【一】哈利簡尼與熱刺教會我們的五件事

唔係足球咁簡單 於 15/03/2016 發表 收藏文章
不一樣的人,不一樣的看法

如果大家想推介主題比我地寫既話,記得黎呢到或者直接係Facebook搜尋世界球壇俱樂部,只要係個Wall到或者PM我地球員名,我地就會落筆寫架喇!
當然我地都好歡迎讀者投稿架!

哈利簡尼:我能夠成為英超最佳前鋒之一


每個人都有自己既故事、有自己既體會。哈利簡尼作為近年英超新星,到底我地可以從佢身上學到啲咩呢?

  1. 要生存、就要學會適應
自從簡尼登上左唔同體育報既頭條之後,佢自己都承應對方會就著佢安排唔同既戰術。的而且確對佢黎講入波係難左,但只要慢慢適應對手既部署,習慣唔同對手防禦既風格,你最終都會搵到機會為球隊入波。事實上,當我地目前做事好順利既時候,隨著事情既發展,我地就會遇到越大既阻力,甚至可能會有人針對住你阻止你成功。但如果你都可以好似簡尼咁了解你既對手、改變你既策略,最終勝利都會掌握係你既手中。


  1. 人事關係極其重要
無論係球場定職場,只要係一個團隊入面,就自自然然會有唔同既關係網絡。對於簡尼而言,佢唔單只要同普捷天奴打好關係,佢更加要同隊友們保持良好既溝通。因為一個人要取得成功,背後總有好多人係不知不覺中為你提供協助。簡尼入球雖多、仍需隊友助攻,係球場上你永遠都唔知會發生咩事,所以一班隊友互相扶持係好重要既。情況就好似你番工既時候,如果係唔同小事上有其他人幫到你手,相對於單打獨鬥、死扭爛扭,相信你做事既效率都會大大提升。

  1. 成大事由小事開始
雖然今季英超仲未分出勝負,但季前都冇太多人相信熱刺可以係今季就爭奪聯賽冠軍。曼聯今季對強隊既時候都有唔錯既發揮,遇強越強既情況底下遇弱竟然都係越弱。相反,今季熱刺雖然聯賽開季四戰不勝,錄得一和三負既成績,但之後一波十一場不敗既佳績令佢地係聯賽榜急起直追。今季英超只係輸過三場既佢地正正就係一個好既例子話比大家知,無論係大賽定係小賽,只有係每一件事上面都做好自己,呢啲慢慢積累落黎既野終有一日會為你帶黎回報。

  1. 跌倒後快點站起來
常言道:失敗並唔可怕,可怕既係企唔番係身。今季熱刺頭四場聯賽一和三負,先輸比雲高爾帶領既曼聯,再連和史篤城、異軍突起既李斯特城同愛華頓。好彩四戰得三分既佢地並冇放棄,跟住果三場全勝之餘更加係主場大炒曼城4比1。唔難發現既係好多時我地係做野既時候一定會遇到挫折,但如果我地花時間抱怨,到最後就會發現件事冇好轉到,仲因為我地浪費左寶貴既時間令到係撥亂反正既路途上更加困難。

  1. 年青人才是未來
哈利簡尼11歲加入熱刺既青訓系統,18歲開始唔同既租借生涯,4年間為4支唔同既球會效力過,最終完成係李斯特城既租借後番到白鹿徑,成為左球隊既主力。呢個係好多球隊青訓球員道路,球會將佢地租借去唔同既球會就係為左比佢地吸收上陣既經驗,將來為球隊效力。其實係我地既生活中,實習正正就係做緊一樣既工作,點解咁多公司願意提供機會比大家實習,就係因為佢地可以用最低既成本,去發掘將來為公司搏殺既球員囉!

中意我地既朋友記我Follow n share我地既專頁同文章喇!唔中意既朋友都歡迎你地黎留言話比我地知有咩可以改善既空間丫!你地既支持,就係我地既動力! ;)

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→