英格蘭聯賽盃決賽，車路士同利物浦激戰至互射十二碼第11輪，最終利物浦險勝，破記錄第九次贏得聯賽盃冠軍。
雙方陣容:
🦁🔴體能狀態
今場兩隊正選名單同各自上一場相似，車路士以查洛巴代替基斯甸臣，而利物浦今仗由二號門將基拿夏把守最後一關，原本正選嘅堤亞高熱身時受傷，基達需要臨時頂上成為正選。上場比賽兩隊都喺主場出擊，而車仔比利記早一日進行比賽，今場比賽前車仔有更多休息調整同備戰時間，相信體能狀態更好。
🦁進退有道，只差埋門
比賽早段，兩隊互相向前壓迫 ，快上快落，可見兩隊對彼此踢法相當熟習，令今場高手過招無須試探。車仔喺早段憑藉體能優勢，稍稍佔據上風，亦以相當高質嘅快攻製造黃金機會。夏維斯快速將波轉移至右路，艾斯派古達地波妙傳到小禁區前，佩利錫埋門被基拿夏封出。
車仔早段壓迫搶攻過後，上半場中段開始減少壓迫，將隊形收縮於後方以減慢體力消耗。利記重奪控球權，隨之亦取回形勢。車仔三中堅陣嘅防守非常緊密，加上文迪面對文尼嘅「神救」，利記多次嘗試邊路配合同兩閘傳中都無功而回。倒反車仔到上半場尾段一個反擊送到門前，可惜曼治僅僅射斜。
下半場，杜曹部署嘅取態同上半場相似。15分鐘半場休息回氣後，車仔再度發力，下半場初段多次打上前場，其中佩利錫妙傳俾中路插前嘅曼治形成了半單刀機會，可惜射中柱，球隊再次同入球無限接近。
下半場中段，當球隊再次減少壓迫，一度被利記反壓並製造到唔少威脅，門將文迪屢建奇功，但其後直到加時階段亦製造到唔少具威脅嘅反擊/快攻，不過往往跌入利記嘅越位陷阱，包括夏維斯同盧卡古合共三次食炸糊。
今場杜曹麾下嘅車路士進退有道，戰術取態清晰而有效。不論向前壓迫定收縮嘅時候，都能收窄利物浦嘅組織空間，而其快攻或反擊配合亦非常高效，可惜往往差在臨門一腳。
🔴控制戰局，多次嘗試
利物浦方面，今仗球隊未有體能優勢，早段抵擋過車路士嘅衝擊後，得以控球在腳。主攻陣地戰之中，車仔防守緊密，利記嘗試使用唔同進攻方法，包括邊路突破、邊路滲入halfspace、兩閘傳中等，仍難以製造大量機會。不過，經過反覆而具有變化嘅攻勢，上半場利記制造到兩次明顯嘅機會，包括阿諾於偏右位置斬俾文尼衝頂，同迪亞斯左路拉開空間製造基達禁區頂勁射，然後文尼補射被被文迪「神救」嘅機會。
下半場初段，車仔同上半場一樣首先發力，隨曼治半單刀射門中柱，利記再次逃過一劫。利記企穩陣腳後反壓對方，雖然未能以短傳組織滲入對方重地，但仍以唔同方法製造機會，沙拿同迪亞斯分別嘅反擊，只差最後嘅處理，而其罰球同角球都極具威脅，分別製造馬迪普嘅炸糊同雲迪克嘅炮彈式頭槌攻門。
🔴越位陷阱+後防球員能力
相比車路士，利物浦後防線隨隊形壓得較前，其前場壓迫無疑阻止了唔少快攻或反擊嘅開始。不過，前場壓迫消耗始終較大，壓迫力量會隨體能下降，難以整場都使用而見效。面對車仔純熟嘅快攻/反擊，利記主要以越位陷阱同後防球員嘅能力來應付，統領後防嘅雲迪克，今場功勞頗大，門將基拿夏亦係英雄。
🦁🔴雙方調動120分鐘嘅比賽兩隊都用盡五個換人名額，除補充體力外，一啲調動嘅對應亦值得一題。74分鐘，杜曹決定換入盧卡古，以其身形同後備上陣嘅體能優勢，嘗試「屈機」打破僵局。其後高普就以同樣健碩嘅中堅高拿迪入替馬迪普，同盧卡古抗衡，多次破壞其支點作用。
🦁🔴十二碼
十二碼階段，杜曹換入後備門將基柏，相信係賽前嘅部署，但最終基柏未能撲救到任何一球，而最後一球更射上看台，令人為表現出色嘅文迪感到可惜。使用基柏撲十二碼曾經係車路士嘅奇招，但經過幾次使用，似乎已經被針對研究。
🦁🔴高手過招
今場決賽車路士同利物浦旗鼓相當，比賽節奏非常緊湊，令人目不暇給，每一個傳送、走位、對抗、配合等嘅動作都係高手過招嘅表現。感謝兩隊合演了一場具有觀賞性嘅對決，恭喜利記，辛苦了車仔。
雙方陣容:
🦁🔴體能狀態
今場兩隊正選名單同各自上一場相似，車路士以查洛巴代替基斯甸臣，而利物浦今仗由二號門將基拿夏把守最後一關，原本正選嘅堤亞高熱身時受傷，基達需要臨時頂上成為正選。上場比賽兩隊都喺主場出擊，而車仔比利記早一日進行比賽，今場比賽前車仔有更多休息調整同備戰時間，相信體能狀態更好。
🦁進退有道，只差埋門
比賽早段，兩隊互相向前壓迫 ，快上快落，可見兩隊對彼此踢法相當熟習，令今場高手過招無須試探。車仔喺早段憑藉體能優勢，稍稍佔據上風，亦以相當高質嘅快攻製造黃金機會。夏維斯快速將波轉移至右路，艾斯派古達地波妙傳到小禁區前，佩利錫埋門被基拿夏封出。
車仔早段壓迫搶攻過後，上半場中段開始減少壓迫，將隊形收縮於後方以減慢體力消耗。利記重奪控球權，隨之亦取回形勢。車仔三中堅陣嘅防守非常緊密，加上文迪面對文尼嘅「神救」，利記多次嘗試邊路配合同兩閘傳中都無功而回。倒反車仔到上半場尾段一個反擊送到門前，可惜曼治僅僅射斜。
下半場，杜曹部署嘅取態同上半場相似。15分鐘半場休息回氣後，車仔再度發力，下半場初段多次打上前場，其中佩利錫妙傳俾中路插前嘅曼治形成了半單刀機會，可惜射中柱，球隊再次同入球無限接近。
下半場中段，當球隊再次減少壓迫，一度被利記反壓並製造到唔少威脅，門將文迪屢建奇功，但其後直到加時階段亦製造到唔少具威脅嘅反擊/快攻，不過往往跌入利記嘅越位陷阱，包括夏維斯同盧卡古合共三次食炸糊。
今場杜曹麾下嘅車路士進退有道，戰術取態清晰而有效。不論向前壓迫定收縮嘅時候，都能收窄利物浦嘅組織空間，而其快攻或反擊配合亦非常高效，可惜往往差在臨門一腳。
🔴控制戰局，多次嘗試
利物浦方面，今仗球隊未有體能優勢，早段抵擋過車路士嘅衝擊後，得以控球在腳。主攻陣地戰之中，車仔防守緊密，利記嘗試使用唔同進攻方法，包括邊路突破、邊路滲入halfspace、兩閘傳中等，仍難以製造大量機會。不過，經過反覆而具有變化嘅攻勢，上半場利記制造到兩次明顯嘅機會，包括阿諾於偏右位置斬俾文尼衝頂，同迪亞斯左路拉開空間製造基達禁區頂勁射，然後文尼補射被被文迪「神救」嘅機會。
下半場初段，車仔同上半場一樣首先發力，隨曼治半單刀射門中柱，利記再次逃過一劫。利記企穩陣腳後反壓對方，雖然未能以短傳組織滲入對方重地，但仍以唔同方法製造機會，沙拿同迪亞斯分別嘅反擊，只差最後嘅處理，而其罰球同角球都極具威脅，分別製造馬迪普嘅炸糊同雲迪克嘅炮彈式頭槌攻門。
🔴越位陷阱+後防球員能力
相比車路士，利物浦後防線隨隊形壓得較前，其前場壓迫無疑阻止了唔少快攻或反擊嘅開始。不過，前場壓迫消耗始終較大，壓迫力量會隨體能下降，難以整場都使用而見效。面對車仔純熟嘅快攻/反擊，利記主要以越位陷阱同後防球員嘅能力來應付，統領後防嘅雲迪克，今場功勞頗大，門將基拿夏亦係英雄。
🦁🔴雙方調動120分鐘嘅比賽兩隊都用盡五個換人名額，除補充體力外，一啲調動嘅對應亦值得一題。74分鐘，杜曹決定換入盧卡古，以其身形同後備上陣嘅體能優勢，嘗試「屈機」打破僵局。其後高普就以同樣健碩嘅中堅高拿迪入替馬迪普，同盧卡古抗衡，多次破壞其支點作用。
🦁🔴十二碼
十二碼階段，杜曹換入後備門將基柏，相信係賽前嘅部署，但最終基柏未能撲救到任何一球，而最後一球更射上看台，令人為表現出色嘅文迪感到可惜。使用基柏撲十二碼曾經係車路士嘅奇招，但經過幾次使用，似乎已經被針對研究。
🦁🔴高手過招
今場決賽車路士同利物浦旗鼓相當，比賽節奏非常緊湊，令人目不暇給，每一個傳送、走位、對抗、配合等嘅動作都係高手過招嘅表現。感謝兩隊合演了一場具有觀賞性嘅對決，恭喜利記，辛苦了車仔。
請按此登錄後留言。未成為會員? 立即註冊