強強對碰阿仙奴賽和紅軍1比1 連續第二年奪得英超聖誕冠軍
英超聖誕快車賽事，利物浦主場晏菲路出擊激戰阿仙奴，利物浦方面上場聯賽盃5比1大破韋斯咸，士氣人腳極佳，今日4-3-3陣式中場起用鍾斯(Curtis Jones)，正前鋒用加普(Cody Gakpo)做正選。阿仙奴方面有一個星期嘅休息時間備戰，今日繼續勝利十一人以耶穌、薩卡同馬天尼利打三箭頭。
開波4分鐘阿仙奴趁主隊未入局，透過罰球攻勢，禁區內加比爾頭槌頂入率先領先一比零。上半場阿仙奴積極地逼搶並且將比賽節奏加快，不過強強對碰令到場面顯得亂打亂。阿仙奴嘅殺著依然係兩翼嘅薩卡同馬天尼利嘅持球威脅，而利物浦上半場能夠打出嘅殺著只有阿諾同沙拿，又或者係針對防守較弱嘅辛真高(Oleksandr Zinchenko)作突破口，29分鐘阿諾半場前大腳斬上去比沙拿，沙拿單對單挑戰辛真高，右路對住辛真高連推兩下大位起腳入網，為利物浦追平一比一。
換邊後利物浦重拾返主場氣勢壓住阿仙奴，擺脫上半場較為慌失失嘅表現，雖然兩隊最後無再增添入球，但利物浦嘅機會較多，特別係72分鐘利物浦5打2嘅快速反擊，最終只係阿諾起腳中楣彈出撞楣。阿仙奴喺下半場中後段嘅體力難以應對利物浦嘅進攻，即使反擊球員壓上前嘅速度亦唔夠快，後備換入嘅托沙特同尼基迪亞亦未有幫到球隊，因此阿仙奴算係勉強保住1分踢成一比一完場。
呢場賽事節奏明快係一場好波，但賽後令人回想到兩年前利物浦4比0大炒阿仙奴嘅主場賽事，同樣係晏菲路球場，但經歷兩年洗禮阿仙奴已經一步一腳印重新成為強隊，以球隊嘅進步延伸到每一個球迷嘅個人成長，呢兩年你又有無好似阿仙奴咁樣去努力進步、又有無浪費呢兩年時間呢，2023年即將離去，去把握今年餘下嘅時間啦🙌🏻祝大家聖誕節快樂🎄
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
英超聖誕快車賽事，利物浦主場晏菲路出擊激戰阿仙奴，利物浦方面上場聯賽盃5比1大破韋斯咸，士氣人腳極佳，今日4-3-3陣式中場起用鍾斯(Curtis Jones)，正前鋒用加普(Cody Gakpo)做正選。阿仙奴方面有一個星期嘅休息時間備戰，今日繼續勝利十一人以耶穌、薩卡同馬天尼利打三箭頭。
開波4分鐘阿仙奴趁主隊未入局，透過罰球攻勢，禁區內加比爾頭槌頂入率先領先一比零。上半場阿仙奴積極地逼搶並且將比賽節奏加快，不過強強對碰令到場面顯得亂打亂。阿仙奴嘅殺著依然係兩翼嘅薩卡同馬天尼利嘅持球威脅，而利物浦上半場能夠打出嘅殺著只有阿諾同沙拿，又或者係針對防守較弱嘅辛真高(Oleksandr Zinchenko)作突破口，29分鐘阿諾半場前大腳斬上去比沙拿，沙拿單對單挑戰辛真高，右路對住辛真高連推兩下大位起腳入網，為利物浦追平一比一。
換邊後利物浦重拾返主場氣勢壓住阿仙奴，擺脫上半場較為慌失失嘅表現，雖然兩隊最後無再增添入球，但利物浦嘅機會較多，特別係72分鐘利物浦5打2嘅快速反擊，最終只係阿諾起腳中楣彈出撞楣。阿仙奴喺下半場中後段嘅體力難以應對利物浦嘅進攻，即使反擊球員壓上前嘅速度亦唔夠快，後備換入嘅托沙特同尼基迪亞亦未有幫到球隊，因此阿仙奴算係勉強保住1分踢成一比一完場。
呢場賽事節奏明快係一場好波，但賽後令人回想到兩年前利物浦4比0大炒阿仙奴嘅主場賽事，同樣係晏菲路球場，但經歷兩年洗禮阿仙奴已經一步一腳印重新成為強隊，以球隊嘅進步延伸到每一個球迷嘅個人成長，呢兩年你又有無好似阿仙奴咁樣去努力進步、又有無浪費呢兩年時間呢，2023年即將離去，去把握今年餘下嘅時間啦🙌🏻祝大家聖誕節快樂🎄
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
請按此登錄後留言。未成為會員? 立即註冊