李斯特城驚險擊敗水晶宮

李斯特城驚險擊敗水晶宮🥵

5場英超連續不敗兼3比0大炒阿仙奴嘅水晶宮，作客嚟到皇權球場，或者係沉醉於大勝阿仙奴嘅喜悅，狀態一般，一直傾向後場組織向前，但沙夏係左路受到重點招呼，加拉加係攻擊中場亦無乜表現，除左係上半場打到幾次突擊，水晶宮就無乜進攻板斧😧而主隊嘅李斯特城今日收起班尼斯、科芬拿、伊雲斯等重要球員係後備，希望留力打週中嘅歐協聯，本以為球隊作出輪換後會稍為處於下風，但今日杜斯貝利荷爾支撐全隊，39分鐘就傳到比盧克文，盧克文禁區疾步再攞呃過安達臣射入🔥完半場前荷爾更加係禁區頂轉身即射抽入，拉開比數到2比0✨下半場水晶宮嘗試反撲，但基於主隊防守集中機會有限，直到64分鐘佐敦阿休係禁區博到十二碼，狀態其差嘅沙夏射十二碼被救到，但因為舒米高雙腳離開白界先要重射，沙夏再操刀十二碼都被救到，用頭點多一下就入網，水晶宮終於破蛋😶‍🌫️
其後艾斯同佐郭阿休間中都有啲威脅，幸好李城球員致力防守，最終李斯特城主場2比1擊敗水晶宮，英超主場3連勝兼取得40分，正式上岸🤣
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場