施治世紀 Pat Pat 關鍵撲救！十二碼大戰全部撲中方向成車路士奪冠英雄

歐聯決賽車路士能夠擊敗拜仁，最關鍵可以話係門神施治，全場比賽神勇嘅捷克人一共有3次關鍵撲救，先係加時賽撲到洛賓嘅十二碼，去到互射十二碼嘅時候又撲出奧歷同小豬嘅施射，4年前歐聯決賽嘅十二碼噩夢擊不垮施治！

http://www.youtube.com/watch?v=c3umtVJM0H0
話說加時賽第5分鐘，入球功臣杜奧巴响禁區內犯規，拜仁獲得十二碼，由洛賓主射。施治撲中方向，雖然只係謹謹用個Pat Pat擋住個波，但係佢之後即刻話咁快起身抱住個波，呢點值得一讚，因為呢個時候准備補射嘅洛賓已經殺到埋身，唔係施治動作神速，俾洛賓補射空門就真係蝕哂！

施治：學野喇！做龍門身體嘅任何一部份都要好好利用架！

事實證明呢次世紀撲救成為比賽嘅轉折點，逃過一劫嘅車路士最終將比賽拖入了十二碼大戰，而在首先出場嘅馬達射失後，藍軍又陷入被動嘅局面，就响呢個時候施治再次以神嘅姿態企出黎！奧歷第4個出場，其實佢都射得唔錯，可惜佢面對嘅係狀態爆棚的施治...

隨後出場的小豬亦被施治掂到個波然後中柱彈出，車路士就此逆轉局勢，第5個出場嘅杜奧巴射入鎖定冠軍！


十二碼大戰片段
http://www.dailymotion.com/video/xqxtoj_bayern-munich-1-1-chelsea-penalty-shoot-out_sport
全場比賽最忙嘅人可以話係施治，撲出洛賓嘅十二碼，十二碼大戰中又全部撲中方向，讓對方心神大亂，施治絕對係車路士奪冠嘅英雄！