曼城利物浦延續爭冠之路

曼城利物浦延續爭冠之路🏆

曼城對利物浦今場比賽雖然戰和2比2，但相信係今季最刺激嘅比賽之一，因為雙方都有大量黃金機會，特別係曼城，上半場利用紅軍兩邊身後空位落底傳中，或者係突破越位直接攻門，攻勢一浪接一浪，只係史達寧嘅單刀同把握力差啲，好在5分鐘就有迪布尼禁區外起腳省中人改變方向率先打開記錄⚡️不過利物浦都唔係省油的燈，8分鐘過後就有祖達禁區內無人看管之下撞入，追平比分🤝然而科頓、簡些路不斷針對利物浦左路，阿諾同馬迪普忙於防範，37分鐘更加有加比爾捷西斯突破越位門前撞入，呢位巴西國腳久違地擔任正選竟然能夠成為奇兵，協助曼城揸住一球入更衣室😧下半場利物浦被高普訓話後，精神面貌唔同晒，兩閘無上得咁前，兼且取態上其實係打防反突擊，48分鐘就趁着曼城未企返穩陣腳，由沙拿右路傳中，壽星仔文尼射入追平2比2🔥
其後兩邊輪流進攻同出招，例如史達寧單刀射入但越位在先，馬列斯罰球中柱同尾段半單刀笠射高出，最終曼城二比二戰和利物浦，兩隊之間除左保持一分距離，同時保持爭冠嘅可能性，睇完呢場，唔知你又覺得最後今季能夠贏下冠軍係曼城對利物浦呢🏆
如果睇到呢度，不妨follow我地嘅instagram睇到更多唔同嘅足球資訊！IG : Footballarena_hk
Facebook: 足球港場