魔獸英雄傳！杜奧巴1球救主1球定乾坤3殺拜仁決賽9戰9球

34歲嘅杜奧巴演繹著魔獸英雄傳，再一次成為車路士救世主，助車仔徹底駛上歐洲之巔。就响賽事已經住入尾段，梅拿一頂為拜仁打開半邊勝利之門，點知魔獸轉個頭就頂番住度門，將比賽拖入加時，並最終响互射十二碼射入一定乾坤嘅一球！

魔獸：想贏？問過我先！
http://www.dailymotion.com/video/xqxsjg_bayern-munich-1-1-chelsea_auto
本賽季杜奧巴雖然入球效率唔算高，但係佢次次都係响關鍵時刻入波！

一個有趣嘅數據係，車路士三次面對拜仁，杜奧巴都場場建功，而且三個入球全部都係80分鐘以後射入嘅。而魔獸身披藍軍戰袍9次出戰杯賽（包括足總杯、聯賽杯等）決賽時已經為球隊獻上9個入球。魔獸也因此成為繼1987年波圖的馬傑爾和2009年巴塞的伊度奧後第三位在歐聯決賽獲得入球的非洲球員。

杜奧巴入波後忘情奔跑肆意慶祝，除咗係抒發之前各界對佢嘅質疑呢淡氣之外，當然仲有09年車路士俾巴塞淘汰嗰場波嘅冤屈之氣。點解冤屈就唔多講喇，而當時杜奧巴嬲到激點响鏡頭面前爆粗嘅呢一幕相信大家仲記憶猶新。今日魔獸一吐烏氣，自然特別激動！
http://www.youtube.com/watch?v=toTx8wet820