2021年度話題球員第1位 - C朗拿度

2️⃣0️⃣2️⃣1️⃣年度話題球員第1位✨
Cristiano Ronaldo - C朗拿度
現時36歲嘅C朗拿度，今年回歸成名地曼聯，絕對絕對係球壇第一大事件🤯
🇮🇹上季意甲（2021年起計算）17球2助攻
🏆意大利超級盃1球
🏆意大利盃2球🏆歐聯淘汰賽1助攻
🌎世界盃外圍賽6球
🤝友誼賽2球
🇪🇺歐洲國家盃5球1助攻
🏴󠁧󠁢󠁥󠁮󠁧󠁿今季英超8球3助攻
🏆歐聯小組賽6球
================
💯合計65場47球7助攻
呢張成績表其實相當驚人，因為年齡、地域、賽事同對手都未能限制C朗嘅表現🤯
年初C朗仍然效力祖雲達斯，但如同巴塞一樣管理層混亂不堪，安排剛入職嘅派路出任一隊教練，結果雖然C朗仍然係入球機器，成為祖雲達斯2021年神射手，並贏下意大利超級盃同意大利盃，但係歐聯十六強被波圖淘汰出局，意甲聯賽亦只係僅僅保住第四位同歐聯席位😟去到6月，歐洲國家盃正式展開，C朗3場小組賽都有入球，當中對德國一戰雖然落敗，但其中一球由後場狂奔上前，體能同速度超級驚人⚡️雖然係十六強對住比利時未能再進一步，但C朗4場攻入5球1助攻亦令佢成為歐國盃神射手🌟
去到8月尾，當整個球壇都正在討論美斯出走嘅時候，突然意大利傳出曼城將會收購C朗，唔知係心有靈犀定係搶風頭，兩位球皇竟然係同一個夏天轉會，而C朗拿度當然選擇回歸曼市，Sir Alex, this one is for you!
回歸曼聯，回歸成名地，回歸奧脫福球場，第一場對紐卡素就梅開二度，奧脫福陷入瘋狂狀態，其後歐聯對維拉利爾95分鐘絕殺對手，對阿特蘭大81分鐘又絕殺對手，其後又梅開二度91分鐘逼和阿特蘭大，多次挺身而出拯救曼聯😱當然，曼聯係過往「無政府狀態」由球員自由發揮，許多唔理想嘅情況令C朗相對吃力，包括中後場頻頻派膠，前領隊蘇斯克查領導無方，陣中球員並唔係100%專注足球，部份戰場球員好獨食，新領隊蘭歷克戰術風格過於理想，仲有疫情影響，種種狀況令C朗未能像過往一樣駕馭球場😟但對於36歲嘅佢仍然願意重返最高難度嘅英超，相信即使困難重重都會能夠成功克服😤講到克服，除左克服英超同歐聯小組賽，仲有世界盃外圍賽，因為葡萄牙係今屆外圍賽失手屈居小組第二，需要打附加賽先可以晉級，無疑對C朗有好大打擊，特別係最後一場對塞爾維亞，被英冠前鋒米祖域絕殺，令C朗忍不住流下男兒淚🤥
除左國家隊嘅事情，今年回歸英超或者對C朗有啲大壓力，係11月尾金球獎典禮過後，C朗係一個攻擊美斯不應獲得金球獎嘅貼文讚好並留言「Factors」，作為球壇巨星未免有啲失禮😓仲有利物浦血洗奧脫福一戰，C朗隔著皮球怒踢阿諾抽水，上場對紐卡素賴恩費沙嘅粗野攔截，絕對唔係一個好榜樣，C朗係呢方面真係要改善一下🤥
最後，C朗回歸奧脫福，除左令一眾球迷圓夢，更加展現佢嘅態度、意志同實力，以36歲之齡多次拯救隊伍，希望佢好似2021年最後一場聯賽一樣，以好表現回饋費爵爺❤️如果睇到呢度，不妨follow我地嘅instagram睇到更多唔同嘅足球資訊！
IG : Footballarena.hk