熱刺翼衛杜靴迪賽季收咧

熱刺翼衛杜靴迪賽季收咧😟

熱刺證實翼衛杜靴迪因為膝傷問題，要休養12個星期，所以今季餘下賽程都未能復出，賽季正式收咧😢杜靴迪嘅受傷源自於週六對阿士東維拉嘅大勝，因為係早段維拉守衛馬迪卡殊(Matty Cash)防守時剷傷杜靴迪，即使杜靴迪企返起身踢多一陣，最後喺21分鐘就要離開戰場😶‍🌫️
杜靴迪係摩連奴時期收購一員，但當時融入球隊需時，未能發揮真正實力就已經換帥🥵去到今季由干地執掌後，2022年起正式獲得重用，唔計對維拉受傷一戰，近6場英超交出2球4助攻，擔任右翼衛嘅佢助攻助守，甚至可以擔任左翼衛，絕對係干地勝利11人之一⚡️
然而賽季報銷，只能祈求盡快康復，而同一時間好消息嘅係左翼衛人選仲有列古朗同施斯隆，對比起鄰居阿仙奴失去左閘泰亞尼後無人頂到佢嘅位置，都算係爭四直路嘅一個好消息😳失去杜靴迪，會否令到熱刺最後失去前四席位呢🏆
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場