哈利簡尼:我能夠成為英超最佳前鋒之一

世界球壇俱樂部 於 15/03/2016 發表 收藏文章
呢位22歲既英格蘭國腳係普捷天奴既帶領之下,呢兩季既表現都非常突出。目前佢已經係英超其中一個最好既前鋒,係球隊2比0擊敗阿士東維拉既比賽更加包辦哂球隊既所有入球,令熱刺能夠繼續爭奪今季既英超錦標。


今季,哈利簡尼已經為熱刺射入左19球,而球隊亦因為佢既好表現目前排係英超聯賽既第二位。而簡尼亦都好清楚,佢要繼續進步,就必須要習慣對方既球員對自己既盯防喇。

係星期日戰勝維拉既賽後,呢位前鋒係接受天空體育既訪問既時候就咁講喇:「我希望成為球壇其中一個最好既前鋒,而我亦都好清楚我要搵到唔同既方法入波。事關今季同上季最大既分別就在於對手會針對性咁部署防守我,佢地既緊迫令到我既空間更小,當我搵位置射波既時候,通常都會有兩至三個球員係我附近封阻我既射門。雖然咁樣入波係難左,但我知道只要我適應到,我就可以成為英超其中一個最好既前鋒。」

星期四晚,熱刺就會係歐霸次回合對住多蒙特喇。到底簡尼能唔能夠帶領熱刺反勝呢?我地一齊拭目以待。


原文

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→