「西甲的“金童收留所”—皇家蘇斯達」

足球一家人 於 19/12/2019 發表 收藏文章
最近皇家蘇斯達喺西甲聯賽主場迎戰領頭羊巴塞羅納,蘇斯達以2-2比分成功從巴塞身上攞下一分。比賽中蘇斯達甚至一度領先,巴塞憑著Griezmann同Suarez入球反超,不過蘇斯達最後成功打入扳平球並守著比賽。當小編仔細睇蘇斯達球隊名單,小編發現其實蘇斯達隊中有多名昔日被冠為講“金童”嘅球員,甚至一些現在都可以話係好有潛質嘅球員。MLS就被譽為足球界嘅“養老院”,唔通蘇斯達會成為“金童收留所”?
1. Adnan Januzaj
相信球迷對呢名球員一啲都唔陌生!紅魔迷如果仲記得,當時呢位比利時小將係喺David Moyes手下崛起的新星。Januzaj喺佢為曼聯首發的首場比賽就打入兩球,一手帶領曼聯反勝當時仲係英超嘅新特蘭。14/15賽季喺荷蘭籍領隊van Gaal時代,Januzaj更曾經披上11號球衣。11號正是剛退役嘅Giggs嘅號碼!不過呢位小將並未完全發揮佢的潛質,佢一度被租借到多蒙特但表現不佳。隨後又租借加盟新特蘭,再次同恩師Moyes合作。無奈最後Januzaj依然未能達到代表曼聯一線球嘅實力,最後Mourinho將佢轉會到蘇斯達。Januzaj已經為蘇斯達出場69次但只有6入球13助攻嘅成績,對巴塞佢亦只係替補上場。Januzaj只不過24歲,若好好把握機會依然仲有機會打出真水平。
2. Martin Odegaard
挪威人15歲時就喺足球界引起關注,當時所有人都覺得呢位小子非常有潛質。毫無意外當時好多歐洲大球會都有爭取簽下佢,最後喺2015年1月佢16歲加盟皇馬。皇馬喺佢嘅發佈會上表示Odegaard會同一線隊一起訓練,好明顯皇馬簽下佢喺打算儘快將佢納入一線隊,可能皇馬想挖掘自己嘅美斯!加盟嘅初季挪威人好多時候只能代表B隊出戰,一直到該賽季最後一場比賽先替補出場,喺一線隊完成處子秀。Odegaard之後一直只喺B隊出戰,2016年11月佢先喺一線隊首次首發。17/18賽季,Odegaard開始經歷不斷被外租嘅時段。先喺到荷甲球隊SC Heerenveen,18/19賽季到荷甲球隊維迪斯(Vitesse),今季則租借加盟蘇斯達。Odegaard可以話喺蘇斯達取得了突破,今季喺西甲15場有3入球4助攻嘅成績,更獲得今年9月西甲最佳球員。Odegaard已經逐漸證明自己有能力代表皇馬出場,下一季回歸後就睇Zidane有咩計畫啦!
3. Alexander Isak
瑞典人Isak喺17歲就加盟德甲球隊多蒙特。至今佢依然係瑞典國家隊最年輕入球者,好多人亦將佢同瑞典傳奇前鋒伊巴比較。據悉當時佢係拒絕咗皇馬先加盟多蒙特,可見佢嘅潛質成功引起大球會嘅注意。無奈Isak喺多蒙特鮮少出場,只曾經5次出場並無入球紀錄。今季夏窗,佢轉會到蘇斯達並喺第一場熱身賽中就打入一球!Isak今年得20歲,加盟蘇斯達成功為佢帶嚟更多出場機會。Isak目前都有參與蘇斯達所有嘅比賽並有打入3球,相信喺獲得更多出場機會之下佢可以好好發揮。
4. Mike Oyarzabal
Oyarzabal出自於蘇斯達青訓,2015年完成一線隊處子秀。Oyarzabal今年得22歲,不過已經為蘇斯達出場多達168次並有44入球27助攻的亮眼成績。Oyarzabal能夠司職左右邊翼,亦可以打十號角色。上場聯賽對巴薩,佢就打入十二碼讓蘇斯達一度領先! Oyarzabal喺19歲時完成國家隊處子秀,目前為西班牙出場7次並收穫2球1助攻。佢唔單止球技好,年紀輕輕嘅佢都有出色嘅領導能力,依家喺蘇斯達嘅副隊長。Oyarzabal無疑係蘇斯達嘅核心球員,以佢嘅能力相信好快會得到加盟歐洲大球會嘅機會。
皇家蘇斯達隊中仲有好幾名唔錯嘅球員,比如話曾經效力多蒙特的23歲中場球員Mikel Merino,出自皇馬青訓26歲西班牙中堅Diego Llorente,仲有同樣出自皇馬青訓嘅Asier Illaramendi更加係蘇斯達隊長!蘇斯達今季喺西甲表現相當唔錯,目前排名第六,同第四嘅加泰(Getafe)只有兩分之差。蘇斯達隊史上只有四次晉級歐聯的紀錄,今季喺眾多昔日同現日金童的護持下是否能再次回到歐聯呢?


本專欄是由兩名來自馬來西亞的學生開設,如果喜歡歡迎追蹤專欄或FB專頁 足球一家人
https://www.facebook.com/FootballFamily627/

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→