阿仙奴整場圍攻一球不入 韋斯咸團隊勝利守出個未來
英超聖誕快車賽事，阿仙奴酋長球場對戰韋斯咸，阿仙奴上一場激戰利物浦賽和1比1，今日4-3-3陣式唯一調動係左中場用上杜沙特(Leandro Trossard)，因為原來嘅夏域斯因累積5張黃牌需要停賽一場。另一邊嘅韋斯咸上場2比0戰勝曼聯，今日4-2-3-1陣式一對中堅為奧邦拿(Angelo Ogbonna)同馬夫路班奴斯(Konstantinos Mavropanos)，陣容相對上韋斯咸處於下風。
上半場開局阿仙奴憑主場氣勢打出華麗足球，奧迪加特同薩卡係右路嘅連線做成極大威脅，不過韋斯咸都唔係省油的燈，13分鐘艾馬臣左路傳中，前柱嘅查洛保雲攞唔到，去到尾柱嘅辛真高解圍但唔清脆，查洛保雲左路底線前回傳返中路，由蘇錫克(Tomas Soucek)後上撞入，韋斯咸竟然能夠率先獲得入球。
入球後西咸防守得更徹底，防守時呈4-4-2陣式，兩翼回後增添人手遮線，每當薩卡、馬天尼利同奧迪加特攞波時都會安排兩位球員盯防，令到左路嘅馬天尼利未能發揮速度，右路方面基於韋斯咸中場艾華利斯(Edson Álvarez)經常回後塞住Half space位令薩卡盤扭推進空間有限，令阿仙奴上半場進攻無以為繼。
另一邊嘅阿仙奴進攻時呈3-2-4-1 陣式由辛真高內收，而防守時馬天尼利都會退到閘位幫辛真高對付靈巧嘅古度斯(Mohammed Kudus)，
換邊後韋斯咸依舊全軍退守三閘線之內，相反阿仙奴下半場作出改變，多利用左路馬天尼利作突破點，嘗試製造馬天尼利同托沙特嘅連線，右路嘅賓韋特又嘗試下落底傳中令邊路可以造成三打二局面，中路懷斯亦嘗試遠射，但正當阿仙奴作出改變威脅漸大嘅時候，56分鐘韋斯咸一記角球，華特包斯漂亮傳中，由倒戈嘅馬夫路班奴斯頂入，韋斯咸擴大比數到2比0。
65分鐘阿仙奴求變收起辛真高同馬天尼利，換入列斯尼爾遜(Reiss Nelson)同尼基迪亞(Edward Nketiah)，變成3-1-5-1陣式圍攻，但係調動並未打破僵局，反而韋斯咸咬緊牙關守到尾，最尾懷斯禁區防守踢跌艾馬臣，賓拉馬主射十二碼但被門將拉耶撲出，最終阿仙奴以0比2落敗予韋斯咸，聯賽兩場不勝，榜首位置被利物浦拿下。
呢場比賽客隊韋斯咸能夠拿下倫敦打吡係一場團隊勝利，艾馬臣對住薩卡無失禮，中堅奧邦拿幾次解圍時機準，其餘球員塞位、遮線、回防同跑動都打出賽前部署，繼而再把握機會殺死比賽，絕對係靠團隊拼勁值得一讚。另一邊嘅阿仙奴中場其實係有嘗試再出改變但同時被拉開至2比0實屬無運，其中今日懷斯派牌工作稱職，奧迪加特狀態火熱，但另一中場杜沙特就相對遜色，或許史密夫路維(Emile Smith Rowe)可以早啲上場幫助戰局。最後馬天尼利狀態繼續低迷唔穩定，阿迪達需要係呢一點上提供協助或能終止不勝形勢。
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
英超聖誕快車賽事，阿仙奴酋長球場對戰韋斯咸，阿仙奴上一場激戰利物浦賽和1比1，今日4-3-3陣式唯一調動係左中場用上杜沙特(Leandro Trossard)，因為原來嘅夏域斯因累積5張黃牌需要停賽一場。另一邊嘅韋斯咸上場2比0戰勝曼聯，今日4-2-3-1陣式一對中堅為奧邦拿(Angelo Ogbonna)同馬夫路班奴斯(Konstantinos Mavropanos)，陣容相對上韋斯咸處於下風。
上半場開局阿仙奴憑主場氣勢打出華麗足球，奧迪加特同薩卡係右路嘅連線做成極大威脅，不過韋斯咸都唔係省油的燈，13分鐘艾馬臣左路傳中，前柱嘅查洛保雲攞唔到，去到尾柱嘅辛真高解圍但唔清脆，查洛保雲左路底線前回傳返中路，由蘇錫克(Tomas Soucek)後上撞入，韋斯咸竟然能夠率先獲得入球。
入球後西咸防守得更徹底，防守時呈4-4-2陣式，兩翼回後增添人手遮線，每當薩卡、馬天尼利同奧迪加特攞波時都會安排兩位球員盯防，令到左路嘅馬天尼利未能發揮速度，右路方面基於韋斯咸中場艾華利斯(Edson Álvarez)經常回後塞住Half space位令薩卡盤扭推進空間有限，令阿仙奴上半場進攻無以為繼。
另一邊嘅阿仙奴進攻時呈3-2-4-1 陣式由辛真高內收，而防守時馬天尼利都會退到閘位幫辛真高對付靈巧嘅古度斯(Mohammed Kudus)，
換邊後韋斯咸依舊全軍退守三閘線之內，相反阿仙奴下半場作出改變，多利用左路馬天尼利作突破點，嘗試製造馬天尼利同托沙特嘅連線，右路嘅賓韋特又嘗試下落底傳中令邊路可以造成三打二局面，中路懷斯亦嘗試遠射，但正當阿仙奴作出改變威脅漸大嘅時候，56分鐘韋斯咸一記角球，華特包斯漂亮傳中，由倒戈嘅馬夫路班奴斯頂入，韋斯咸擴大比數到2比0。
65分鐘阿仙奴求變收起辛真高同馬天尼利，換入列斯尼爾遜(Reiss Nelson)同尼基迪亞(Edward Nketiah)，變成3-1-5-1陣式圍攻，但係調動並未打破僵局，反而韋斯咸咬緊牙關守到尾，最尾懷斯禁區防守踢跌艾馬臣，賓拉馬主射十二碼但被門將拉耶撲出，最終阿仙奴以0比2落敗予韋斯咸，聯賽兩場不勝，榜首位置被利物浦拿下。
呢場比賽客隊韋斯咸能夠拿下倫敦打吡係一場團隊勝利，艾馬臣對住薩卡無失禮，中堅奧邦拿幾次解圍時機準，其餘球員塞位、遮線、回防同跑動都打出賽前部署，繼而再把握機會殺死比賽，絕對係靠團隊拼勁值得一讚。另一邊嘅阿仙奴中場其實係有嘗試再出改變但同時被拉開至2比0實屬無運，其中今日懷斯派牌工作稱職，奧迪加特狀態火熱，但另一中場杜沙特就相對遜色，或許史密夫路維(Emile Smith Rowe)可以早啲上場幫助戰局。最後馬天尼利狀態繼續低迷唔穩定，阿迪達需要係呢一點上提供協助或能終止不勝形勢。
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
請按此登錄後留言。未成為會員? 立即註冊