英國冬令時間到來,簡述過往五季英超球隊係冬令時間時嘅表現

足球基地 於 28/10/2017 發表 收藏文章
英國習慣於10月嘅最後一個星期日轉冬季時間,屆時香港時間就會由+7變為+8,而會係3月最後一個星期日轉為夏令時間,即係+7。今年嘅冬令時間將伯係10月29日開始,屆時英超就會比現時嘅時間遲一小時開始。以下就有小小分析關於球隊嘅表現。

2016/2017
係16/17球季,英超冬令時間總共踢19輪比賽。最突出係西布朗,西布朗16/17球季總共取得45分,而當中有33分都係由冬令時間時嘅比賽取得,係冬季時間西布朗平均每場取得1.74分,相較夏令時間嘅0.63分多,相差1.11分。而史篤城都唔差,上季總共取得44分,當中27分都係冬令時間嘅比賽中取得,平均每場取得1.35分,比夏時間嘅0.83分多0.52分。而阿仙奴係上季總共取得75分,但當中只得27分由冬令時間比賽取得,冬季比賽平均取得1.59分,比夏季時間嘅2.29少0.7分。

2015/2016
15/16球季中,李斯特城同熱刺係冬令時間,平均取得最多分。李斯特城係冬季時間比賽,平均每場可以取得2.24分,而係夏令就平均2分。而熱剌係冬令時間平均取得2.10分,夏令時間就取得2.11分,熱剌係夏令時間嘅表賽比冬令時間只係多0.01分,顯示出當季熱剌表現持續地好,只係李斯特城贏下重要比賽並奇蹟地贏得到英超冠軍。而般尼茅夫係當年總共取得42分,當中有30分都係係冬令時間比賽取得。15/16球季中,曼市雙市同樣都係冬令時間比賽表現較差,兩隊係冬令時間比賽都未能取得平均1.5分一場比賽,但係夏令時間又可以提升到平均2分一場比賽。

2014-2015
其實當季阿仙奴係冬令時間比賽表現不俗,都係平均每場2.19分,但球隊係夏令時間嘅比賽表現太差,平均每場只係差得1.71分,導致被曼城追上並拉開與車路士嘅差距。車路士係當季嘅冠軍,而佢地係冬令時間平均取得2.20分,其分數表現延續到夏令時間比賽,平均2.39分。


2013-2014

當季係由曼城取得冠軍,數據顯示出曼城係冬令時間比賽取得好多分,曼城係20場冬令時間比賽中,取得了50分,即係平均2.60分。雖然當季利物浦非常有機會取得冠軍,球隊持續發揮出好表現,但實在不及曼城冬令時間時取嘅分多,最後無法贏得冠軍。而當年柏祖帶領嘅紐卡素,係轉冬令時間後嘅9場比賽中,紐卡素贏得當中7場,所以平均每場比賽能取得1.59分。

2012-2013
儘管當季曼聯嘅陣容備受質疑,但曼聯係費格遜退休之年,係過去5季嘅冬令時間比賽中表現最好。曼聯係12/13球季嘅冬令時間比賽,平均每場取得2.65分,即係20場比賽當中取得53分。雖然夏季時間比賽嘅平均分數不及其餘頭5名嘅球隊,但都經以足球曼聯贏得冠軍。而係最底嘅昆士泊流浪,佢地係冬令時間時表現不錯,平均0.95分一場比賽,如果昆士泊流浪可以全季平均0.95分一場的話,整季可以取得36分,或許可以唔洗降班,但可惜佢地係夏令時間比賽平均只得0.29分。

總結:
車路士係唯一一隊,係5季當中,平均於冬令時間時取得超過2分。而阿仙奴除了係14/15年球季嘅冬令時間表現較好之外,其餘4季都未能於冬令時間比賽中取得平均超過2分,顯示阿仙奴會於11月至3月時嘅比賽失分。中遊球隊大多表現平均,無特別太大起伏。但對於下遊球隊,不少球隊於冬令時間時表現佳較,但於夏季時間卻無法保持,另外就可能整季平均得分都低。

Source:https://www.fourfourtwo.com/features/winter-league-how-good-your-premier-league-side-once-clocks-go-back

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→