「足球處處有溫情 Selhurst Park不為人知的一面」

足球一家人 於 11/12/2019 發表 收藏文章
講起水晶宮你可能會諗到佢哋嘅球星Zaha,又或者你會諗起上季Townsend對曼城打入的世界波。如果講到水晶宮主場Selhurst Park,你又會諗到咩?Selhurst Park係英格蘭唯一一個擁有啦啦隊嘅球場,如果你有仔細留意,水晶宮每場主場比賽球員走出時都會有啦啦隊列隊歡迎。除此之外,每次開賽前Kayla都會繞Selhurst Park一圈。邊果係Kayla?Kayla係只老鷹,而且仲係水晶宮的吉祥物!這些或許就係Selhurst Park的特色,不過今年Selhurst Park唔再單單係個球場咁簡單。
自今年一月開始,Selhurst Park亦扮演著露宿者收留所。呢項計畫係由水晶宮同該城市市鎮廳聯手進行嘅,目的為喺極端氣候時提供露宿者一個溫暖的地方留宿。Selhurst Park中嘅休息室會作為露宿者留宿的空間,一晚甚至可以收留多達十位露宿者。自開辦至今,Selhurst Park收留所喺九次唔同嘅情況下啟用。球會志工會係傍晚五點半開始設立床,而收留所會係七點開放俾露宿者進入。每日都會有至少兩位志工留低陪伴露宿者。
水晶宮不單止提供留宿嘅空間,更為露宿者溫飽肚子。水晶宮會為露宿者提供晚餐同早餐,露宿者亦能趁機會喺Selhurst Park洗刷,畢竟平時留宿街頭的時候都冇咁嘅機會。截至今年二月,水晶宮一共提供了24個保暖帽,30對手套,78條巧克力棒同大量的水果。水晶宮亦會嘗試幫助露宿者搵到工作,協助佢哋拜託留宿街頭嘅日子。據說水晶宮已經成功幫助兩位露宿者搵到工作!
loading

隨著冬季即將來臨,水晶宮已經官方宣布會再次開放休息室讓露宿者留宿。針對此事,領隊Hodgson為球隊感動驕傲。Hodgson話到:“當球會能夠回饋社會係一件讓我驕傲嘅事。能夠喺咁冷嘅天氣為露宿者帶來溫暖值得讚讚。我對水晶宮那些幫助佢哋嘅員工感動欽佩,市鎮廳咁注重露宿者問題亦非常值得讚賞!”。
依家你是否諗咁,“如果水晶宮需要比賽,咁點算啊?”。只要當天有比賽,留宿Selhurst Park嘅露宿者會被安排到其他收留所。因此,露宿者同球會都唔會受影響。其實近幾年英格蘭開始出現貧富懸殊問題,露宿者人數大增。水晶宮雖然已經喺英超呆咗好幾年,不過依然冇忘了根。喺寒冷的冬天,水晶宮唔止溫暖了露宿者的身體,更溫暖了市民的心!


本專欄是由兩名來自馬來西亞的學生開設,如果喜歡歡迎追蹤專欄或FB專頁 足球一家人
https://www.facebook.com/FootballFamily627/

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→