2021年度話題球員第1位 - 美斯

2️⃣0️⃣2️⃣1️⃣年度話題球員第1位✨
Lionel Messi - 美斯👑
現時34歲嘅美斯，今年除左贏下美洲國家盃，由巴塞轉會到PSG，更加贏下第7座金球獎，成為歷史第一人🤯
🇪🇸上季西甲（2021年起計算）23球9助攻
🏆國王盃3球1助攻🏆歐聯淘汰賽2球
🌎世界盃外圍賽5球
🌎美洲國家盃4球5助攻
🇫🇷今季法甲1球4助攻
🏆歐聯小組賽5球
=============
💯合計62場43球19助攻
對於美斯嚟講，2021年係又豐收又傷心嘅年份😢
由上一季決意離開巴塞但唔成功，係今季決定一心一意留係球隊，係朗奴高文執教下，球隊氣氛相對緊張，但始終巴塞有美斯做核心，進攻上穿針引線，幾乎場場有入球或助攻🤯
西甲路上力爭上游，但只係僅僅保住第3位，而係歐聯方面，十六強就抽中老對手PSG，兩回合計5比2大敗於PSG，即使美斯係兩場都有入球但孤掌難鳴😟然而，上季都有值得慶賀嘅事情，就係國王盃，4強對住西維爾首回合落後兩球，次回合碧基94分鐘逼和，加時再領先成功出線，決賽對住畢爾包美斯梅開二度，相隔兩季再次捧盃🏆係賽季結束後，迎嚟美洲國家盃，而美斯每一場都踢足90分鐘，7場貢獻4球5助攻，決賽1比0擊敗死敵巴西，美斯終於贏得國際大賽首個錦標，賽後隊友都捧起美斯為佢歡呼🥰
歡呼過後，又到返球會嘅時間，美斯嘅合約同巴塞本來係上季結束後就完結，但基於雙方多年合作，美斯先專注美洲國家盃，過後先再處理新合約。然而，呢個時候巴塞竟然因爲西甲財政條例而未能簽下美斯，即使美斯願意大幅減薪亦未能達成，令美斯要離開佢嘅家，離開效力17年嘅巴塞隆拿，淚灑魯營😭
幾日後，美斯同法甲巴黎聖日耳門簽下合約，正式轉投PSG，與尼馬、麥巴比組成三箭頭，更與一生死敵沙治奧拉莫斯做隊友，相當戲劇性🤣不過，未知是否美斯無心戀戰，法甲11場只係交出1球4助攻，歐聯就5場入5球，入球數字同場上表現都相對下滑，當然美斯都需要時間融入球隊，不過正如哥迪奧拿所講：如果美斯開心，我都會感到開心🥰
係11月尾美斯奪得個人第7座金球獎，成為歷史第一人，對比起美斯今年所發生嘅事情，包括美洲盃冠軍同離開巴塞，金球獎或者只係安慰獎，而呢座金球獎肯定左美斯係西甲嘅驚人表現同係美洲盃堅定嘅態度，因此美斯絕對值得加冕金球獎👑
2021嘅過去表示美斯離開巴塞已成事實，新一年希望美斯可以愉快地係PSG踢波，並係歐聯抽到曼聯🤣令球迷再一次睇到絕代雙驕嘅對碰👅如果睇到呢度，不妨follow我地嘅instagram睇到更多唔同嘅足球資訊！
IG : Footballarena.hk