曼城4比0擊敗富明尼斯奪冠 一年五大獎盃登頂成世界冠軍
世界冠軍球會賽決賽，曼城對戰巴西勁旅富明尼斯，曼城缺乏迪布尼同夏蘭特嘅情況下，上場3比0輕取日本球隊浦和紅鑽，今日以4-2-3-1陣式迎戰，前鋒用返獎杯獵人艾華利斯(Julián Álvarez)，雙中場由洛迪拍住列高路易斯(Rico Lewis)。富明尼斯方面上場淘汰艾阿里晉級決賽，今日原陣出擊4-2-3-1陣式，星級代表當然有前皇馬左閘球員馬些路(Marcelo)。
上半場開波40秒，馬些路解圍傳中被尼敦艾基(Nathan Aké)截到，左腳遠射被門將撲到，但皮球省中內柱反彈，門前嘅艾華利斯用心口撞入，曼城1分鐘就領先1比0。早早攻入一球打亂兩隊部署，不過富明尼斯係落後嘅情況下依舊展現出自己嘅特色，佢地比起曼城更愛後場搓傳，經常見到係自家禁區慢條斯理地搓短傳，由死位變生位，比起曼城搓傳更華麗，只係單有腳法未能組織到有效攻勢。
曼城方面有一球在手當然唔急，同樣陷入對手慢節奏搓波，但27分鐘正正就係透過由慢變快一次改變節奏再入一球，當時尼敦艾基放急勁直線比禁區嘅科頓，科頓睇準時機起腳，對方中堅連奴(Nino)鏟波彈高改變方向笠死門將，曼城半場領先2比0。
換邊後富明尼斯換入堅尼地(John Kennedy)增添活力，但門前風聲鶴唳，不及變化就差啲再被擴大分差，而富明尼斯一度將馬些路推入中場，寄望利用佢嘅創造力協助進攻，但曼城始終技高一籌，即使富明尼斯換入幾隻快馬亦無太多表現空間，71分鐘艾華利斯左路突破禁區傳中，科頓中路入楔撞入射成3比0。最後88分鐘艾華利斯禁區撥橫施射入網，最終曼城四比零擊敗富明尼斯，首奪世界冠軍球會賽冠軍🏆
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
世界冠軍球會賽決賽，曼城對戰巴西勁旅富明尼斯，曼城缺乏迪布尼同夏蘭特嘅情況下，上場3比0輕取日本球隊浦和紅鑽，今日以4-2-3-1陣式迎戰，前鋒用返獎杯獵人艾華利斯(Julián Álvarez)，雙中場由洛迪拍住列高路易斯(Rico Lewis)。富明尼斯方面上場淘汰艾阿里晉級決賽，今日原陣出擊4-2-3-1陣式，星級代表當然有前皇馬左閘球員馬些路(Marcelo)。
上半場開波40秒，馬些路解圍傳中被尼敦艾基(Nathan Aké)截到，左腳遠射被門將撲到，但皮球省中內柱反彈，門前嘅艾華利斯用心口撞入，曼城1分鐘就領先1比0。早早攻入一球打亂兩隊部署，不過富明尼斯係落後嘅情況下依舊展現出自己嘅特色，佢地比起曼城更愛後場搓傳，經常見到係自家禁區慢條斯理地搓短傳，由死位變生位，比起曼城搓傳更華麗，只係單有腳法未能組織到有效攻勢。
曼城方面有一球在手當然唔急，同樣陷入對手慢節奏搓波，但27分鐘正正就係透過由慢變快一次改變節奏再入一球，當時尼敦艾基放急勁直線比禁區嘅科頓，科頓睇準時機起腳，對方中堅連奴(Nino)鏟波彈高改變方向笠死門將，曼城半場領先2比0。
換邊後富明尼斯換入堅尼地(John Kennedy)增添活力，但門前風聲鶴唳，不及變化就差啲再被擴大分差，而富明尼斯一度將馬些路推入中場，寄望利用佢嘅創造力協助進攻，但曼城始終技高一籌，即使富明尼斯換入幾隻快馬亦無太多表現空間，71分鐘艾華利斯左路突破禁區傳中，科頓中路入楔撞入射成3比0。最後88分鐘艾華利斯禁區撥橫施射入網，最終曼城四比零擊敗富明尼斯，首奪世界冠軍球會賽冠軍🏆
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
請按此登錄後留言。未成為會員? 立即註冊