本來意大利冇得踢2018世界盃決賽周呢啲傷心已經過咗，但佢哋唔用嘅兩位前鋒喺事發嘅一個星期之後，咁啱輪流發威，再次令人諗起意大利選兵排陣嘅荒謬。早前，喺拿坡里當紅嘅恩斯治尼喺歐聯射入世界波，而啱啱喺歐霸分組賽，連入選大名單嘅機會都冇嘅「巴神」巴洛迪利，就梅開二度，兼成為歐霸本周最佳球員候選人之一。
之前已經分享過恩斯治尼嘅入波 (《意大利有人唔用 恩斯治尼狀態神勇，歐聯射入世界波破僵局》)，呢位喺世界盃外圍賽6次正選上陣錄得4勝1和1負嘅前鋒，喺附加賽兩回合合共只得到14分鐘嘅機會，次回合生死戰更加係得個睇字，難怪隊長迪羅斯咁嬲。不過佢就好生性，一返到拿坡里，首先喺聯賽對AC米蘭入波，再喺歐聯分組賽對薩克達射入世界波。
https://i.imgur.com/Pfrf14O.gif
另一邊廂，有一位意大利前鋒仲慘。「巴神」巴洛迪利雖然神神化化，但自從上季去到法甲尼斯之後，明顯修心養性，起碼到依家仍然同主帥、隊友、球會高層保持到合作關係，雖然兩季內拎過三面紅牌 (另有一次兩黃一紅)，但其實都係值得爭議同埋有「案底成分」。最重要嘅係，佢嘅表現非常好，至今為尼斯上陣43場，各項賽事共入28球，法甲方面31場入21球，特別係今季8場法甲就已經入咗6球，效率奇高。
同埋巴神往往可以喺大賽緊張關頭靈光一閃，諗起意大利對瑞典嗰陣攻極都唔入，唯有係咁斬波吊入去，如果有頭槌唔錯嘅巴神在陣，話唔定可以扭轉戰局。雲杜拿選入加比亞甸尼呢位喺修咸頓都唔特別fit嘅前鋒，都唔揀8場入6球嘅巴神，好難講得通。
喺歐霸分組賽尼斯對華雷根，巴神再次發威，佢首先喺比賽初段搏得12碼兼親自操刀先開紀錄，之後接應隊友傳中門前搶點轟入個人第二球，最終幫助球隊贏3-1，尼斯就喺K組提早鎖定以次名出線。
https://i.imgur.com/w7VnBuY.gif
https://i.imgur.com/vKJ0D7n.gifhttps://i.imgur.com/2tOfzmr.gif
計埋呢一球之後，巴神喺今屆歐霸，5場貢獻4入球1助攻，平均每86.75分鐘就射入一球 (347分鐘/4球)，今個星期仲入圍歐霸本周最佳球員候選名單，你話佢夠唔夠班踼意大利國家隊？
全場精華
https://youtu.be/XW2OFIwCX3Q
Source: Europa、Soccerway、ESPN
之前已經分享過恩斯治尼嘅入波 (《意大利有人唔用 恩斯治尼狀態神勇，歐聯射入世界波破僵局》)，呢位喺世界盃外圍賽6次正選上陣錄得4勝1和1負嘅前鋒，喺附加賽兩回合合共只得到14分鐘嘅機會，次回合生死戰更加係得個睇字，難怪隊長迪羅斯咁嬲。不過佢就好生性，一返到拿坡里，首先喺聯賽對AC米蘭入波，再喺歐聯分組賽對薩克達射入世界波。
https://i.imgur.com/Pfrf14O.gif
另一邊廂，有一位意大利前鋒仲慘。「巴神」巴洛迪利雖然神神化化，但自從上季去到法甲尼斯之後，明顯修心養性，起碼到依家仍然同主帥、隊友、球會高層保持到合作關係，雖然兩季內拎過三面紅牌 (另有一次兩黃一紅)，但其實都係值得爭議同埋有「案底成分」。最重要嘅係，佢嘅表現非常好，至今為尼斯上陣43場，各項賽事共入28球，法甲方面31場入21球，特別係今季8場法甲就已經入咗6球，效率奇高。
同埋巴神往往可以喺大賽緊張關頭靈光一閃，諗起意大利對瑞典嗰陣攻極都唔入，唯有係咁斬波吊入去，如果有頭槌唔錯嘅巴神在陣，話唔定可以扭轉戰局。雲杜拿選入加比亞甸尼呢位喺修咸頓都唔特別fit嘅前鋒，都唔揀8場入6球嘅巴神，好難講得通。
喺歐霸分組賽尼斯對華雷根，巴神再次發威，佢首先喺比賽初段搏得12碼兼親自操刀先開紀錄，之後接應隊友傳中門前搶點轟入個人第二球，最終幫助球隊贏3-1，尼斯就喺K組提早鎖定以次名出線。
https://i.imgur.com/w7VnBuY.gif
https://i.imgur.com/vKJ0D7n.gifhttps://i.imgur.com/2tOfzmr.gif
計埋呢一球之後，巴神喺今屆歐霸，5場貢獻4入球1助攻，平均每86.75分鐘就射入一球 (347分鐘/4球)，今個星期仲入圍歐霸本周最佳球員候選名單，你話佢夠唔夠班踼意大利國家隊？
全場精華
https://youtu.be/XW2OFIwCX3Q
Source: Europa、Soccerway、ESPN
請按此登錄後留言。未成為會員? 立即註冊