車曼大戰,3大戰術重點成輸贏關鍵

足球基地 於 03/11/2017 發表 收藏文章
今個星期日晚嘅12.30 (11月6日00:30),車路士將會主場出擊對陣曼聯。此戰對雙方都非常重要,現時車路士於英超得19分排第4,而曼聯則23分排第2,對車路士來說,車路士可以以今次機會收窄雙方距離及保前4,而曼聯贏就可以與排第1嘅曼城收窄距離。基本上,兩隊球隊嘅風格類近,都以防守反擊為主,不過以下有3大戰術重點可以定輸贏。

1.前場壓迫

車路士
前場壓迫對車路士較為佔優。曼聯陣中四個中堅,連迪洛夫、鐘斯、史摩寧及白蘭特中,只有連迪洛夫係用波上較為好,其餘三個中堅都有弱點暴露,例如白蘭特速度慢、史摩連受壓時會交醫院波等等,前場壓迫可以促使曼聯後防犯錯。令一個好處係可以阻止後防長傳給盧卡古,盧卡古係高空球有好大優勢,但當費蘭尼同普巴兩個1米9高嘅球員缺陣,曼聯難以於高空球佔盡優勢,如果再加上壓迫,使難以輸送長傳給盧卡古,此舉將會大大削弱曼聯攻擊力。

曼聯
前場壓迫亦都適合曼聯嘅前線,當曼聯搶到波之後,曼聯可以利用短傳來製造出空間,使速度快嘅球員可以衝過車路士後防,又或者以速度拉開車路士嘅防線,使車路士後防結構變形,再尋找機會入球,而曼聯陣中就有馬素爾、拉舒福特同盧卡古三位速度快嘅球員。

總結: 我相信摩連奴並唔會用前場壓迫,因為摩連奴為人比較保守,前場壓迫係一個高風險嘅戰術,未必會使用。而車路士陣中有適合嘅球員可以實行戰術。

2. 三中場

車路士
3中場都車路士嘅好處係,可以使用法比加斯作為核心,法比加斯係用球同閱讀球賽嘅能力係隊中相信係最好,但佢球場嘅覆蓋有限同粗疏嘅防守位置感,再加上係歐聯對羅馬時已經體力透支時,唔太適合成為正選11人,反而當球隊落後或處於和局時,可以放法比加斯出來,送出高質素嘅傳球,使球隊入球。

曼聯
曼聯用3中場,相信可以於中場有人數上嘅優勢(除非車路士都係三中場),摩連奴通常將3中場用於比賽後段,希望可以以中場優勢及中場發場發動突擊,使球隊可以入球。當係大賽之中,摩連奴大多數會用三中場作為開賽排陣,因為可以加強防守及有能力製造更多空間予兩翼及前鋒,或許可以再次用靴里拉再次成為「夏薩特嘅影子」時,保護中場嘅一個排陣。

總結: 大賽中,摩連奴經常使用3中場,但唯一疑慮係費蘭尼。費蘭尼係摩連奴眼中係一個極重要嘅球員,但費蘭尼缺陣,會否影響摩連奴排3中場陣式呢? 不過麥湯明尼都係其中一個選擇,雖然佢只得20歲,但係歐聯對賓菲加嘅比賽中表現出色。

3. 10號球員

車路士
無可置疑嘅係,車路士陣中最好嘅攻擊球員係夏薩特,佢係一個係盤扭同送出關鍵傳送予前鋒嘅球員。夏薩特係干地麾下,多數出任左翼位置,但佢表現最好嘅位置係10號位置,佢係前鋒後面,絕對可以製造空間給予自己或前鋒,使曼聯陣容鬆散並出錯,就好似佢係歐聯對馬體會時嘅表現一樣,可以令馬體會後防混亂,對陣曼聯對可以。

曼聯
係普巴缺陣之下,10號球員位置相信只有米希達恩能夠勝任。上季米希達恩主要係一名右中場,多數發揮自己走位靈活嘅優點,雖然佢能夠勝位該位置,但唔係佢發揮最好嘅位置。今季米希達恩係普巴缺陣下,可以踢10號位置,亦都交足功課,製造空間比前鋒同助攻前鋒。

總結: 係大前提摩連奴應該會以3中場排陣的話,米希達恩就無法出任10號位置。而夏薩特今季已經表現出自己能夠於10號位置發揮,所以應該會以夏薩特作為10號位置球員。


Source: https://www.whoscored.com/Regions/252/Tournaments/2/England-Premier-League
http://www.squawka.com/news/three-gameplans-what-will-decide-chelsea-v-man-utd-and-whether-conte-or-mourinho-will-act-first-analysis/1004818#KdWY16AvG8jGlxV1.97


如果喜歡我們的文章,請即分享到︰

標籤: 車路士  曼聯  

留言


請按此登錄後留言。未成為會員? 立即註冊
  • Dave Lee 於 04/11/2017 評論 NO. 1

    咪又係大巴

  • JustinSo727 於 04/11/2017 評論 NO. 2

    又錯別字,又多廢話

快捷鍵:←
快捷鍵:→