利物浦再度墜落，今次可唔可以再度逆境求生？ 精選

半年前仲講緊要爭四冠王，而家英超排名跌落第九，甚至要喺戰術上尋求更加激進嘅變陣。利物浦究竟發生咩嘢事？

高普話過：「冇任何戰術體系係完美無瑕。外隊咁多年以嚟一直嘗試對抗我哋，但好多都唔成功，因為我哋當時嘅球員表現相當超卓。」言下之意，所有成功嘅因素都係建基於臨場表現。而利物浦要求變，就係因為今季嘅臨場表現，無法維持過去幾季嘅水準。