拜仁今夏加入迪比爭奪戰,荷甲金靴或接替列貝利

足球轉會消息 於 03/05/2015 發表 收藏文章
拜仁早前係歐聯八強上演大屠殺,主場6:1大勝波圖,成功翻盤晉級歐聯四強。但近期拜仁都暴露出進攻中場嘅一啲弱點,尤其是列貝利同洛賓呢兩大翼鋒同時受傷後,拜仁嘅邊線進攻遇到好大問題,咁都令球會高層開始考慮為兩人尋找接班人。
而《體育圖片報》援引荷蘭《燕豪芬日報》嘅報道稱,目前拜仁已經睇中左荷蘭年輕國腳迪比,並且有意係今夏求購。1994年出生嘅迪比係燕豪芬培養出嘅一名優秀翼鋒,係上年夏天嘅世界杯上佢就大放異彩並且攻入兩球,而今季係荷甲迪比更係不可阻擋,佢幫助燕豪芬提前三輪奪得今季嘅荷甲聯賽冠軍,自己都係荷甲以21球高居射手榜首位,此外係歐霸仲有6個入球。
呢位21歲嘅翼鋒如今已經成為歐洲轉會市場上炙手可熱嘅人物,除左拜仁之外,包括曼聯、皇馬、利物浦、PSG、熱刺在內嘅多間豪門都同佢傳出左緋聞。而燕豪芬都明白無辦法繼續留住呢位新星,不過球會高管表示,「上年夏天熱刺曾經為迪比開價2000萬歐元,但我們決定留低佢。但今季結束後球員有權選擇去留。」目前迪比同燕豪芬嘅合同係2018年到期。
顯然,目前迪比嘅身價已經遠高於2000萬歐元,而《每日郵報》此前報道稱,曼聯主帥雲高爾非常欣賞自己曾經係荷蘭國家隊執教過的嘅迪比,並且準備係今夏開價2500萬英鎊(約合3500萬歐元)求購。而拜仁如果想說服燕豪芬放人,恐怕價格都唔會低。不過相比拜仁另一位緋聞對象迪布尼4500萬英鎊嘅定價,可以話迪比已經係物美價廉嘅選擇。

留言


請按此登錄後留言。未成為會員? 立即註冊
  • kinfung 於 03/05/2015 評論 NO. 1

    拜狗一定系要迪布尼,有德甲勁人一定買,要整弱其他德甲隊嘛

  • WingHang 於 04/05/2015 評論 NO. 2

    曼聯留下11號球衣迪比穿著

快捷鍵:←
快捷鍵:→