然佢本人下季更加願意留係德甲。
《衛報》都指出，除左舒爾尼之外，車路士仲會係今年夏天收購一名正宗既邊鋒、一個後備門將同一個中場中路球員，傳聞馬體會既法卡奧都係藍軍既考察目標。有趣既係，呢啲轉會計劃都係車路士高層制定既，因為宜家車路士仍然無確定新主帥，現任臨時主帥賓尼迪斯只係負責帶完今季，並且要車路士確保一個歐聯席位。