拉莫斯表示想踢多四五年

拉莫斯表示仲想踢多四至五年😳

隨着以自由身離開皇馬，加盟巴黎聖日耳門嘅拉莫斯，漸漸退出鎂光燈下，因為季初加盟以來拉莫斯一直受傷患困擾，直到現時只係為PSG上陣7次，只有其中3次係正選上陣，391分鐘入面收獲一個入球一張黃牌同一張紅牌🥵而上一場6比1屠殺克萊蒙特嘅比賽，拉莫斯係打足90分鐘，只係前面尼馬麥巴比同美斯搶晒風頭🤣
近日拉莫斯表示佢相信可以喺最高水平競技，意思指出佢已經克服傷患，佢亦向傳媒表示：「我認為我可以喺高水平賽場打多四至五年，然後我會有另一種體驗。」
「現時我效力巴黎，我嘅合約仲有兩年，我會努力延長到三年。只要我健康同體能跟得上，我相信我嘅頭腦會非常集中，而現時我非常高興、狀態非常好並渴望上場比賽。」唔知你哋又覺得現時已經36歲嘅拉莫斯，可唔可以係歐洲踢多四五年呢😧
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場